Nga “Foltorja” e Bilishtit, Berisha: Pas 11 Dhjetorit, Dita e Protestës Kombëtare!

Lideri historik i Partisë Demokratike Sali Berisha duke e vlerësuar “Foltoren” si shpresën e vetme të shqiptarëve, para demokratëve të Bilishtit tha se ka ardhur koha për një strukturim të re të partisë ku do të instalohen vlerat konservatore ndërsa bëri të ditur se pas 11 dhjetorit do të shpallet Dita e Protestës Kombëtare.

Lidhur me çështjen “Toyota Yaris” dhe implikimit e Kryetarit të PD, Lulzim Basha, ai shkoi një hap tutje duke theksuar se është hapur një hetim në Belgjikë për paratë e gjetura brenda kësaj makine dhe i bëri thirrje Bashës të japë shpjegime rreth kësaj çështje ndërsa i kërkoi dorëheqjen e tij nga drejtimi i PD.

“Firma juaj, mbështetja juaj dhe e mbarë demokratëve në mënyrën më civile, më paqësore, ka transofrmuar Shqipërinë si një revolucion paqësor i vjeshtës që po lemë prapa. Foltorja, me vullnetin tuaj, mbështetjen tuaj. E vërteta një tërësi idealesh fisnike e djemve dhe vajzave, që donin të ngriheshin nga këneta e pesimizmit, në lartësinë e idealeve të tyre, shpresave të tyre. U shndërrua pra kjo në mrekullinë e vërtetë shqiptare. Foltorja në udhën e saj në një hark kohor të shkurtër, bashkoi rreth vetes qindra mijëra demokratë. Bashkoi rreth vetes më shumë se çdo lëvizje tjetër historike. Ajo befasoi mbarë shoqërinë shqiptare. U shndërrua në një uragan, në një dritë të vërtetë shprese, por ajo rezonoi fuqishëm jo vetëm në 4 anët e vendit, por në të 4 anët e kombit shqiptar. Kudo ku ka shqiptarë.

Shqiptarët shohin te kjo lëvizje shpresën e vërtetë. Shohin idealet e tyre, besimin se Shqipëria do të çlirohet nga narko shteti dhe se në këtë vend do të mbizotërojë respekti it ë drejtave të njeriut, iniciativës së lirë, interesit kombëtar. Foltorja, është shndërruar në zhvillimin më pozitiv sipas miqve të Shqipërisë. Ju u ngritët mbi dëshpërimin, pesimizmin dhe presionit të madh të narkoshtetit. Mbi presione të tjera të pa merituara, krejtësisht të pa merituara. Ja ku jemi sot, shkojmë të sigurt. Shkojmë të sigurt drejt 11 dhjetorit të firmosim së bashku monumentin madhështor të rithemelimit të PD dhe pluralizmit shqiptar. Në partinë e interesit kombëtar. Në partinë e iniciativës së lirë. Koha është ajo që ju thirri ju në skenë. Është koha ajo që ju bashkoi ju në këtë lëvizje të fuqishme.

Vendi, pas zgjedhjeve të 25 prillit humbi çdo perspektivë. I mbetej vetëm rrokullisja gjithnjë e më thellë në honet e historisë. Edi Rama në këto vite e bëri Shqipërinë delen e zezë të Ballkanit dhe Evropës. Ai varfëroi dhe mjeroi shqiptarët. I zbriti ata nga kombi në vend të parë për rrogat mesatare në rajon, në vendin e fundit për pagat në rajon. Në Shqipëri paguhet më shumë se kudo tjetër shërbimi mjekësor. Jo rastësisht, një pandemi që pllakosi Evropën dhe Botën mori në Shqipëri më shumë jetë se në çdo vend të Evropës. Kjo sepse sistemi shëndetësor është fund e krye i shpartalluar, për arsyen se vetën vidhet. I tillë është arsimi në Shqipëri.

Roli i opozitës në këto 8 vite me në krye peng kryetarin ishte e mjerueshme. Opozita ka dështuar në çdo nisëm, veç dekriminalizimit. Ata kanë dështuar në çdo gjë, në çdo premtim, kanë dështuar të garantojnë rotacionin e pushtetit me votë. Sa herë u mashtruat ju se do të mbrohej vota. Nisi çadrën për të mbrojtur votën dhe përfundoi në qeveri duke dorëzuar votën. Si përfundim sot vijmë kokulur para shqiptarëve sepse kemi humbur 4 zgjedhje, apo i kemi dorëzuar ato. Një njeri me zero civilitet nuk kupton që pas 4 humbjesh duhet të kishte dhënë 4 herë dorëheqjen. Çfarë ndodhi me opozitën? Ndodhi ajo që çdo ditë po del në pah. Ndodhi kryetari peng i marrë nga qeveria dhe të tjerë,” tha Sali Berisha duke sqaruar se nga erdhi konkulzioni i tij për peng Bashën.

“Në fillim unë ju deklarova ju dhe e quajta atë peng Basha. Ju e keni pasur të vështirë ta realizoni atë, por unë kurrë nuk e etiketoja ashtu po të mos ishte i sigurt që ishte ashtu, e faktet po dëshmojnë këtë gjë. Ai të japë shpjegime për dosjen Toyota Yaris. Do të dalin me radhë edhe dosje të tjera. Garantoj këtu se projekti i Emirateve në Durrës nuk do të zhvillohet kurrë për aq kohë sa do të jetë PD forca më e fuqishme e vendit.

Të ndalemi për një moment, ish-ministri ynë i Brendshëm deklaron në parlament se ditën e shtunë do të vijnë me një seri Toyotash 5 mln euro dhe do i priste Balla. Deklaratë që në pamjet ë parë dukej si fantazi. E pyetën atë se si e bëri këtë deklaratë. Ai tha se është e sigurt që do të vijë, por unë i thash nëse është e sigurt pse zbulon informacionin. Kjo deklaratë do të thotë paralajmërim që të mos hyjnë në Shqipëri dhe zbulim i operacionit. Jo më tha, sepse i ndjekin me GPS. Hapet dosja, merret në pyetje peng kryetari dhe për atë aferë dënohet vetëm një njeri, kjo do të thotë që Edi Rama ia mbylli dosjen peng kryetarit. Mirëpo dosja i ka rrënjët në Belgjikë, atë dosje nuk ia mbyllte dot Edi Rama.

Nëse Rama pengut ia mbylli dosjen e Tiranës atje nuk ia mbyllte dot. Këtë kohë gazetarët kanë zbuluar dokumente në të cilat Ministria e Drejtësisë jep dritën jeshile për ndjekjen penale të Bashës me kërkesë të autoriteteve belge, kjo ka ndodhur në vitin 2019, e vazhdon ende e sot. Fjala është e drejtësisë belge. Drejtësia belge është e pavarur. Tani, dua t’i kërkoj në emrin tuaj të japë dorëheqjen e të mos fshihet pas dosjet. Edi Rama, e ka kursyer, e ka mbajtur peng me dosjen në Shqipëri, por me dosjen në Belgjikë rezulton i shpallur anëtar i organizatës kriminale.”

Ish-Presidenti Sali Berisha i është përgjigjur akuzave të Bashës duke mohuar para demokratëve të Bilishtit se kjo betejë e nisur bëhet për interesat  tij personale ndërsa ka akuzuar Kryetarin e PD për veprimet e tij antiamerikane i ka kujtuar dhe një dosje me të cilën Edi Rama mbanë peng Lulzim Bashën.

“Basha u akuzua për pastrim parash në dosjen Muzin. Shkoi në gjykatë dhe ndërhyri Rama dhe e mbylli dosjen pa u dërguar në Gjykatën e Lartë.  Dje që fliste për pastrim parash e mbylli gojën sepse Rama do i kujtonte Muzinin. Dua t’i them dosjen e ke mbyllur duke lënë veten peng. Nuk është betejë personale kjo që po bëj edhe pse kam një çështje personale. E kam menduar mirë përpara se ta shpall çështje personale.  Kam vendosur të përballem vetë me këtë padrejtësi.  Mora këtë nismë që ju e  shndërruat në mrekullinë shqiptare. Basha po mbron veten nga dosjet e tij. Ne me pengje nuk kemi punë, ne jemi të lirë,”

Para demokratëve të Bilishtit Berisha përsëriti se shpallja NON GRATA e tij nga DASH është sponsorizuar nga filantropi George Soros, dhe e gjitha ka nisur kur Berisha kundërshtoi ndarjen e kufijve të Kosovës.

“Nuk njoh vend më shumë se Amerikën. Kam bërë gjithçka me bashkëpunimin me atë vend të bekuar. Në këtë rast, vendosa që asnjë miku të mos i kërkoj asnjë ndihmë. Të ballafaqohem si shqiptar, si çdo njeri që i thotë dinjitetit njerëzor dinjitet. George Soros është amerikan, shumë i fuqishëm, por është armik i demokracisë shqiptare. Çfarë bëri ky. Ky është sponsorizuesi, hartuesi, Edi Rama s’e bënte dot kurrë masakrën në sistemin e drejtësisë po të mos jetë fuqia financiare dhe politike e tij. Mirëpo çfarë solli me këtë reformë.

Ju nuk keni të drejtë të keni proces gjyqësor sipas kushtetutës. A mund të heshtja unë se ky miliarder do të merrej me shkatërrimin e drejtësisë, jo nuk mund të rrija. Ndaj kam kërkuar shpalljen non grata të Soros. Ndaj unë kundërshtova projektet e tij. Sot presidenti i SHBA ka sanksionuar me ligj ata që duan të prekin ndryshimin e kufijve. Shtetet e Bashkuara kanë opozitë dhe siç e dini ju, ministri i Jashtëm i Amerikës, e ka quajtur këtë vepër kryekëput të Geroge Soros. Sado që për mua është gjë e padrejtë. Çfarë përfaqëson zonja me disa qëndrime të saj, mendoni se përfaqëson SHBA-të? Përfaqëson Geroge Soros,” tha lideri historik i PD duke e akuzuar Ambasadoren amerikane Yuri Kim edhe për urimin për 29 Nëntorin:

“Ç’punë ka kjo me 29 nëntorin. Për herë të parë na del dhe uron 29 nëntorin. Njëherë bën zëdhënësen e Lul Bashës, duke thënë që protesta është thërritur nga PD. Kjo është SHBA? Jo. Kjo është politikë e Sorosit, i cili ka fuqi të madh në vendin e tij, por ne qëndrojmë në të drejtat tona, parimet tona dhe po mbrojmë vlerat e BE, e të SHBA-së. Përfaqësues të shteteve të BE më kanë çuar mesazhe mbështetëse.”

Përveç 11 Dhjetorit, lideri historik i PD foli bëri të ditur se do të përcaktohet pas kësaj Dita e madhe e Protestës Kombëtare në të cilën do të shpallin kërkesat deri në fitoren e plotë.

“Edi Rama nuk të shpëton nga kjo shumicë gjigande e PD-së që ti kërkon ta nëpërkëmbësh. Do të përdor fjalën e jë diplomati të nderuar: Ka marrë fund politikisht. Me 11 demokratët janë në këmbë më të fuqishëm se kurrë. Do të përcaktojmë pas kësaj ditën e madhe të protrestës kombëtare në të cilën ne do të shpallim kërkesat tona deri në fitoren e plotë. Me 11 dhjetor do të votojmë një statut me të cilin kemi qëllimin më madhor, të rikthejmë lirinë, votën e lirë në PD.

Nuk mund të ndodhë kurrë që një vend të votojë i lirë nsëse forcat politike përjashtojnë votën e lirë. Basha vendosi në krye të PD-së një kryesi të emëruar nga ai. Kryesia e PD-së në shkelje flagrante 60% është e emëruar nga kryetari dhe është e paligjshme në statut. Akti ynë i parë madhoir do të jetë rikthimi i votës. Qëndrimet e Bashës janë antiamerikane. Neni Basha do të jetë: Kryetari i PD-së jep dorëheqjen nëse humb zgjedhjet. Është e dëmshme në shumicën e rasteve nëse kjo nuk ndodh. Mos u kthefshin më kurrë si ai.  Ka 5 muaj që nuk takon asnjë aktivist, militant, degë përveç mureve të tij. Ai ka frikë nga firmat tuaja.  Tani nuk thotë që firmat nuk janë por nuk i njohin. Të gjithë qeveritarët, analistët janë kthyer në mbrojtje të tij,” tha lideri historik i PD duke i bërë thirrje Sekretarit të Përgjithshëm të PD, Gazment Bardhi që të mos kërcënohen delegatët për dhënien e firmave pasi publikimi i emrave të personave që kanë firmosur për Kuvendin e 11 dhjetorit, ka shkaktuar panik, si te Lulzim Basha ashtu dhe Edi Rama.

“I bëj thirrje zotit Gazment Bardhi. Në ndonjë degë tek tuk ka zyrtarë që bëjnë presione ndaj anëtarëve që të marrin funksione që si kanë pasur për qëllime delegati. Në këtë veprimtari ftoj çdo kryetar që të rri larg këtyre veprimtarive, çdo demokrat është i lirë të shprehë mendimin e tij. Por në mënyrë kategorike jo të manipulojë e të shkelë rregullat. PD është në fazën e fundit të saj dhe kërkon të mos ketë jashtë saj asnjë anëtar. Ligjet mbrojnë të dhënat personale, e ju garantoj se kurrë pa lejen tuaj, pa lejen e qytetarit nuk do të bëhen publike.

Të dhënat i mbron kushtetuta, Konventa e të drejtave të njeriut. Ato bëhen publike me pëlqimin e individit. Ata të cilët morën vendimin për të bërë publike të dhënat e tyre, i dhanë një goditje tmerruese Edi Ramës. Sepse gjithçka që bën, peng Basha, në çdo studio që shihni këta analistët e xhepit apo ndonjë si mercenar, që të gjitha fabrikohen në zyrën e Edi Ramës nga Fuga i tij. Ky publikim it ë dhënave ka rritur shumë besueshmërinë e madhe të kësaj lëvizje të fuqishme në publikun shqiptar,” tha lideri historik i Partisë Demokratike, Sali Berisha, duke dhënë në fund dhe një mesazh bashkimi:

“Garantoj ata që nuk kanë dhënë miratimin për t’ia lexuar emrin se janë të respektueshëm dhe janë shumë të mirëpritur në Kuvendin Kombëtar, së bashku me ata që nuk kanë firmosur fare.”