Nëse humbet zgjedhjet, a do largohet nga PS? Rama: Ne kemi një shprehje për hallën dhe xhaxhain…
Kryeministri Edi Rama u shprehë i bindur nga Vlora për fitoren më 25 prill por i pyetur nëse do të largohet nga posti i kryetarit të PS në rast të humbjes së zgjedhjeve, ai i kthehet hallateve socialiste të komunikimit.
“Ne kemi një shprehje për hallën dhe xhaxhain. Unë nuk di të flas me nëse… Unë di që do t’i fitojmë zgjedhjet,” tha Edi Rama i cili vazhdoi edhe duke folur flet për investimet në Vlorë, ta arsyetoj bilancin e mandatit të dytë qeveris me tërmetin dhe pandeminë, dhe harron ndërsa kërkon mandatin e tretë se mund të ndodhin gjëra më të frikshme.
“Shumë parashikime që kisha u prenë prej tërmetit dhe pandemisë, por gjithsesi është i suksesshëm sa i përket menaxhimit të këtyre të dyjave. Ky mandat është mandat që më lë mua personalisht shijen e pakënaqësisë pasi kemi për të bërë shumë më tepër. Por të shohim nga u nisëm. Shqipëria që kemi sot nuk ka të krahasuar me atë që kishim para 7 vitesh.”
Për veten e vetë nuk ka nëse por kur fletë për kandidatët për deputetë të Partisë Socialiste në Vlorë dhe ata të opozitës nuk e merr parasysh as hallën dhe as axhën:
“A i kanë përmbushur pritshmëritë deputetët aktualë këtë duhet ta thotë populli i Vlorës dhe jo unë. Kandidaturat janë një proces që ka nisur prej një viti. Një gjë është e sigurt, që drejtuesit e qarqeve do të jenë deputetë. Pastaj për pjesën tjetër pritet vlerësimi. Unë nuk kam asnjë vlerësim negativ për deputetët, por të gjithë mund të kishin bërë më shumë. Emrat e rinj nuk është çështje moshe por energjish. Mund të jesh shumë i ri si Ilir Meta, por mund të jesh dhe plak aq i lodhur. Por mund të jesh i vjetër si Alfred Moisiu, por mbetesh gjithmonë i ri,” tha Rama ndërsa ka një gjykim interesant për kandidatët e PD dhe LSI.
“Unë shoh vetëm Saliun, Ilirin, Lulzimin dhe Monikën. Të tjerët nuk i shoh si ekip por si mbushësa topi”, tha Rama.
Dhe, sërish kur ka përgjigje, Kryeministrit Edi Rama nuk i pengon “nëse” aq më shumë kur pyetet se kujt do t’i drejtohej për koalicion pas 25 prillit nëse do të kishte nevojë për të garantuar një mazhorancë:
“Në do t’i fitojmë zgjedhjet siç fituam mandatin e dytë me mjaftueshmërisht mandate deputetësh për të udhëhequr Shqipërinë. Pastaj se si do të gjendet rrugë bashkëpunimi mes forcave politike për të rritur cilësinë e bashkëjetesës, kjo duhet parë. Por koalicione nga halli nuk do të ketë,” tha Edi Rama për televizionin lokal One TV Vlora, duke u shprehur i lehtësuar pasi Ilir Meta u deklarua se nuk do të bëjë kurrë koalicion me Partinë Socialiste.
