Nga 11 Maji, Baba lejon lëvizjen aty ku nuk ka lëvizje!

Përkundër pritshmërisë së madhe me lehtësimin e masave duke filluar nga 11 Maji, tre bashkitë që kotribuojnë më së shumti në buxhetin e shtetit, Tiranë, Durrës, Fier, dhe ku ekonomia është e varur nga lëvizja e njerëzve dhe mallërave, do të vazhdojnë jetën në shtetrrethim dhe me sy nga Facebooku i Babës. Këtij terrori shtetëror vazhdojnë ti nënshtrohen edhe Shkodra, Kurbini dhe Kruja ndërsa fundjava do të jetë e ngjashme me regjimin e javës së kaluar.

Kështu, bazuar në horoskopin e Babës, Kryeministri Edi Rama ka vendos:

“Nga e hëna e ardhshme do të mbeten vetëm Zonat e Kuqe të përcaktuara në hartën bashkëngjitur, bashkitë Shkodër, Kurbin, Krujë, Durrës, Tiranë dhe Fier, ku do të vazhdojë i njëjti regjim oraresh lëvizjeje dhe rregullash të qarkullimit si deri tani. Këto zona do të blindohen me postblloqe dhe nuk do të lejohet hyrje-dalja e automjeteve të paautorizuara,” thekson Edi rama duke shtuar se pjesa tjetër e vendit do të jetë e gjelbër dhe qarkullimi ndërqytetas me automjet privat brenda gjithë kësaj pjese do të jetë i lirë, me një regjim orar që do të shtrihet deri në orën 21:00.

Për këtë fundjavë, thotë Baba, njësoj si fundjavën e shkuar”

“Në të gjithë vendin do të lejohen të qarkullojnë vetëm automjetet që kanë autorizim për punë dhe dalja e këmbësorëve do të bëhet me dy fasha: Deri në orën 10.00 vetëm pensionistët dhe nga ora 11.00 deri në 17.30 prindërit me fëmijët deri në 14 vjeç.”