Nga java e ardhshme, Rama: Maska e detyrueshme kudo. Gjoba te fatura e dritave!
Nga java e ardhshme, maska është e detyrueshme. Kështu u shpreh Kryeministri Edi Rama, ndërsa shpalosi masat Anti-Covid, duke mos sqaruar nëse kjo vlenë edhe për ata që vazhdojnë të jetojnë në çadër nga tërmeti i 26 Nëntorit ose dhe ata që marrin asistencë 3000 lekë dhe për 1 maskë/ në ditë, i duhen të paktën 15000 lekë/ për person në muaj, por nuk harroi të thotë se ata që nuk respektojnë këtë Urdhër gjoba do tu vie bashkë me faturen e dritave.
“Maska nuk ka qenë as këtu dhe as në shumë vende, e detyrueshme jashtë. Nuk është konsideruar as e domosdoshme nga ekspertët ndërkombëtare dhe sic e dini është një temë që diskutohet cdo ditë , por nga java e ardshme do të jetë e detyrueshme kudo, përvec shpisë, barit apo restorantit, ku je ulur. Maskat do të jetë e detyrueshme, dhe masa ndëshkimore do të zbatohet për të gjithë te fatura e dritave, Mos ketë asnjë asnjë iluzion se do mund t’i shmanget gjobës.
Italia vendosi detyrim për maskën dhe vendet e rajonit po shkojnë drejt saj. Mendoj se gjoba duhet të jetë e fundit. Nuk duhet të jetë gjoba arsyeja që njerëzit të vënë maskë, duhet të jetë ekonomia e familjes së tyre dhe shëndeti. Implementimin e kësaj maske do ta bëjë Policia e Shtetit dhe Policia Bashkiake. Nuk do përdorim inspektorë. Maskat në autobus, në makinë, në trotuar, në shesh, në park, në rrugë dhe brenda nuk diskutohet. Nëse për bizneset gjoba do të vendoset në rrugën tradicionale, për individët gjoba do jetë në faturën e dritave,” tha Kryeministri, i pari në botë me mungesë komunikimi me qytetarët. Dhe, meqë është hera e parë që nuk tha “ne dhe ata”, tha se nuk ka asnjë rrugë tjetër dhe kush ankohet për gjobën e ka shumë thjesht, mjafton mos ta marrë.
“Por nuk mund të rrezikojmë sot aq shumë për hir të disave që fatkeqësisht në këtë proces janë shumicë. Nuk e dimë sa do jetë impakti i përzierjes së gripit sezonal me koronavirusin. Do luftoj me mish e shpirt që mos ta mbyllim prapë Shqipërinë, mos mbyllim asnjë biznes, asnjë aktivitet që mos të mbyllim prapë shkollat sepse i dimë efektet por ama nuk mund të presim të ndërgjegjësohen njerëzit që e marrin për dobësi nivelin e ulët të valës ndëshkimore që është e qëllimshme dhe që për shëndetin e tyre nuk arrijnë ta kuptojnë që është minimumi.”
Dhe në këtë rast Edi Rama shitet se mendon për qytetarët duke mos e pranuar që situata jashtë kontrollit:
“Edhe në Austri mësova që sot paradite në mëngjes herët është lajmëruar një valë tjetër masash shtrënguese, mbyllje e kompanive të mëdha, vendosje e punonjësve në kushte pune nga shtëpia ndërkohë që Austria vetëm pak kohë më parë ngjante komplet e çliruara nga virusi. ne ishim për misionin e OSBE dhe na bëri përshtypje që jo vetëm jashtë por as brenda nuk kishte maska dhe ja ku jemi sot sepse ky armik i padukshëm mbetet i konsiderueshëm dhe na mbetet ta ndjekim hap pas hapi këtë proces duke u adaptuar.
Situata në vend është larg së qeni një situatë që mund ta ndjekim pa u shqetësuar edhe pse nuk është sot në kushtet kur kemi një shqetësim disproporcional me parashikueshmërinë që deri sot ka qenë e përputhur me realitetin. Por të kemi parasysh që me ftohjen e sezonit, me uljen e temperaturave, me spostimin e masave të mëdha të njerëzve nga jashtë brenda dhe me rritjen e kohës dhe numrit të njerëzve që qëndrojnë në mjedise të mbyllura, me ajrin e kondicionuar rrezikshmëria e infektimit rritet në mënyrë eksponenciale dhe ne duhet të jemi të vetëdijshëm të hedhim një hap dhe t’i qëndrojmë strikt rregullit të ri që do të vendosim nëse nuk duam të rimbyllemi.
Çdokush qoftë dhe personat që mendojnë se kjo është një lojë e madhe, konspiracion i iluminatit duhet të mendojnë për ekonominë e familjes së tyre. Një mbyllje e përgjithshme nuk do kursejë askënd, as ata. për këtë arsye më mirë sot të hedhim një hap tjetër dhe të jemi të gjithë bashkë solidarë, të vëmendshëm dhe kërkues ndaj njeri-tjetrit se sa nesër të gjendemi brenda mureve dhe të shikojmë rihapjen e kanalit prej nga do të rrjedhin në drejtim të paditur të ardhurat e familjes por dhe të ardhurat e përgjithshme kombëtare. Jemi në kushtet kur kemi angazhuar gjithçka për të përballuar pasojat e tërmetit, mjafton t’i hedhim një sy shumës së dedikuar nga buxheti i shtetit me të cilën po ndërtohen shkolla, banesa. Kemi angazhuar gjithçka për pasojat e mbylljes së përgjithshme. Mundësitë nuk janë të pakufishme dhe nuk mundet dot të shkojmë drejt një mbylljeje të përgjithshme si cjapi tek kasapi.
Kini parasysh që para dy ditësh është shënuar dita me numrin më të lartë të infektimeve në botë, si në asnjë ditë tjetër. Ne kemi punuar në mënyrë intensive. Unë nuk kam dashur të stresoj qytetarët duke e përfshirë në komunikimin e përditshëm mbrojtjen anti-covid. Ministrja në detyrë pa orar, puna është bërë fantastike nga pikëpamja e volumit dhe energjive dhe nga pikëpamja e masave të marra duke u munduar të krijojmë një balancë mes informacionit dhe lehtësimit psikologjik të njerëzve. Dhe falja e gjobave dhe intensiteti i ulët i kontrolleve duhet lexuar si një përpjekje për të reduktuar stresin e bizneseve, kompanive dhe natyrisht në dëshirën e mirë që vetëdija e çdo qytetari, e çdo pronari të cilësdo hapësirë private, e çdo përgjegjësi për hapësirën publike të brendshëm të bëjë punën e vet pa masa represive. Por fatkeqësisht, një pjesë nuk e kanë kuptuar kështu dhe ia kanë hedhur në thonjëza vetes dhe familjes së tyre por edhe shoqërisë duke mos bërë gjërat më elementare, vendosjen e maskës në mjedise të mbyllura dhe ruajtjen e distancave në mjedis të hapur.”
Edhe me këtë rast Edi Rama injoroi propozimet e opozitës dhe kreut të saj Lulzim Basha për situatën e COVID-19 ndonëse u pyet nga gazetarët:
“Tani le të qëndrojmë në seriozitetin e çështjes dhe mos ta ngatërrojmë pokerin e Lulzim Bashës me çështje serioze sepse janë dy gjëra që nuk kanë përputhshmëri me njëra-tjetrën.
Lulzim Basha vepron si në poker, ku ngre podin, këtu jemi për të vepruar si shoqëri dhe si shtet për të ngritur vigjilencën. Nuk janë vetëm numrat e infektimeve, por janë edhe numrat e shtrimeve, por janë dhe numrat atyre që marrin terapi intensive që krijojnë që atë që ka filluar të artikulohet në disa vende si semafori që përcakton dritat që krijojnë mundësinë e lëvizjes, ndalojnë ose bllokojnë lëvizjen. Pa shkuar deri atje, të jemi këtu ku jemi sot.”
Sot kur dhe Edi Rama e kuptoi se situata është serioze ai urdhëron vendosjen e maskave kudo ndërsa ata që bezdisen dhe pyesin veten nëse ky urdhër vlenë edhe për virusin, po edhe për ta ka menduar Kryeministri, koronavirusi bazuar në urdhërindo të ikë në shkurt kur fillon del gjethi dhe dielli.
“Jemi në hyrjen e një sezoni të ndryshimit të klimës dhe të ardhjes së gripit sezonal. Kjo do të bëjë natyrshëm që të gjithë të spostohen më shumë brenda se jashtë. Brenda ku ajri i kondicionuarpërbën një nga elementët më të rrezikshëm për infektim në rast se nuk merr masat, me futjen e gripit në mes mund të ketë pasoja të forta që mund të na detyrojnë të mbyllemi përsëri, gjë që jam i fundit në këtë vend që e dëshiroj. Të mbledhim mirë mendjen të gjithë, përfshirë dhe mua dhe maskën kudo, përveç se në shtëpi. Kryeministri italian iu tha italianëve që edhe kur ju vijnë miq në shtëpi mbani maskë. Unë nuk po ju them këtë por po ju them maskën kudo përveç se në shtëpi, përveçse në kohën kur në restorant apo në klub je ulur për të konsumuar diçka dhe nuk mund ta konsumosh me maskë. Kjo është ajo që dua t’ju them të gjithëve duke ju lutur aman mos na çoni në tunelin e karantinës së përgjithshme sepse kostoja është e pamerituar për shumicën që respekton rregullat.
Me daljen e aktit përkatës, tanimë që është marrë opinioni dhe direktiva nga ekspertët, ditën e mërkurë do ketë dhe përjashtime shumë specifike për të cilat do informoheni në momentin që do të dalin por edhe në televizione ku jeni shumë njerëz që punoni, ju lutem shumë duhet vënë maska pa diskutim, natyrisht për studiot masat specifike do të na thonë si do veprohet. Sigurisht nuk mund të kemi intervista në studio me maska por e rëndësishme që masat të jenë rigoroze dhe maska të kthehet në normalitetin e këtyre muajve të paktën deri në shkurt.”
Për ata që pyesin deri kur i gjithë ky terror përgjigja është e thjeshtë:
“Deri në shkurt kur fillon del gjethi dhe dielli dhe në varësi nga numrat dhe nga situata nuk na kushton asgjë që ta përballojmë këtë bezdi për të parandaluar një kosto të tepërt për ekonominë dhe shëndetin e atyre që mund të goditen.”
