Nga “Foltorja” në Dibër, Berisha: Ndihma e Zotit, pushka e Hotit! Kuvendi mblidhet…
Kuvendi Kombëtar i Partisë Demokratike duhet të mblidhet në përgjigje të regjimit të Edi Ramës. Kështu u shpreh lideri i PD, Sali Berisha nga “Foltorja” në Dibër dhe duke falënderuar delegatët të cilët kanë firmosur mbi 2/3 vendimin e tyre për të mbledhur Kuvendin Kombëtar kishte dhe një përgjigje për Kryetarin e Partisë Demokratike, Lulzim Basha, që tashmë na del se është dhe nga Hoti.
Duke renditur dështimet e Edi Ramës për 8 vjet, Ish-Presidenti Sali Berisha foli dhe për problemet aktuale si kriza e energjisë, pandemia dhe çmimin e karburanteve.
“Kam ardhur sot këtu me një kënaqësi të veçantë për të falenderuar demokratët e Dibrës për mbështetjen ndaj Partisë Demokratike. Po ashtu edhe delegadët e Kuvendit Kombëtar të cilët kanë firmosur tashmë mbi 2/3 vendimin e tyre për të mbledhur Kuvendin Kombëtar. Ky Kuvend duhet të mblidhet në përgjigje të një regjimi të Edi Ramës. Ky regjim në këto 8 vite zhbëri një shumicë të madhe dhe shqiptarët i shyti në varfëri dhe mjerim. Sot shqiptarët marrin rriga 30% më të ulta në Kosovë. Sot kafshata e bukës është 87 herë më e shtrenjtë se në BE. Sot shqiptarët paguajnë naftën me njësoj me qytetarët e Zvicrës. Pse kjo? Sepse qeveria në vend të mendojë për qytetarët mendon për veten. Sot vjedhja monstruozë në të gjitha fushat ka bërë që arka e shtetit të jetë bosh. Qeveria del në treg për të marrë 700 milionë euro borxh në një kohë kur thotë që rritja ekonomike është 18%. Këto janë përralla me mbret. Kjo qeveri e krijoi vetë krizën energjitike me vjedhje. Duke ndarë lekët me njëri-tjetërin kanë shitur energjinë me 40-50 euro këv. Kjo është katastrofë e krijuar nga qeveria. Ne numërojmë 16.800 jetë të humbura gjatë pandemisë, më shumë se çdo vend tjetër në Europë. Këta vjedhin mbi të vdekur dhe të sëmurë,” tha Sali Berisha duke u shprehur qartë se Kuvendi dhe ringritja e PD-së është interes jetik shqiptar.
Çfarë ka ndodhur këto 8 vite? Ylli ynë polar duhet të ishte integrimi në BE. Rama ndërmori nismat e Vuçiç, është përfshirë në projekte antikombëtare për ndarjen e Kosovës. Rama refuzon rezolutën për genocidin. E keqja s’ka fund dhe një pjesë e të keqes është gjendja që është katandisur PD-ja nga kryetari i saj. Rama ka vrarë shpresën e shqiptarëve, pork u është opozita? Opozita i bëri fresk qeverisë pasi nuk ishte e aftë t’i imponojë asnjë nismë tjetër. A kemi ne përgjegjësi për këtë? Po, ndaj edhe ne marrim përsipër të ngrihemi fuqishëm për të qëndruar si opozitë e pamposhtur ndaj këtij regjimi që po spastron Shqipërinë nga shqiptarët,” tha lideri historik duke konstatuar se. Partia Demokratike është sot e goditur rëndë nga aktet e papërgjegjshme nga udhëheqja pothuaj inekzistente e saj.
Lideri historik i PD edhe para demokratëve dibranë kërkoi ndjesë:
“Shfrytëzoj rastin që t’ju kërkoj ju ndjesë sepse gjatë këtyre viteve unë nuk kam ngritur para jush problemet e mëdha me të cilat përballej PD. Pavarësish se unë ato në mënyrë absolute dhe në mënyrë të dokumentuar, ia kam thënë kryetarit të saj, por kjo nuk më justifikon. Edhe në 2017 kur i kërkova dorëheqjen ndofta duhet të vendosja të rikthehesha për mos të pasur një mandat tjetër Edi Rama siç e kemi sot. siç e dini, 3 javë pas zgjedhjeve, DASH më shpalli mua person NON GRATA për të hyrë në SHBA.
Unë ju them këtu, të nesërmen e kam pyetur veten; çfarë kam bërë unë që 8 vite pas jam largua nga çdo funksion drejtues, që kurrë s’kam pasur një akuzë për korrupsion dhe tani 3 javë pasi humba zgjedhjet shpallen non-grata. Kisha denoncuar projektin e Soros për Mini Shengen dhe projektin për ndryshimin e kufirit me Kosovën. Sot drejtësia shqiptare është më e kapur se kurrë. Janë të korruptuar. Sapo u emërua në ILDKP vëllai i ministres. Kishte bërë një takim me 500 mijë euro me një mafioz. Janë 3 gjykatës në Gjykatën e Lartë, Sadushi, Pupo dhe Panda. Vettingu i tyre është ‘top secret’. Atë nuk mund ta shihni ju dhe qytetarët, pasi janë të krimbur dhe duhet të largohen nga detyra. Ata janë gjykatës të marrë peng nga Edi Rama,” tha Berisha duke shtuar se të gjitha këto vepra janë të lidhura direkt me Sorosin, një armik i betuar i demokracisë dhe të djathtës shqiptare.
Nëse dikush nuk ngrinte zërin kundër tij, kemi të bëjmë atëherë me Republikën e Soros.
“Ish-kreu i PD në vend që të rreshtohej me drejtuesit e Partisë Republikane, aktualisht ish-ministrit në hije të SHBA-ve, të cilët e quajtën shpalljen time non-grata si akt hakmarrës të Soros dhe Ramës. Çfarë i tha kongresmeni Zeldin, Sekretarit amerikan të Shtetit: Vendimi yt vjen nga hiçi se ne kemi jetuar dhe nuk kemi gjetur kurrë asnjë akuza provë për korrupsion për Sali Berishën. Është vendim i diktuar nga Soros. Të njëjtën gjë i tha ministri i Jashtëm. Ja u them për ata që thonë ‘Amerika, Amerika’. Amerika është partia që është në pushtet, por dhe ajo që është në opozitë. Ministri i Jashtëm në hije i Partisë Republikane amerikane tha në konferencë vjetore të kësaj partie se DASH ka përdorur ligjin si armë politike për të ndëshkuar rivalë politikë të Edi Ramës. E ka bërë këtë në ndikim të Soros. Këto nuk kishin vlerë për ish-kreun e PD, por vlerë kishin kurthet dhe intrigat nga Rama dhe Soros kundër Berishës.”
Që ditën e parë, tha Ish-Presidenti Republikës, iu drejtova gjykatës në Paris.
“Padita për shpifje personin që më dizenjoi NON GRATA dhe i thash më sill fakte dhe prova. Të pranoj fajësi pa faj! Kurrë! Aq sa jam i përulur para të vërtetës, aq jam i pathyeshëm para mashtrimeve. Mbroj dinjitetin tim dhe tuajin. Kurrë unë nuk mund të pranoj një gjë të cilën se kam kryer. Mbetem përjetësisht besimtar i dinjitetit njerëzor.”
I them Ish-Kryetarit, mos u përzje në këto punë.
“Dëgjo këtu, njoh me qindra mijëra personalitete kudo në botë dhe njeriu mbi tokë s’i kërkoj ndihmë. Do shkoj direkt në sallë të gjyqit, dhe aty do të përballemi në gjykatë. Se edhe gjykatë edhe ndihmë nuk shkon. Ata që më shpallën NON GRATA, erdhën dhe thanë: Ky nuk duhet të futet në parlament. I them: Sa ky vend të jetë i pavarur, kurrë nuk do të mund të ndodh që cilido qoftë në këtë botë t’i diktojë se kush futet apo jo në parlament, përveç zgjedhësve shqiptarë. Ai përdori armën më të poshtër që mund të përdorë njeri: Pabesinë!
Me këtë rast lideri historik Sali Berisha gjeti momentin për t’iu përgjigjur kërcënimeve të Lulzim Bashës, i cili i bëri të qartë se është Bashë dhe Hot dhe di të bëjë edhe gjëra të tjera.
“Tani del e thotë se jam edhe Bashë, edhe Hot. Prisni, prisni. Nuk po ua tregoj këtu, nuk po e them se… do ua them. Para dy muajsh, bëmë një muhabet me të. I them unë: Lul, mos u përziej në këtë punë, nuk i kam kërkuar ndihmë askujt, e kam çuar në gjykatë. I them: Lul, hotjanët e kanë një shprehje: Ndihma e Zotit, pushka e Hotit!
Kjo çfarë do të thotë, ndihma e Zotit, pena ime. Kjo është e vërteta. Tani ky thotë kështu. Edhe Bashët, edhe Hoti kanë pasur burra të penës dhe pushkës, burra të betejës dhe fitimtarë. Ti zotëri numëron vetëm humbje, humbje dhe beteja të dorëzuara. Kjo është e vërteta. Për të mos thënë atë tjetrën, se si te Bashët, edhe te Hotët, në çdo familje, besëpreri është … e dini vetë, nuk po flas,” nuk e çoj fjalinë deri në fund Berisha duke ruajtur etikën!
Nëse shkova në gjykatën e Parisit, tha lideri historik i PD, shkova për dinjitetin tim dhe të çdo shqiptari.
“Kjo është e vërteta,” tha Sali Berisha i cili kishte dhe një përgjigje për ata që kanë turp dhe ata që akuzojnë për “berishizmin”.
“Flitet për “Berishizëm”, por të gjithë jemi demokratë. Dua t’i them këtyre që përpiqen që t’ju paraqesin demokratëve disfatën si të ardhmen, mbi Bashën rëndojnë 4 disfata. Mund të doni dhe mos të doni Berishën, të jeni të lirë ta shprehni mendimin tuaj pa asnjë pasojë, por ju mendohuni a mund t’i shprehet besimi që kalon nga humbja në humbje,” tha lideri historik i Partisë Demokratike duke u bërë të qartë të gjithëve se do të të dorëzojnë dhe një program në Kuvend ndërsa përfundoi:
“Unë këtë lëvizje e quaj ringritje. Ndaj le të bashkohemi ne me të gjithë ata që kanë themeluar këtë parti, me ata që kanë vënë themelet e kësaj qeverisje, kësaj epoke, me të gjithë ata që në vitin 1997 qëndruan ndaj rebelimit komunist dhe bënë që të fitojmë në vitin 2005, me të gjithë ata që këto 8 vite derdhën lumenj djerse, por që nuk patën fatin të kenë një udhëheqje. Me të tjerë që duan të bashkohen dhe të ngrihemi në këmbë dhe të bëhemi gati për një përballje të fuqishme me Edi Ramën. Edi Rama nuk ikën me slogane, Edi Rama dhe PD nuk fiton pse thotë ky apo ai ambasador se ju mbështes. PD nuk fiton me votat që kontrollon Edi Rama, por fiton kur t’i tregojë vendin Edi Ramës!”
