Nga “Foltorja” në Burrel, Berisha: Në 11 dhjetor do miratohet Kushtetuta e re e PD

Në 11 Dhjetor miratojmë Kushtetutën e re të Partisë Demokratike që i jep pushtetin dhe fuqinë anëtarësisë së PD, tha lideri historik SaliBerisha nga “Foltorja e Burrelit duke shtuar se meqë Edi Rama kurrë nuk heq dorë nga rrëmbimi dhe plaçkitja, për të demokratët kishin një mesazh të qartë, që të bëhet gati sepse u ka borxh votën, dhe po nuk e hapë rrugën do të detyrohen ta hapin rrugën.

Dhe, zotimi ishte konkret, për 11 Dhjetorin kur Edi Rama do merr përgjigjën më të hidhur

“Mbështetja juaj do të rithemelojë Partinë Demokratike dhe pluralizmin. 11 dhjetori vjen në Shqipëri si data e kurorëzimit të mrekullisë së dytë më të madhe shqiptare që nga viti 1990. Ata që menduan se erdhi fundi i pluralizmit në Shqipëri, se narkoshteti do të jetë e ardhmja e shqiptarëve gabuan rëndë. Edi Rama merr me 11 dhjetor përgjigjën më të hidhur.

Pengu i tij, Lulzim Basha i cili është futur në lojën më të rrezikshme në 30 vitet e fundit do të arkivohet në arkivat e turpit të historisë së këtij vendi. Këto kanë qenë vite shumë të vështira për ne, ku ju u varfëruat, fëmijët tuaj u larguan nga vendi, ku krimi dhe droga bëjnë ligjin në parlament, qeveri e këdo duke kërcënuar çdo ditë jetë njerëzish. Opozita me të gjithë përpjekjet tuaja për shkak të një dështaku u kthye në një aleat të narkoshtetit. Lulzim Basha është bërë varrmihësi i shpresës sepse atij nuk i besojnë. Demokratët kanë dashur 1000 mijë herë t’i besojnë atij edhe pse nuk ishte në lartësinë e duhur. Edi Rama merr mandatin e tretë.

Tani  u kërkoj të shtroni një pyetje: Çfarë ka ndodh me ne? Shkaku i të gjitha shkaqeve është vota. Unë ftoj socialistët të shtrojnë një pyetje: Kur ka votuar PS për herë të fundit? Nga viti 2009 PS nuk ka njohur votë.Ngrihet nga gjumi dhe i thotë krushka je emëruar ministër. Në 2017 ky dhunoi masivisht dhe në 2021 përdori metodat famëzeze të sigurimit të patronazhistëve. Pengkryetari në vend që të na ftonte në shesh për të mos u larguar nga aty deri kur të merrnim votën, u ndry në shtëpi dhe më pas vrapoi pas karriges së tij.

Lulzim Basha ke borxhe të jashtëzakonshme demokratëve. Emëroi 60% të kryesisë, duke shkelur statutin me dy këmbë.  Kjo kryesi në një akt të turpit historik vendosi të thërrasë anti-kuvendin.Jam këtu për t’i bërë thirrje çdo anëtari kryesie, nuk kam personalisht me asnjërin asnjë problem, ju them se jeni të rinj në politikë, duhet të korrigjoni qëndrimin tuaj. Nuk jeni të zgjedhur konform statutit. Jepni sa më shpejt dorëheqjen, bashkohuni me rithemelues të PD. Bashkohuni se qëllimi ynë është bashkimi por nuk ka asgjë në botë që mund të na bashkojë veç votës, që na bashkon si njerëz të qytetëruar, që vendosim të zhvillojmë vlerat e përbashkëta,” tha Sali Berisha duke i bërë thirrje sërish Sekretarit të Përgjithshëm dhe Nënkryetarëve të PD të japin dorëheqjen menjëherë dhe të mos rrinë si skllevër të peng Bashës se do bëni gabimin më të rëndë për veten e tyre.

Duke rendit dështimet e Edi Ramës i atribuoi kontributin e Lulzim Bashës si peng ndërsa akuzave të Bashës se Berisha po riciklon akuzat e Ramës, Ish-Presidenti Sali Berisha iu përgjigj nga Mati:

“Meqë jam sot para jush, do t’i kthej një përgjigje. Tre-katër ditë më parë u ankua se po e sulmoj me fjalët e Edi Ramës. Tani do t’i them: peng Basha në qoftë se Edi Rama apo cilido thotë një gjë që qëndron, Sali Berisha nuk e mohon kurrë. Është e vërtetë që Edi Rama të ka përmendur ty ‘Toyota Yaris’ në parlament, por është e vërtetë që ai e mban peng me ‘Toyota Yaris’ Lulzim Bashën sa për dijeni. Prandaj peng Basha, dil e sqaroje aferën e ‘Toyota Yaris’, ndave apo jo para me Taulant Ballën në atë aferë. Na ngrihet një ditë të bukur në parlament, ditë të martë dhe thotë se ditën e shtunë do vijnë Toyotat me 5 mln euro. Ku e mësove këtë i thashë, më informuan tha. Por e çuditshme ishte kjo, eurot erdhën, por nuk u kthyen. I thashë pse nuk u kthyen ato euro pasi ti njoftove, epo tha ndiqeshin me GPS. Ashtu i thashë unë, mirë. I ndiqnin me GPS. Çudi i them unë, shumë çudi kjo punë. Eurot nuk u kthyen mbrapsht, ndonëse kishin 3 ditë për t’u kthyer e për të shkaur dhe në Australi apo Afrikë e Jugut po të donin. Erdhën në Durrës 1.5 mln euro më pak. Kanë ardhur disa herë heuesit belgë dhe z. Basha iu fshihet dhe nuk iu shkon. Nëse Edi Rama t’i përmend, të mban peng, unë të kërkoj transparencë,” tha Berisha duke i kërkuar edhe Lulzim Bashës të japë dorëheqjen që partia të mos paguajë faturën e tij.

“Tre muaj më parë e marr në telefon dhe i them, Luli tre gjykatës në Gjykatën e Lartë, Sokol Sadushi, Ervin Pupe dhe Ilir Panda kanë bërë vettingun, të tre dalin të krimbur, dalin për burg jo për gjykatë, por ua kanë fshehur vettingun, i mban peng Edi Rama.

Ashtu tha, mos u ndiej njëherë se po merrem unë. Natyrisht bëra gati statusin, do ta denoncoja, por prita një javë. Nuk tha asnjë fjalë. U bashkua me Edi Ramën në pengmarrjen e tyre se dhe ky ka dosjet e tij. Atëherë Zoti Basha zgjidhi të gjitha këto probleme njëherë, jep dorëheqjen që nesër në mënyrë që partia të mos paguajë faturën tënde dhe mos tento të dëmtosh pluralizimin, përgjegjësia do të jetë e jashtëzakonshme për Edi Ramën, por edhe për ty. Ky është një revolucion që nuk ka forcë në botë që nuk e ndal. Është një revolucion që po zien aty ku ka shqiptarë. Mos tentoni të përballeni me kombin se do keni pasoja të pariparueshme për ju,” tha Berisha duke fol para demokratëve matjan për situatën e kriminalitetit në vend ndërsa akuzoi SPAK se me reformat e tij katastrofale nuk ka çuar asnjë zyrtar pas hekurave.

Më këtë rast lideri historik i Partia Demokratike u zotua se në 11 dhjetor do të miratohet Kushtetuta e re e PD që i jep pushtetin dhe fuqinë anëtarësi së PD.

“Unë ju garantoj ju se do të ketë zero tolerancë ndaj krimit në Shqipëri. Ju jeni dëshmitarë se si u çmontuan mbi 200 banda. Se si u kapën nga Ankaraja në Stokholm dhe në vend e të tjera dhe erdhën përpara ligjit. Kishte korrupsion ,por kishte një luftë kundër korrupsionit. Në vitin 2009 Task Forca çoi në gjykatë 300 zyrtarë.  Ndërsa SPAK i reformës katastrofale të sotme ka dërguar gjithsej në vitin 2020 me 12 prokurorë që ka 63 zyrtare asnjë zyrtar të lartë. Ju garantoj se lufta do të bëhet 16 herë më e fortë dhe do të mjerohet ai që do të preke paratë tuaja. Unë ju garantoj se tani lufta kundër korrupsionit do të jetë më e fuqishme nga sa ka qenë më parë. PD do të kthehet në një parti të vërtetë, do të jetë ajo e vlerave, e virtyteve.

11 dhjetori shënon rikthimin tonë në forcë vigane opozitare. Në 11 dhjetor ne miratojmë Kushtetutën e re të Partisë Demokratike që i jep pushtetin dhe fuqinë anëtarësisë së PD, votës së tyre të lirë. Do të miratojmë Kushtetutën dhe një nen do e pagëzojmë neni Basha, nuk ka më kryetar po humbi zgjedhjet. Miratojmë Kushtetutën që vendos primare votën tuaj. Rikthimi i pushteti tek ju është kushti kryesor,” lideri historik i Partisë Demokratike, SaliBerisha, duke shtuar se e kanë të qartë se Edi Rama kurrë nuk heq dorë nga rrëmbimi dhe plaçkitja, për të cilin në fund kishte dhe një mesazh të qartë:

“Bëju gati na ke borxh votën, po nuk e hapë rrugën do të detyrojmë ta hapësh rrugën. Erdhe në pushtet duke bërë thirrje hapur, të gjithë llumi të shoqërisë të bashkohet kundër Berishës. Unë i bëj thirrje njerëzve idealistë atdhetarë, të bashkohemi për të shpëtuar Shqipërinë nga narkoshteti.”

Në fund kishte dhe një mesazh për Ambasadoren e SHBA në Tiranë, Yuri Kim:

“Konventat ndërkombëtare dhe rregullat e një vendi do bënte mirë ti merrte më seriozisht. Ndaj meje është marrë një vendim unik në botë. Nuk ka njëri që është shpallur Non Grata pa pasur asnjë proces apo qoftë edhe pa një akuzë. Nuk ka njëri në botë që është shpallur Non Grata tre javë pasi partia e tij humb zgjedhjet. E gjitha kjo është korruptive e mafies Edi Rama-George Soros. Ndaj dhe unë po bëj një betejë dhe këtë e mbajta vetë  pa përfshirë PD. Ndërsa kjo beteja tjetër që nisa deri diku më pengoi në betejën tjetër sepse është edhe çështje kohë. Vendosa të informoj të gjithë miqtë e mi në botë për abuzim ligji që është bërë ndaj meje. Nuk kam kërkuar ndihmë nga askush përveç gjykatës. Por kohërat ndryshojnë. Disa vende të Europës kanë qëndrim tjetër ndaj atij vendimit. Ka nga ata që nuk e besojnë deklaratën, prova kemi por nuk  themi,” tha lideri historik i Partisë Demokratike Sali Berisha duke u zotuar sërish se kur fiton PD, George Soros do shpallet NON GRATA.