Nga “Foltorja” në Kuçovë, Berisha: PD do vijë në pushtet duke hedhur në koshin e plehrave, Edi Ramën dhe peng Bashën!

Lideri historik i Partisë Demokratike Sali Berisha nga “Foltorja” në Kuçovë akuzoi Edi Ramëm se me qeverisjen e tij ka rrënuar vendin duke e futur në borxhe ashtu si dhe pengun e tij Lulzim Basha si kryetar të PD. Mohoi krizën në PD si problemin e tij siç u mundua ta paraqes Basha ndërsa u zotua para demokratëve të Kuçovës se PD do vijë në pushtet duke i bërë thirrje idealeve për të hedhur në koshin e plehrave, Edi Ramën , peng Bashën!

Ai sërish ka sipërsëritur akuzat ndaj kryedemokratit Basha për të cilin tha se u përpoq ta paraqiste krizën në PD si një problem të tij. Ai mohoi kategorikisht një gjë të tillë duke i kërkuar sërish anëtarëve të Kryesisë të japin dorëheqjen.

Ne do vijmë në pushtet duke i bërë thirrje idealeve për të hedhur në koshin e plehrave, Edi Ramën , peng Bashën!

“Në këto 8 vite çdo qytetar shqiptar është zhytur në borxh 5 herë më shumë se sa në 8 vitet para këtyre. Borxhi publik në 8 vite para këtyrë u arrit nga 58.4% në 62.6%. Ndërsa në këto 8 vite nga 62.6% afrohet në 100%. Ku shkuan këto para? Këto miliarda euro që u morën borxh, plus taksat tuaja, çfarë u bë me këto? U përfuduan 32km autostradë, po kaq km rrugë për të cilat financimet dhe projektet ishin të gatshme. U shtruan pllaka nëpër sheshet e qyteteve. U vodhën miliarda. Sepse ndërtohet 1 km rrugë me 20-22 mln euro, kundrejt 2.1 mln ishte kostoja e ndërtimit të By Pass-it të Fierit sepse ndërtohej nga bankat europiane. Ku shkuan këto para? Vetëm 7 km rrugë nga tuneli i Krrabës e deri në Farkë, pa tunel, pa shkëmb, kushtuan psa e gjithë rruga tjtër përfshirë edhe tunelin. Por së shpejti arbitrazhi ndërkombëtar po për këtë rrugë do gjobisë Shqipërinë dhjetëra milionë euro. Këto para i paguajnë qytetarët me taksat e tyre, ministrat nuk paguajnë gjë. Të marrësh një borxh të tillë do të thotë të rrënosh të ardhmen e qytetarëve.

U përdor për koncesionet e klientelës në mënyrë të paimagjinueshme. Pasi kishin blerë aparaturat më moderne për sterilizimin, do jepej koncesioni me 100 mln euro një muratori për të garantuar sterilizimin së bashku me aparaturën e blerë me taksat tuajha. Tenderët sekretë u rritën me 15 herë krahasuar me para 2013. Me të gjitha këto, me burgosjet, shkatërrimet e dhjetëra mijëra banesave që ishin për t’u legalizuar dhe biznesneve, Edi Rama planifikoi spastrimin etnik të shqiptarëve nga Shqipëria. 520 mijë shqiptarë u larguan vitet e fundit. Droga dhe krimi u bënë ligji i vendit. 1 vit më parë Parlamenti miratoi 8 ligje për klanet e botës së krimit,” tha Sali Berisha nga “Foltorja” në Kuçovë.

Po çfarë bëri opozita? E udhëhequr nga peng Basha, Ish-Presidenti tha para demokratëve të Kuçovës, ajo kaloi nga disfata në disfatë.

“Jeni dëshmitarë se si ka marrë vendime pa pyetur asnjë, se si e ka emëruar Kryesinë e partisë. I ftoj edhe njëherë të japin dorëheqjen për dinjitetin e tyre. Ju nuk mund të jeni anëtarë të shoqatës Basha-Bardhi. PD pësoi krizë të thellë. Kryetari pasi ishte angazhuar me akte të turpshme u hodh në vendime duke shkelmuar sovranitetin e PD. U përpoq ta paraqiste krizën si problem timin. Kriza s’ka të bëjë me mua. Kurrë se kisha imagjinuar që një ditë do të hidhja në gjyq Sekretarin e Shtetit,” tha Berisha ndërsa akuzoi Kryeministrin Edi Rama dhe Kryetarin e PD, Lulzim Basha, si peng të Kryeministrit.

Për liderin historik të PD, marrëveshja e 17 majit shënoi asgjësimin e opozitës.

“E vërteta është që ajo marrëveshje shënon asgjësimin e opozitës. Në atë marrëveshje normalisht kryetari që i keni besuar ka të drejtë të na përfaqësojë. Por ajo që ndodhi me kryetarin ishte shumë e dyshimtë për të mos thënë e turpshme. Filloi fushata elektorale dhe ne filluam të ngjitemi në këto sondazhe javën e parë. Edi Rama e pa që ne po rriteshim, i kthehet dhe i thotë ai është çun i mirë dhe do të qeveris me të. Ky jo që nuk e kundërshtoi, por të dy i drejtuan grykat drejt Ilir Metës. Bëheshin sondazhet dhe kur pyetshin shqiptarët kush është në opozitë , thoni Ilir Meta se këta i kundërviheshin të dy. Më këtë që po bën të paktën 300 mijë i kam thënë i le pa dalë në votime, pasi na dëmtove. Kjo histori vazhdoi në të njëjtën mënyrë, u ëmbëltua ky me marrjen peng. Edi Rama është kryeministër, ka një rrogë të mirë e disa shërbime, por përse thoni ju mban afër kriminel, vetëm sepse me ta realizon atë që nuk e realizon dot me ligjin. Po përse kthehet Beqja, që e kishte aferën e ‘check-up’ dhe të tjera të mëdha sa kjo dhomë. Ai kthehet se e paguan Ramën.

Tani te marrim Bashën, dhe theksoj që një nga kundërvimet e mia më të mëdha është Reforma në Drejtësi, nuk mohoj se Shqipëria nuk kishte nevojë për drejtësi , por kjo e sotmja është me e kontrolluara që nga koha  e Enver Hoxhës. U përdor Vettingu për të shuar gjykatat dhe që Rama të marrë të gjitha pushtetet në dorë. Me reformën e George Soros për t’i dhënë pushtetin Ramës i dha drejtësinë në dorë,” tha Berisha duke shtuar se largimi i qytetarëve nga Shqipëria do të jenë qëllimi kryesor i politikave .

“Largimi i shqiptarëve nga Shqipëria do të jenë treguesit më kryesor dhe qëllimi më kryesor i politikave tona. Në vitin 2005 Shqipëria kishte 12 studentë për 1 mijë banorë, Europa kishte 43 studentë për 1 mijë banorë. Ne arritëm që të kalojmë në 50 studentë për 1 mijë banorë në tërësi. Ne përcaktuam dy programe si rikthimi i trurit dhe mbështetja e ekselentëve. Ne jemi parti parlamentare dhe ne marrin një financim të mjaftueshëm nga parlamenti, por se ku shkon ai financim dhe pse nuk vjen në degë këtë e din peng kryetari. Ai ka bërë një organizim afunksional të pabesueshëm. Do të ketë ristrukturim të strukturave të partisë.”

Gjithsesi, tha sot Ish-Presidenti se Ne do vijmë në pushtet duke i bërë thirrje idealeve për të hedhur në koshin e plehrave, Edi Ramën, peng Bashën, ndërsa parashikoi fundin e Kryeministrit Rama me shoqatën Basha-Bardhi.

“Asnjëri nuk ka përfaqësuar më shumë se unë shqiptarët dhe asnjëri nuk është votuar më shumë se Sali Berisha në këto 30 vite. Qëndrimi im i zuri në befasi Xhorxh Soros dhe Edi Ramën sepse nuk e llogaritën betejën time për dinjitetin, ndaj ndërmorën kërcënime për të cilat nuk kisha asnjë impresion. Sëfundmi kërkuan që të dal nga parlamenti, pro mund të pranoja unë të shkelmoj sovranitetin e vendit tim, kurrën e kurrës. Autor u bë Lulzim pengu i cili i kapur me dosjen muzinë shkelmoi mbi sovranitetin e PD, të vendit dhe natyrisht kjo pjesë është e imja aq sa është edhe e juaja. Kur unë nisa këtë betejë kisha 8 vite që s’kisha bërë asnjë takim me demokratë dhe demokrate. Kërkoj ndjesë që ato 8 vite mbështeta kryetarin me qëllimin e mirë që PD të kthehej në pushtet. Betejën time e nisa dhe erdha tek ju me bindjen se ju jeni njerëzit e idealeve dhe lirisë dhe se për ju dinjiteti njerëzor ka rëndësi të madhe.”

Në fund, Kuvendi Kombëtar i thirrur me 11 Dhjetor dhe kontestimet rreth tij! Sali Berisha e cilësoi si një nga ngjarjet më të rëndësishme duke e konsideruar edhe si ditëlindja e dytë e Partisë Demokratike.

“Mijëra prej jush firmosët formularin për të thirrur Kuvendin Kombëtar, ky është rast i vetëm. Kur lirinë e marrin qytetarët firmosen jo 2 mijë, por pothuajse rreth 5 mijë. Të tjerë vijojnë të firmosin. 11 dhjetori shënon një nga ngjarjet më të mëdha historike. 11 dhjetori është ditëlindja e dytë e PD, ku ne do festojmë duke rikthyer pushtetin tek ju. Këtë ne nuk e pranojmë kurrë. Ne do të rikthejmë vlerat, pronën dhe do bëjmë gjithçka për korrigjimin e pasojave të krijuara nga ligjet e mëparshme,” tha Berisha duke bërë thirrje:

“Ftoj çdo delegat të Kuvendit të vijë të firmosë aty historinë e re të pluralizmit, PD të rithemeluar. Ftoj çdo demokrat të braktisë anti-kuvendin e datës 18, mbledhjen e krimit Basha-Bardhi në një akt të turpshëm. Të gjithë  e patë si e mblodhi kryesinë. Synojnë të sfidojnë pluralizmin. Ramiz Alia u përpoq, por nuk shkoi në realizimin e saj, kurse Rama do të përfundojë me shoqatën Basha-Bardhi. Rikujtoj edhe njëherë Ramën kur erdhi në pushtet duke i bërë thirrje të gjithë qelbësirave të bashkohen kundër Berishës,” tha lideri historik i PD, Sali Berisha, duke përfunduar:

“Ne do vijmë në pushtet duke i bërë thirrje idealeve për të hedhur në koshin e plehrave, Edi Ramën , peng Bashën!”