Nesër voton PD Kukës, ja kandidatët për deputetë…

Nesër do ti nënshtrohen konsultimit me anëtarësinë e Partisë Demokratike Dega Kukës, kandidatët për deputetë që kaluan fazën e dytë nga Komisioni i Vlerësimit të Kandidatëve.

1.Admir Sinamati

2.Arben Çejku

3.Bashkim Shehu

4.Ibrahim Bruka

5.Sahit Prizreni

6.Vjollca Vatan

Duke ftuar nesër më 25 Shtator 2020 tek selia e PD Kukës, nga ora 10:00 deri në orën 18:00 të votojnë me parimin “një anëtar një votë, Kryetari i Partisë Demokratike Dega Kukës, Arif Rexhmati, shprehet:

“Me votën tuaj kontestuese për personin që nuk përmbush pritshmërinë tuaj! Me voten tuaj, me kontributin tuaj, me përkushtimin tuaj ndërtojmë Shqipërinë Europiane me Kryeministër Lulzim Bashën! Fitore!”

Nesër, konsultimit me anëtarësinë do ti nënshtrohet lista e kandidatëve bazuar në vendimin e Komisionit të Vlerësimit të Kandidatëve, që sipas Nenit 62 të Statutit të PDSH përmbushin të gjithë elementët e nevojshëm për ecurinë në karrierë, për përfaqësim politik të Partisë Demokraike, në nivel qendor apo lokal.

Pas mbylljes së procesit të votimit nga anëtarësia, Komisioni i Vlerësimit të Kandidatëve do të mblidhet sërish për të vlerësuar kandidatët mbi kriterin e performancës politike dhe maksimalizimin e votës.

Vendimi përfundimtar i Komisionit do t’i shkojë për miratim Kryesisë së PD.

Ndryshe, kjo është hera e parë që anëtarët e një partie politike në Shqipëri propozojnë dhe votojnë për ata që duan t’i përfaqësojnë në parlament.