Nesër pritet bora e parë…

Mot kryesisht i vranët dhe me intervale me diell do të karakterizojë Kosovën për gjatë këtyre pesë ditëve.

Sot, sipas parashikimeve, do të kemi mot kryesisht të vranët dhe me riga shiu. Riga shiu parashikohen edhe nesër, kurse, sa i përket fushave termike, ato do të regjistrojnë vlera, që i përgjigjen afërsisht mesatareve të stinës që jemi.

Temperaturat minimale parashihen të lëvizin ndërmjet 1-6 gradë Celsius, ndërsa maksimalet e ditës parashihen të lëvizin ndërmjet 10-16 gradë Celsius. Derisa të mërkurën parashikohet që në viset e ulëta të ketë riga të dobëta shiu, në viset malore priten fjolla të lehta bore, meqë atje temperaturat minimale do të zbresin deri në zero 0 gradë Celsius, raporton Instituti Hidrometeorologjik i Kosovës.

Deri ditën e enjte masat e ftohta ajrore do të jenë prezent mbi vendin tonë, kjo si pasojë e erërave që vijnë nga pjesa verilindore e kontinentit.

Nga dita e premte e tutje, era do ta ndërroj kahun, nga verilindja në jugperëndim, me ç ‘raste do të ketë ngritje të lehta të temperaturave në të dy vlerat e ekstremeve dhe krahas këtyre masat e ajrit do të jenë më aktive.

Shpejtësia e erës në drejtimet e lartë cekura do të lëvizë nga 1-9m/s, e në disa lokalitete shpejtësia e sajë do të regjistroj vlera mbi 11m/s.