Nesër raundi i dytë i zgjedhjeve lokale, KQZ e Kosovës pranon 1.571 pako me fletëvotime

Komisioni Qendror i Zgjedhjeve, KQZ, i Kosovës ka bërë të ditur sot se për raundin e dytë të zgjedhjeve ka pranuar 1.571 pako me fletëvotime nga diaspora.

Procesi i votimit përmes postës për komunat në të cilat mbahet raundi i dytë i zgjedhjeve për kryetarë të komunave ka përfunduar të premten në mesnatë.

Gjatë periudhës së votimit përmes postës, 29 tetor – 12 nëntor, Komisioni Qendror i Zgjedhjeve ka pranuar 1.571 pako të supozuara me fletëvotime.

Ndryshe, nesër më 14 Nëntor, në 21 komuna mbahet raundi i dytë i zgjedhjeve lokale duke përfshirë dhe Prishtinën. Në raundin e dytë të zgjedhjeve, të drejtë vote kanë 1.260.571.