Nëse refuzohet vetingu në politikë, Boçi: Opozita nis protestat!

Deputeti i Partisë Demokratike, Luçiano Boçi, vlerëson se vetëm revoltat popullore kundër Edi Ramës mund të ndal rrënimin e vendit dhe fillimin e ndërtimit të një jete e rend social dinjitoz, të mbështetur mbi parime, vlera e norma morale e politike.

Duke folur për Gazetën Shqiptare, Boçi shton se trysnia dhe kërkesa qytetare për revolta masive sa vjen e shtohet. Ai apelon se koha nuk pret dhe nëse refuzohet vetingu në politikë dhe paketa antimafia, opozita do të dalë në sheshet e Shqipërisë ndërsa paralajmëron:

“Njëkohësisht jemi gati për çdo betejë e përdorimin e çdo mjeti që çon në zgjidhjen e emergjencës kriminale, e lidhur me largimin e domosdoshëm të Ramës, nëse ai refuzon t’i lerë vendin një qeverie antimafia”.