Nga Gjykata në Facebook/ Taulanti me “fakte të reja” që u publikuan në vitin 2017

Nuk dihet nëse Taulanti ka bërë ndonjë sy gjumë pas pushimit të çështjes nga Gjykata e Tiranës kundër Lulzim Bashës dhe dy zytarëve të Partisë Demokratike që akuzoheshin për falsifikim dokumentash e që nga Partia Socialiste është propaganduar si “lobim rus”, por Sekretari i Përgjithshëm i PS, Taulant Balla, në orët e para të mëngjesit ka ndezë motorët e propagandës komuniste duke u zhvendosur nga Gjykata në rrjetin social Facebook me servirjen e “fakteve të reja”.

Mediat në shërbim të Edi Ramës bombarduan këtë mëngjes miletin me “faktet e reja” të Taulantit, pa e marrë mundimin të klikojnë as edhe njërin link nga 3 sa servir ai, për të dëshmuar se çfarë janë këto “fakte të reja” që Sekretari i Përgjithshëm i PS nuk i çon në Gjykatë por i publikon në Facebook, aq më shumë kur kemi të bëjmë me fakte të reja.

“Për ta kuptuar dosjen “Basha”, shikojini me kujdes këto dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj),” thekson Taulant Balla në fletërrufenë e tij duke propaganduar përmes mediave në shërbim të Edi Ramës se “fakte të reja” plotësojnë kushtet për një kallzim të ri!

Po çfarë sjellë Taulanti?!

“A janë këto kontrata të firmosura nga Lulzim Basha me numër pashaporte diplomatike DB1159763? Dokumenti i parë (foto),” thotë Taulanti duke publikuar edhe linkun:
https://efile.fara.gov/docs/6414-Exhibit-AB-20170331-1.pdf

Por ky link nuk sjell fakt të ri apo ndoshta Tau nuk e ka konsultuar mjeshtrin Fuga dhe na del një parti komplet idiote. Pra, linku që sjell Tau është një dokument i Marsit të vitit 2017 i cili jo vetëm që nuk është i ri por ka bezdisur edhe syrin shqiptar sa shumë herë që është publikuar:

Askush nuk dyshon se këtë dokument e kishin prokurorët, aq më shumë këta që iu bindën partisë dhe shefes së tyre Elizabeta Imeraj. E nëse nuk e kanë dhe Tau e ka ruajtur për “ditë të vështira”, ai sot duhet të përgjigjet para drejtësisë për fshehje të provave!

Por Tau vazhdon me akuzat përmes rrjetit social Facebook me dokumentin e dytë ose siç e ka ai në dosjen e partisë dhe thekson, dokumenti i tretë:

“A janë shërbimet e faturuara në emër të Partisë Demokratike në shumën 675.000 dollarë? dokumenti i tretë (foto),” thotë Taulanti duke dhënë edhe linkun:
https://efile.fara.gov/…/6414-Supplemental-Statement-201711…

Ky dokument, Po, është më i ri se i pari por edhe ky është i vitit 2017 ndonëse është i muajit Nëntor 2017.

Dhe në fund, Tau mundohet ta bind elektoratin e tij socialist se partia nuk ka mashtruar dhe servir edhe dokumentin e tretë që në dosjen e partisë evidentohet si dokumenti i katërt”

“A deklarohet në dokumentin e katërt se kompania guackë Biniatta Trade do të kompensojë/do të paguajë Muzin për shërbimet e ofruara në emër të Partisë Demokratike?dokumenti i katërt (foto),” thekson Taulanti përmes rrjetit social Facebook duke servir dhe linkun i cili gjithashtu dëshmon se kemi të bëjmë me një “fakt të ri” nga Nëntori i vitit 2017:
https://efile.fara.gov/docs/6414-Exhibit-AB-20171114-2.pdf

“Fakti është që Lulzim Basha ka përfituar një shërbim me këto para. Për një shërbim të përfituar me fonde me burime të padeklaruara, a duhet hetuar?” thotë Sekretari i Përgjithshëm i Partisë Socialiste, Taulant Balla, pas dy muaj hetimi dhe presioni ndaj prokurorisë, mbylljes së çështjes nga ajo dhe “detyrimin” për ta korigjuar këtë përfundim i cili shkoi në Gjykatë, por ajo e pushoi si çështje në mungesë të dëshmive.

Sot, pas vërejtjeve të bëra nga OSBE për Paketën Antishpifje dhe “fakteve të reja” nga Taulant Balla kundër Lulzim Bashës, Kryeministrit Edi Rama i mbetet për të shpëtuar nga idiotizmi vetëm gjeneratat e reja të partisë duke korigjuar ndryshimet e miratuara ligjore me një “Paketë Antitau” në mënyrë që përveç fresshistave edhe Endri Fuga të shkoj në banjo pa merakun nëse Taulant Balla do të postoj një iditoizëm si ky në Facebook.

Ndryshe, pas pushimit të çështjes nga Gjykata e Tiranës kundër Lulzim Bashës dhe dy zytarëve të Partisë Demokratike për falsifikim dokumentash që nga Partia Socialiste është propaganduar si “lobim rus”, Sekretari i Përgjithshëm i PS, Taulant Balla, reagoi menjëherë duke i kujtuar prokurorëve dhe gjyqtarëve të çështjes që nuk kanë kaluar vettingun.

Ja statusi i plotë:

Për ta kuptuar dosjen “Basha”, shikojini me kujdes këto dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj).

A janë këto kontrata të firmosura nga Lulzim Basha me numër pashaporte diplomatike DB1159763?
?dokumenti i parë (foto)
https://efile.fara.gov/docs/6414-Exhibit-AB-20170331-1.pdf

A janë shërbimet e faturuara në emër të Partisë Demokratike në shumën 675.000 dollarë?
?dokumenti i tretë (foto)
https://efile.fara.gov/…/6414-Supplemental-Statement-201711…

A deklarohet në dokumentin e katërt se kompania guackë Biniatta Trade do të kompensojë/do të paguajë Muzin për shërbimet e ofruara në emër të Partisë Demokratike?
?dokumenti i katërt (foto)
https://efile.fara.gov/docs/6414-Exhibit-AB-20171114-2.pdf

Fakti është që Lulzim Basha ka përfituar një shërbim me këto para. Për një shërbim të përfituar me fonde me burime të padeklaruara, a duhet hetuar?

Fakte të reja plotësojnë kushtet për një kallzim të ri!