Nesër Bordi i Ramës e rritë çmimin e naftës në 221 lekë/litër, Kroacia e ulë 1.58 euro

Bordi i Transparancës ka përcaktuar çmimet e reja të karburanteve, të cilat kanë shënuar rritje në krahasim me nivelin aktual.

Sipas burimeve nga operatorët, çmimi i naftës do të jetë 221 lekë për litër, nga 203 lekë që ishte deri më sot dhe  benzina 211 lekë, nga 206 që ishte më parë. Vendimi hyn në fuqi nga e marta, datë 22 mars deri të enjten.

Sipas informacioneve të marra nga tregu, raporton Revista Monitor, operatorët thonë se dhe në këto nivele janë 15 lekë me humbje. Operatorët thanë se ata prisnin që bordi të bënte transparencë për çmimet jo të fiksonte çmimet. Kjo situatë po i vë operatorët në vështirësi. Sipas tyre marzhi prej 5% që u është lënë tregtuesve mbi çmimin pa taksat nuk mjafton për mbulimin e kostove, por ai duhet të jetë rreth 15%.

Kështu, tashmë është e qartë se konsumatorët janë në mëshirën e fatit pasi dhe operatorët, përveç qeverisë, i fusin dorën në xhep.

Meqë Kryeministri Edi Rama i ka me qef krahasimet sot Ministri i Financave i Kroacisë, Tomislav Çoriç bëri të ditur se nesër do të ulet çmimi i naftës pak mbi 12 kuna ndërsa benzini nën 12 kuna.

“Presim që çmimi i naftës të jetë pak mbi 12 kuna, çmimi i benzinës nën 12 kuna,” tha soto Çoriç ndërsa po merrte pjesë në aktivitet në Maksimir duke shtuar se shteti nuk mund të garantoj se ky do të jetë fillimi i rënies së çmimit të naftës sepse kjo varet nga çmimi i referncës në tregje dhe zhvillimit të ngjareve në Evropën Lindore. 

Ndryshe, Bordi i Transparancës ishte ide e Kryeministrit Edi Rama i ngritur me qëllim të kufizimit të përkohshëm të çmimeve të tregtimit me shumicë/pakicë të nënprodukteve të naftës dhe gazit.

Cili është rezultati i këtij Bordi, shembulli i fundit është i frikshëm për qytetarin i cili jeton në Shqipërinë që qeveriset nga Edi Rama dhe plaçkitet nga “kastratët” e tij!