Nesër para Gjykatës/ Klevis Balliu kërkon ekspertizë: Jam dhunuar nga Policia!

Në pritje të masës së sigurisë nga Gjykata e cila do të vendos nesër,
Ish-Deputeti i PD-së, Klevis Balliu, i cili u arrestua një ditë më parë, ndëtsa po protestonte së bashku me banorët e Unazës së Re, sot ka akuzuar akuzuar policinë për dhunë gjatë shoqërimit për në Komisariatin Nr. 6.

Madje, Klevis Balliu ka kërkuar kryerjen e një aktekspertimi për dhunën, të kryerr tashëm nga mjekët ligjorë, të cilët edhe kanë përpiluar një raport, i cili i është dërguar Prokurorisë.

Ish-Deputeti i PD-së, Klevis Balliu, i cili tashmë është dërguar në Drejtorinë e Policisë së Tiranës, është shoqëruar dje në Komisariatin e Policisë Nr.6 ndërsa me banorët e Unazës së Re të cilëve do tu shemeben shtëpitë nga projekti korruptiv Unaza e Madhe i kishin bllokuar rrugën ku mendohej se do të kalonte Kryeministri Edi Rama

Klevis Balliu akuzohet për veprat penale “kundërshtim me dhunë ndaj punonjësve të policisë”, “prishje e qetësisë publike” dhe “pengim i qarkullimit të mjeteve të transportit”.