Nënkryetari i ri, a po vjen Alfred Rushaj për të fikur dritat në PD!

Me publikimin e ekipit të ri të Kryetarit të PD, Lulzim Basha, që pritet të votohet sot në Këshillin Kombëtar, demokratët u përballën me katër të papritura të mëdha ndërsa po shikonin partinë e tyre që kishte nevojë për paterica.

Por, me emrat e ri, Partisë Demokratike jo vetëm që nuk iu dha paterica por ajo po shkon drejtë avancimit në rënie duke krijuar një realitet të ri, jo më të pranueshëm për bashkëqeverisje me Edi Ramën sepse me këtë ekip, Lulzim Basha po jetëson bashkëqeverisjen e Partisë Demokratike me Partinë Socialiste! Pse?! 

Feierabend!  

Në situatën në të cilën është degdisur Partia Demokratike, kur nuk ka njeri që ta tërheq zvarrë liderin e opozitës e lëre më Kryeministrin, demokratët më optimist filluan ti bëjnë qejfin vetes duke bërë parashikime të panumërta pas rizgjedhjes së Lulzim Bashës për Kryetar, si për njeriun që mund ta zëvendësonte Sekretarin e Përgjithshëm ashtu dhe Nënkryetarin dhe Kryetarin e Grupit Parlamentar, ndërsa filluan ditët e fundit të vetëkënaqen edhe me zë të lartë me propozimin e qëlluar për formimin e  Sekretarisë dhe emrin që mund të jetë Sekretar për të për të përndjekur politik, si poste kyçe që do të mundësojnë funksionimin ndryshe të kësaj partie.

Demokratët me këmbë në tokë kishin një tjetër këndvështrim dhe filluan ta pranojnë se Partisë Demokratike i mungon vetëm një Fiereabend, në mënyrë që anëtarësia e PD të qetësojë emocionet e tyre duke pranuar se e lejuan vetë dhe sot ngelën pa parti, dhe mungon vetëm njeriu që mund të fikë dritat pas humbjes katastrofike të 25 Prillit 2021.

Gjermanët i thonë Feierabend, dhe është ai momenti i fundit të orarit në restorant ose pub kur fiken dritat tri herë, si shenjë që për sonte po mbyllet lokali.

Me publikimin e ekipit të ri të Partisë Demokratike erdhën disa të papritura, demokratët opotimistë i kaploi heshtja e ai që u kujdes ta çoj PD-në në këtë pikë, siç duket, ka menduar mirë edhe për njeriun që do të shtyp butonin e Fiereabend! Dhe, çuditërisht qëlloi në shënjestër.

Postin më të rëndësishëm politik në parti, përballjen e drejtëpërdrejtë parlamentare dhe jo vetëm me Edi Ramën dhe Partinë Socialiste, Lulzim Basha ia besoi njeriut me asnjë sekondë përvoje politike dhe pa kurrfarë lidhje me Partinë Demokratike, Alfred Rushajt, që sot pritet ta miratoj Këshilli Kombëtar!

Por, a po vjen një person apolitik si Alfred Rushaj rastësisht në këtë post apo Fiereabendin nuk e bënë askush më mirë se si njeri i sprovuar siç është Rushaj!

Po, Alfred Rushaj jo vetëm që ka qenë në disa poste menaxheriale gjatë qeverisjes socialiste të KESH-it, por ishte në këtë kompani kur dritat ishin më shumë të fikura se sa të ndezura në gjithë Shqipërinë, 1997-2005.

Për ata që nuk duan t’ia dinë për periudhën e errët të KESH-it dhe nuk kompleksohen pse  Alfred Rushaj ishte Kryetar i Bordit Mbikëqyrës të OSSH sh.a dhe Anëtar i Bordit të Drejtorëve të OST, duhet kujtuar se ishte drejtues dhe pjesë e kompanive të tjera kriminale në Shqipëri. Rushaj ishte Anëtar i Bordit Mbikëqyrës të Albpetrol, njërit nga bordet e radhës që shkatërroi ose lejoi shkatërrimin e njërës prej kompanive më të rëndësishme shqiptare si dhe Kryetari i Bordit Mbikëqyrës të INSIG Maqedoni, njërës prej kompanive famëkeqe shqiptare të Sigurimeve e cila së bashku me atë në Kosovë, njihen vetëm si seli të SHIK-ut në këto territore shqiptare.

Sot, këto kompani ku ka punuar Alfred Rushaj janë të njohura, dhe ka vetëm një arsye, në të gjitha pa dallim, dritat janë fikur!

Dhe jo vetëm kaq! Alfred Rushaj shërbeu si Zv/Ministër i Financave nga viti 2009 deri në vitin 2013, dhe kjo ministri fiku dritat me përfundimin e mandatit të Rushajt! Por Rushaj nuk kishe shkuar vetëm për Fiereabend në këtë ministri. Kandidati i Partisë Socialiste për Kryetar të Bashkisë Shkodër, Valdrin Pjetri, u akuzua nga PD pas fitores në zgjedhjet e vitit 2019 se ishte dënuar në Itali si trafikant. Partia Socialiste si parti kriminale që është menjëherë përdori kundër akuzën duke sjell dëshmi se Pjetri në “kohën e Berishës” ishte Drejtor i Aseteve të Antimafias!

Partia Demokratike nxitoi për të arsyetuar këtë emërim nga “koha e Brishës” duke akuzuar dhe Nënkryetaren e larguar të PD, Jozefina Topalli,  por shumë shpejtë u konfirmua se bëhej fjalë për të birin e Luigj Pjetrit i cili kishte qenë shef i Rushajt në KESH-in e menaxhuar nga socialistët, dhe për të cilin punësim vetë Valdrini kishte deklaruar se e kishte ndihmuar, Alfred Rushaj! Gjithsesi, edhe Valdrin Pjetrit iu fikën dritat!

Por kjo nuk shqetësoi njeri në strukturat e Partisë Demokratike, dhe Kryetari i saj e emëroi Alfred Rushajn si Drejtor të Fushatës Elektorale. Gërmimet e para i bënë për të qeshur të gjithë ata që pyetën për Rushajn, fillimisht aty ku jeton, te Komuna e Parisit!

-Ai me qenë, që solli policinë dhe bëri namin, ishte reagimi i parë i fqinjit të tij kur u pyet për njeriun që u emërua Drejtor i Fushatës Elektorale. Dhe, habia e tij ishte edhe më e madhe meqë e pranoi se i takonte Partisë Socialiste, në administratën e së cilës ka shërbyer Alfred Rushaj.      

Në fund, konfirmimi i Sekretarit të Përgjithshëm të dështuar, Gazment Bardhi, emri i Sekretarit për të Përndjekurit Politik, Jonila Godole që vjen nga një familje komuniste që prodhoj të përndjekur politik dhe ai i Sekretarit për Organizatat Partnere, Orjela Nebiaj, janë vetëm emërimet e përçudnuara në Partinë Demokratike që do ti ndihmojnë Nënkryetarit të ri dhe Kryetarit të ri të Grupit Parlamentar të Partisë Demokratike që të fikë dritat.

A do ti fikë dritat në PD Alfred Rushaj, kjo nuk varet nga ai dhe as nga ai që e ka emëruar pavarësisht diagnostifikimit që i bëjnë analistat e preferuar të Kryetarit, që për fat të keq bëjnë dhe PR-in e Partisë së Lirisë.

Ndryshe, Sekretari i Përgjithshëm i PD, Gazment Bardhi, ka bërë të ditur se Këshilli Kombëtar do të nisë punimet sot më 30 Gusht 2021 në orën 18:00, me këtë rend dite.

1. Konstituimi i Këshillit të ri Kombëtar dhe zgjedhja e Kryetarit të Këshillit Kombëtar.

2. Zgjedhja e Kryesisë dhe Sekretariatit të Partisë; e Kryetarit të Komisionit të Apelimit, Integritetit dhe Etikës; e Komisionit Zgjedhor; dhe të Bordit Financiar të Partisë.

3. Njoftimi i përbërjes së Kryesisë së Grupit Parlamentar të PD.

4. Caktimi i drejtuesve te Departamenteve të Këshillit Kombëtar.

Mbledhja e Këshillit Kombëtar të PD do të zhvillohet në Selinë e Partisë Demokratike.

Vijon: Conchita!