Nga Katedralja Shën Palit, Berisha: Uroj që magjia e kësaj dite të shndërrohet në frymëzim, forcë e mirësi 

Duke uruar të gjithë besimtarët katolikë në këtë ditë të shenjtë, Kryetari i Partisë Demokratike, Sali Berisha, pas një vizite me rastin e festës së Krishtlindjes në Katedralen e Shën Palit në Tiranë te Arqipeshkvi Metropolit i Tiranë-Durrësit, Imzot Arjan Dodaj, uroj që magjia e kësaj dite të shndërrohet në frymëzim, në forcë dhe mirësi për të gjithë besimtarët e Zotit.

“Uroj të gjithë besimtarët katolikë, por edhe të gjithë besimtarët e Zotit se kjo është një ditë e shenjtë për çdo besimtar.

Dita në të cilën lindi hyji, burri që me jetën dhe mendimet e tij bëri më shumë se kushdo tjetër për moralin e qytetërimit perëndimor.
Aleanca e shqiptarëve me Vatikanin është aleanca më e hershme, më jetëgjatë në historinë e kombit shqiptar,” tha Kryetari i PD, Sali Berisha, duke përfunduar:
“Uroj që magjia e kësaj dite të shndërrohet në frymëzim, në forcë dhe mirësi për të gjithë besimtarët e Zotit.”