Nga Korça në Durrës, Basha: Edhe 4 ditë, fitorja më e thellë në historinë e Shqipërisë

Edhe 4 ditë na ndajnë nga fitorja më e madhe në historinë e Shqipërisë, tha Kryetari i Partisë Demokratike në takimet elektorale që zhvilloi sot nga Korça në Durrës, duke theksuar se le të kujtohet 25 Prillin si një tjetër bashkim i madh i cili  do të përçojë vite e dekada më vonë një tjetër tregim si ky që ndodhet pas nesh, që para poshtërimit, prindërit shqiptarë zgjodhën kurajon, se para largimit rinia vendosi të qëndrojë, të luftojë, të arsimohet, të punësohet këtu në në Shqipërinë e bekuar nga Zoti:

“Le të rrëfehet, pra, 25 Prilli si dita e fundit e tranzicionit, si dita e parë e Shqipërisë si gjithë Europa. Edhe katër ditë, le të derdhet kjo shpresë, kjo dritë e zemrave tuaja, ky besim, në fitoren e thellë, në ndryshimin e pandalshëm që po vjen në çdo shtëpi të miqve dhe familjarëve tuaj. Derë më derë, zemër më zemër, bashkë për ndryshim! Votoni 9! Votoni 9 për të ardhmen tuaj, votoni 9 për fëmijët tuaj, votoni 9 për ekonominë tuaj, votoni 9 për Shqipërinë si gjithë Europa. Bashkë për Ndryshim! Shqipëria Fiton!”

Kryetari i Partisë Demokratike, Lulzim Basha, ka nisur turin e takimeve ditën e sotme nga qyteti i Korçës ku tha se edhe 4 ditë na ndajnë nga fitorja më e madhe në historinë e Shqipërisë. Lideri i opozitës garantoi të gjithë banorët që për 8 vite u gënjyen nga premtimi për legalizimet falas dhe e dëgjuan planin e Edi Ramës për t’ju marrë votën, për t’jua prishur pa dëmshpërblim 100 mijë shtëpi shqiptarësh, do të marrë fund me votën për numrin 9 më 25 prill.

“Mirë se të gjej zonjë e bukur e Shqipërisë Korçë!  Mirë se ju gjej zonja dhe zotërinj korçarë! Mirë se ju gjej rini e mrekullueshme e Korçës! Mirë se ju gjej në këtë ditë të bekuar, ku siç ndrin dielli i perëndisë, shndrin fitorja në fytyrat tuaja, sepse vetëm 4 ditë na ndajnë nga dita e madhe e korçarëve dhe e shqiptarëve. 25 prilli i ndryshimit! 25 prilli i fitores do të jetë fitorja e çdo shqiptari do të jetë fitoja e qytetarisë, do të jetë fitorja e Korçës, fitorja më e thellë në historinë e Shqipërisë. Sepse vëllezër dhe motra 8 vite të vështira kanë lënë vragat më të thella në trupin e Korçës dhe të Shqipërisë tonë kjo perlë e qytetarisë, ky djep i arsimit, i dijes, i kulturës, i artit, i punës. Ky vend që ka lindur burra e gra që na bëjnë krenar ndër shekuj, 8 vite me radhë është përdorur dhe keq përdorur, shpërdoruar sikur të ishte oborri i lodrave të një njeriu dhe një grushti njerëzish të cilët janë pasuruar te fëmijët  e korçarëve, vuanin për bukë, një grusht njerëzish të babëzitur për të grabitur gjithçka teksa rinia korçare largohej në emigracion.”

8 vite dështime, 8 vite ngecje në vend, 8 vite izolim, nuk mbaruan as rrugën që e gjetën gati me projekt e financim Qukës- Qaf Plloç, e bredh tani 4 ditët e fundit fshat më fshat për të premtuar aeroporte, Basha para korçarëve.

“Janë ditët e fundit sepse të dielën ja kthejmë Korçën korçarëve, ja kthejmë Shqipërinë shqiptarëve. Këto vite lëngate kanë shkaktuar vuajtje të pafundme. Ato kanë qenë sfida të mëdha për familjet shqiptare e në veçanti për nënat tona, për motrat tona, bashkëshortet, gratë, vajzat tona dhe rininë të cilët kanë ndierë në palcë dhimbjen e largimit të bijve tanë më të mirë në emigracion, të cilat kanë vuajtur papunësinë, të cilat kanë vuajtur pamundësinë e shkollimit dhe arsimit të fëmijëve të tyre e më pas të punësimit të tyre me dinjitet. E pra, pas tetë vitesh dështime, tetë vitesh gënjeshtra e keqja përsëri merr guximin të trokas në dyert, në portat fisnike të Korçës dhe të korçarëve.

Ju them sot, Korça e ka marrë vendimin. Korça ja ka mbyllur derën së keqes. Korça e ka hapur zemrën për ndryshimin që vulosim të dielën duke votuar numrin 9. Duke votuar numrin 9. Duke votuar numrin 9. 9 për fëmijët korçarë, dritën e syrit të prindërve të tyre. 9 për rininë e mrekullueshme të Korçës që do të bënte krenarë çdo qytet në Evropë, çdo qytet në botë. 9 për nënat tona që ti fshijnë lotët e dhimbjeve e t’ju kthejmë gëzimin në sy bashkë me punësimin, mirëqenien, dinjitetin. 9 për pensionistët shqiptarë të cilët në tetë vite janë më të papaguarit e Ballkanit ndërkohë që qeveritarët u zhytën në luksin më të pa parë.”

Vëllezër dhe motra si shndrin ky diell, shndrin besimi, bindja, fitorja në sytë e Korçës, në sytë e mbarë Shqipërisë, tha Basha duke shtuar:

“E shoh dhe prek kudo në takime masive si ky, nga jugu në veri. E shoh në sytë e çdo shqiptari edhe të socialistëve që kanë vendosur të bëhen pjesë e këtij bashkimi të madh dhe të votojnë dhe ata për ndryshimin. Sepse fitorja e 25 prillit do të jetë fitorja më e thellë e çdo shqiptari. Ajo do t’i takojë çdo familje shqiptare, çdo të riu, çdo të reje korçare dhe shqiptare. Do të jetë dita kur vota juaj do të rikthejë një qeveri të njerëzve dhe për njerëzit. Do të jetë dita kur ne do të bëjmë realitet fuqinë e demokracisë, fuqinë e votës duke dalë masivisht për të votuar numrin 9. Nuk ka të mbaruar ardhja e njerëzve në këtë bulevard. Nuk ndalet marshimi ynë, krah për krah drejtë fitores, drejtë ndryshimit. Këtë e ka mësuar edhe Edi Rama. Ndaj, këto janë ditët e fundit të krimeve dhe marifeteve, të gënjeshtrave që vetëm sa e nxjerrin edhe më shumë në dritën e diellit dështimin dhe dështakun e këtyre 8 viteve.”

Sot nga Korça, Kryetari i PD dhe një herë garantoj të gjithë banorët, të gjithë ata që për 8 vite me radhë u gënjyen nga premtimi për legalizimet falas dhe e dëgjuan planin e Edi Ramës për t’ju marrë votën, për t’ju mashtruar, për të mos ju legalizuar, për t’jua prishur pa dëmshpërblim 100 mijë shtëpi shqiptarësh, jetën, djersën, gjakun tuaj dhe të afërmve tuaj në emigracion, ky ka qenë dhe është Edi Rama i vërtetë.

“Kjo e keqe, ky dështim tani troketë për herë të tretë në portat e shqiptarëve. Shqiptarët ja kanë mbyllur dyert, Korça ja ka mbyllur dyert, Shkodra ja ka mbyllur dyert, Vlora, Durrësi dhe Tirana, mbarë Shqipëria, sepse zemrat e shqiptarëve thërrasin për ndryshim. Bashkë për ndryshim! E gjithë Korça, bashkë për ndryshim! Dhe ndryshimi po vjen me votën tuaj për numrin 9! Ne do të mundësojmë që jo vetëm të përmbyllim procesin e legalizimeve por dhe të riaktivizojmë ekonominë tonë duke hequr taksat abuzive, taksën mbi karburantin 240 për litër, i cili shtrohet në biftek tek Nusret-i. Faturat e kripura të energjisë, amnistinë e plotë për 350 mijë familje kulari i të cilëve rëndon 28 mijë lekë muaj për muaj, për të paguar luksin e qeveritarëve. Ulja e taksave, ulja e çmimit të energjisë dhe të naftës do ti japë korçarëve mbështetje, energji për të bërë atë që dine të bëjnë më së miri, punë të ndershme, mirëqenie, paga të larta, gëzim në familjet tona, dinjitet njerëzor, qytetari, pozitivistet. Nga Korça anembanë Shqipërisë, nga Konispoli në Vermosh, le ta kthejmë gëzimin në zemrat tona, le ta marrim fatin tonë në duart tona,” tha Kryetari i PD, Lulzim Basha duke bërë thirrje:

“Masivisht, ditën e diel, çdo i ri dhe e re korçare, ju bukuri, ju krenari e Korçës dhe e gjithë Shqipërisë, për shkollimin tuaj, për arsimin tuaj, për punësimin tuaj, për Shqipërinë anëtare të Bashkimit Europian, për hapjen e negociatave në 100 ditët e para të qeverisë sonë votoni numrin 9. Për prindërit tuaj, për rritjen e pensioneve, për t’jua fshirë lotët, për t’iu dhënë mundësinë ju të jeni pranë tyre me ta, të punoni e të fitoni në Korçën e bukurisë, të traditës, të punës, të fermerëve, të turizmit, të zejtarisë, e të krijoni këtu familjet tuaja pranë familjeve të prindërve tuaj. Ta ndalim plagën e emigracionit, ta rikthejmë Korçën në një perlë margaritar të ekonomisë dhe qytetarisë. Të dielën votoni numrin 9. Bashkë për ndryshim! Korça fiton! Shqipëria fiton!”

Kryetari i Partisë Demokratike, Lulzim Basha, ndalesën e radhës e pati në qytetin e Devollit ku bëri thirrje për një bashkim të madh drejt ndryshimit, tha se vota për numrin 9 do të thotë 100 milion euro subvencione direkte çdo vit për fermerët Devollit dhe të gjithë Shqipërisë.

“Mirë se ju gjej vëllezër dhe motra, njerëz fisnik e punëtor! Është kënaqësi e jashtëzakonshme ta shoh këtë shesh të mbushur tej e përtej me gëzimin e fitores së jashtëzakonshme që na pret. Sot jemi së bashku pas 8 vitesh të vështira, plot me sfida, dhimbje dhe vuajtje të shkaktuara nga një njeri i cili për 8 vite me radhë nuk mbajti asnjë premtim të vetëm, por përkundrazi i varfëroi shqiptarët, e shkatërroi bujqësinë shqiptarë, e varrosi sipërmarrjen shqiptare dhe largoi gjysmë milion të rinj dhe të reja nga vendi ynë për shkak të varfërisë dhe pamundësisë,” tha Lulzim Basha.

“A mund të lihet një vend i bekuar si Devolli në këtë gjendje, sikur s’ka qeveri, pa mbështetje? A mundet që për 8 vite me radhë të rrisësh çmimin e naftës, të rrisësh çmimin e energjisë mos të sjellësh asnjë subvencion, të rrisësh kontributet shoqërore për fermerët e varfër, të shkatërrosh shëndetësinë, të shtosh gjobat dhe pastaj të gjesh guximin e të kthehesh e të kërkosh edhe 4 vjet të tjera? Ku e gjen guximin pasi s’ke bërë asgjë këto 8 vite dhe pasi e ke bërë  jetën ferr fermerëve të Devollit dhe banorëve të Korçës dhe të gjithë Shqipërisë të trokasësh përsëri në derë e të kërkosh edhe 4 vjet të tjera. Cila është përgjigja e Devollit? E tillё do tё jetë mё 25 prill,” tha lideri i opozitës dukeu shprehur qartë se 4 ditё na ndajnë nga fitorja mё e thellë nё historinë e shqiptarëve te bashkuar.

“Ndaj le tё jemi tё gjithё bashkё, tё gjithё bashkёvёllezёr e motra, pa u munduar askush fermere e fermerë qё e dini qё me qeverinë e re nё 25 prill edhe ju si fermer, si vëllezërit dhe motrat shqiptar nё Maqedoninë e Veriut dhe nё Kosovë do tё keni subvencione, subvencione pёr njësi prodhimi pa burokraci, pa abuzim, pa ndërmjetësim. Dhe djersa juaj që vadit ditë për ditë tokën pjellore të Devollit, do të kthehet në mirëqenie, në bekim dhe pasuri për Devollin, për familjet tuaja. Dhe po kështu, investimet në infrastrukturë, do të bëjmë të mundur që kjo zonë e njohur dhe për të cilën jemi krenarë për prodhimet e saj, jo vetëm të dominojë tregjet tona por të eksportojë. Fermerët e Devollit do të jenë përsëri njerëz krenarë, kokëlartë, me mirëqenie në pasuri dhe me mundësi për t’i mbajtur këtu për të trashëguar artin dhe punën në bujqësi, në blegtori dhe në çdo synim dhe ambicie të fëmijëve tuaj sepse asnjëri prej tyre që dëshiron të ndjekë shkollën e lartë, nuk do të privohet për shkak të pamundësive ekonomike,” tha Kryetari i PD, Lulzim Basha duke bërë thirrje nga Devolli:

“Zonja dhe zotërinj, ju e dini bashkë kemi qenë këto tetë vite vuajtjesh, tani është në dorën tuaj, vetëm në dorën tuaj dhe unë e di se vendimin ju e keni marrë, unë e di se Devolli si e gjithë Shqipëria ditën e diel del masivisht në kutitë e votimit dhe voton numrin 9. Numrin 9. Numrin 9 për të ardhme e fëmijëve tuaj. 9 për fermerët e Devollit! 9 për Shqipërinë Europiane! 9 për fitore! 9 për ndryshimin! Zoti e bekoftë Devollin! Zoti e bekoftë Shqipërinë! Fitore!”

Dhe si kudo në Shqipëri, entuziazmi i fitores e shoqëroi kryetarin e Partisë Demokratike, Lulzim Basha, edhe në qytetin e Beratit. Edi Rama e ka humbur kontrollin sepse e di që ka humbur dhe vazhdon t’ju jap njerëzve gënjeshtra dhe premtime në 3D, tha kideri i opozitës para beratasve duke shtuar se vota masive për numrin 9 do të sjell ndryshimin, që fëmijët shqiptarë kanë nevojë. 

“Mirë se ju gjej vëllezër dhe motra! Jam përsëri këtu në mesin tuaj në Beratin e historisë për të bashkëshpërndarë lajmin e fitores e cila na ndajnë vetëm 4 ditë. Berati ky qytet themel i qytetërimit tonë, ky qark dhe ky qytet në  kërthizë të Shqipërisë është lënë për 8  vite me radhë jashtë vëmendjes të qeveritarëve të  korruptuar dhe të babëzitur, 8 vjet dështime dhe mashtrime që kanë rënduar ekonominë, vatrat i kanë zbrazur nga rinia, beratasit i kanë kërrusur nga pesha e papunësisë, fermerët i kanë zhytur ne borxhe, popullin e kanë lodhur dhe Shqipërinë e kanë drobitur. 8 vjet gënjeshtra, 8 vjet mashtrime vetëm 4 ditë për t’i larguar me votë dhe së bashku përmes fitores më të thellë që ka njohur Berati dhe Shqipëria derën e mundësive, derën e drejtësive, derën e Beratit dhe Shqipërisë europiane,” tha Lulzim Basha.

“Vëllezër dhe motra, kush më mirë se ju nuk i njeh premtimet boshe të Edi Ramës?! Kush nuk e mban mend ishullin e Osumit?! 8 vjet nuk bëri dot premtimin që do ta bënte vitin e parë, rrugën Berat-Fier. 8 vjet premtime të pa mbajtura, çmimin e naftës, jo vetëm nuk e uli por e bëri Shqipërinë vendin e tretë në botë për çmimin e karburantit. Faturat e energjisë jo vetëm nuk i uli siç premtoi por i rriti duke çuar mijëra sipërmarrje, qindra e mijëra nëna dhe baballarë drejtë papunësisë e qindra e mijëra të tjerë familjarë, drejtë dëshpërimit. Kush nuk i mban mend premtimet e pa mbajtura të Edi Ramës, dështimet këtyre 8 viteve?! Kush më mirë se Berati nuk e ka ndjerë harresën, nëpërkëmbjen e këtij grupi të babëzitur. Dhe ja ku e kemi prapë, 8 vite pushtet, 8 vite premtime, 8 vite me projekte 3D,” tha Basha, si ishulli i Osumit dhe ka guximit të vijë para këtij qytetërimi, para këtyre qytetarëve, para kësaj rinie e të kërkojë edhe 4 vjet të tjera. E shikoni si sillet nëpër Shqipëri, me projekte 3D nën sqetull, me një thes tjetër me rena me të cilat mendon se do të mashtrojë përsëri shqiptarët.

Beratasit e zgjuar të japin ujë me bisht të lugës dhe më 25 Prill, 4 ditë na ndajnë nga fitorja më e thellë që do i prijë ndryshimit të vërtetë për Beratin, për beratasit dhe për gjithë Shqipërinë, tha kryetari i PD sepse ky qytet dhe kjo trevë i ka të gjitha.

“Ku janë premtimet për Beratin turistik, ku janë premtimet për subvencionet, për ullirin e famshëm të  Beratit, për vreshtarinë, për fermerët? Ku janë premtimet [për infrastrukturën? 8 vjet rriti taksat, rriti çmimet, rriti koston e jetesës, mbylli shkollat, mbylli universitetet, e zbrazi Beratin dhe Shqipërinë nga të rinjtë. Por edhe 4 ditë dhe përgjigjën do ta marrë në kutit e votimit nga mbarë populli i Beratit, nga shqiptarët e bashkuar si kurrë me parë, demokratë e socialistë bashkë për ndryshim duke votuar për numrin 9. Së bashku do t’i prijmë krah për krah rrugës së ndryshimit, rrugës së integrimit në Bashkimin Europian. Së bashku do të bëjmë të mundur që rinia e Beratit, rinia e mrekullueshme e Shqipërisë të mos largohet më nga vatrat tona, që fermerët punëtorë të kësaj zone të gëzojnë frytet e punës së tyre. Dhe kjo është në dorën tuaj, kjo është në dorën tonë, kurrë nuk ka qenë më afër dita e shpresës, dita e ndryshimit, dita e fitores për çdo shqiptarë. Këtë e ka mësuar i madh dhe i vogël, radhët tona janë shtuar dhe ky është sot me të vërtet një referendum popullor për një ndryshim të pa ndalshëm, për një ndryshim të vërtet, një bekim për nënat tona, një bekim për fëmijët tanë, për familjet tuaja, një bekim për rinin e mrekullueshme shqiptare kudo ku ndodhen, që do të vij përmes një qeverie që do ti takoj njerëzve e do punoj për njerëzit,” tha Basha në Berat duke u zotuar:

“Hapat tonë të parë do të jenë heqja e lakut nga fyti i dhjetëra, mijëra familje, të gjithë atyre të cilët i mbajnë varur me premtimet për legalizim ndërsa bëhen gati tua prishin shtëpinë pas zgjedhjeve, që të pësojnë të njëjtën fat si banorët e Astirit. Ky është Edi Rama, kjo është sjellja më kriminale dhe poshtëruese ndaj qytetarëve, t’ju premtosh legalizim, t’i mashtrosh, pastaj t’ju marrësh votën, t’jua prishësh shtëpinë pa dëmshpërblim dhe t’i lësh në mes të katër rrugëve. Kjo është qeverisja e pashpirt  e 8 viteve. Qeverisja që i merr mijëra familje të Beratit 28 mijë lekë në muaj nga qindarkat e fundit për të ashtuquajtur marrëveshjen e OSHEE-së dhe pastaj e blen një biftek 1 mijë dollar te Nusret-i. Kësaj do ti japim fund. Amnisti për gjobat e një shteti, gjobaxhi të nginjur deri në palcë me paratë e djersën e beratasve dhe shqiptarëve punëtorë e të ndershëm.”

Një ditë e re do të lindë. Një ditë e re dhe një horizont I ri do të hapet por kjo tashmë është tërësisht në dorën tuaj dhe unë e di, e shoh, e prek padurimin e shqiptarëve nga Saranda në Tropojë mezi e presin të Dielën për të dalë masivisht, tha Lulzim Basha për të shprehur dëshirën e zjarrtë  për ndryshim, për të marrë hak  për 8 vite varfëri me më të fortën armë, më të bekuarën armë që ka demokracia, votën e lirë të çdo qytetari dhe çdo qytetare.

“Ndaj vëllezër dhe motra e di dhe e ndjej unë dhe çdokush se dita e Diel do të jetë një festë e demokracisë. Kushdo që më kot përpiqet t’i trembë apo t’i shantazhojnë, apo ti turbullojë shqiptarët le ta dijë, le ta dëgjojë siç ushton ky shesh si një shpirt I vetëm, një vullnet, një kërkesë, një pasion, një ambicie, një ëndërr. Bashkë për ndryshim. Votoni numrin 9.  Për fëmijët tanë, për të ardhmen e tyre votoni numrin 9. Për nënat tona, për gjyshet tona që të mos vajtojnë më mbi vatrat e shuara nga mungesa e rinisë në emigracion. Votoni numrin? 9. Për prindërit tanë o rini berataseve, që më bëni krenarë dhe kam kaq shumë besim tek ju. Ju me të cilët bashkë do ta hapim derën e Shqipërisë drejt Europës,” tha Kryetari i PD, Lulzim Basha duke i bërë thirrje qytetarëve të Beratit:

“Ditën e diel për prindërit tuaj, për nënat tuaja që robtohen nga mëngjesi deri në darkë për paga minimale. Për prindërit tuaj fermerë, për prindërit tuaj pensionistë. Rini e Beratit e të gjithë Shqipërisë ditën e diel votojmë numrin? 9. Dhe për ju prindër që këta të rinjtë si çdo i ri dhe e re me një vend normal Europian të kenë pas votës tuaj një qeveri normale dhe europiane, një kryeministër normal dhe europian të të gjithë shqiptarëve. E të kenë mundësinë edhe një herë të studiojnë këtu në Beratin e akademive më të vjetra të Ballkanit. Të jetojnë këtu, të punësohen këtu e nga këtu ta ringrejnë zhurmën, krenarinë e Beratit të lashtësisë, Beratit të lashtësisë, Beratit të bekuar nga perëndia. Të gjithë bashkë pra me 25 prill, 4 ditë na ndajnë. Votojmë numrin? 9. Cilin? 9. Cilin? 9.bashkë për ndryshim! Berati fiton! Shqipëria fiton!”

Kryetari i Partisë Demokratike, Lulzim Basha, është ndalur edhe në qytetin e Lushnjës, i cili është pritur me entuziazëm nga qytetarët e shumtë. Në fjalën e tij, Basha tha se asgjë nuk i ndal shqiptarët të dalim masivisht dhe të votojnë. Lideri i opozitës gjithashtu tha se këto janë zgjedhjet më vendimtare sepse vota për numrin 9 më 25 prilli do të shërbej për t’i dhënë fund tranzicionit dhe është dita e parë për ta bërë Shqipërinë si gjithë Europa.

“Më 25 prill, të dielën fermerët e Lushnjës, të Myzeqesë të mbarë Shqipërisë, votoni numrin 9! 9 për të çliruar bujqësinë shqiptare që edhe bujqësia e Shqipërisë të ketë të njëjtën mbështetje nga qeveria e ardhshme e Shqipërisë, si ajo e Kosovës, si ajo e Maqedonisë së Veriut. Pra, për t’i kthyer dinjitetin punës tuaj, asnjë pikë djerse mos t’ju shkojë kot. Ndaj e di, e ndjej dhe e dëgjoj përgjigjen tuaj nga Velipoja në Xarë, nga Devolli sot në mëngjes në Myzeqe, ju fermerët shqiptarë do të çliroheni nga ky abuzim 8-vjeçarë,” tha Lulzim Basha duke shtuar se ata do të kenë subvencione, infrastrukturën, tregun, sepse janë të vendosur më 25 prill fermerët shqiptarë, familjet e tyre votojnë numrin9!

“9 për familjen tuaj! 9 për sipërmarrësit lushnjarë ndër më duarartët e Shqipërisë, njerëz të punës, njerëz të mendjes. Kanë duruar mbi vete padrejtësitë e dyfishta, të një pushteti të bërë njësh me bandat dhe të bandave të ardhura në pushtet. 4 ditë, jo, 3 e gjysmë për ta prerë këtë zinxhirë, për ta mbyllur derën e kësaj fatkeqësie, për të hapur bashkë dritën e shpresës, dritën e Europës.”

Ditën e diel lushnjarët, të rinj, të moshuar, gra, vajza, djem, burra, demokratë dhe socialistë të ndershëm që nuk ju mban më shpirti korrupsionin e kësaj klike. Drejt kutive të votimit, për të zgjedhur ndryshimin, shpresën mbi frikën, bashkimin mbi përçarjen, drejtësinë mbi bandën, të gjithë bashkë duke votuar numrin 9.

“Cilin? 9 për ndryshim. Të bashkuar të vendosur sepse ky vend i ka të gjitha potencialet. Kjo Lushnje e mrekullueshme, e qytetarisë, e bujqësisë, e agrobiznesit mund dhe do të sigurojë ushqim, zhvillim, punësim, dije. Kjo Lushnje e krenarisë që ka në mesin e saj të tjerë 18 vjeçar, si ai që u largua me motoskaf dhe sot ka themeluar një nga kompanitë më të mëdha të teknologjisë në Europë. Një prej jush, sa Julian ka në këtë bashkim të jashtëzakonshëm? Sa Julian e Juliana ka këtu? Sa Julian ka shqipëria? Ejani, ejani ti presim vargojtë që ju frenojnë o rini e mrekullueshme, që ta shpalosni këtu potencialin, aftësinë, talentin tuaj nga një shtet të së drejtës me drejtësi që nuk i mbron por i ndëshkon politikanët e korruptuar dhe krimin e organizuar të bërë njësh me ta. Ejani bashkë. Europa na e ka shtrirë dorën , unë kam besim tek ju, unë jam krenar për ju, rini e Lushnjës, rini e Shqipërisë,” tha Kryetari i PD, e fitorja ka zbritur në këtë shesh dhe njësoj si retë e zeza 101 vjet më parë nuk e ndalën dot besëlidhjen e Lushnjës, Kongresin e Lushnjës, po kështu nuk ka asgjë ta ndalë vullnetin e lushnjarëve për të dalë masivisht, masivisht, masivisht në zgjedhjet me pjesëmarrjen më masive popullore.

“Në zgjedhjet më të rëndësishme ku do të vendoset fati i familjeve tuaja, i fëmijëve tuaj, fati i vendit tonë. Edhe njëherë gjendemi para një udhëkryqi njësoj si 101 vjet më parë forcat që duan të na kthejnë mbrapsht, ta izolojnë Shqipërinë, ta mbajnë larg Bashkimit Evropian për hesapet e tyre, për pushtetin e tij, për pasurinë e tij dh përballë këtij grushti njerëzish dhe një njeriu që e di siç e dini ju të gjithë që të dielën Edi Rama humb dhe Shqipëria fiton. Ndodhet një popull i tërë i sfiduar, i lodhur nga dështimet, i dëshpëruar nga vjedhja e tetë viteve por i vendosur si kurrë më parë për të marrë në dorë fatin e tij me votë, me votë, me votë, me votë ditën e diel duke votuar numrin 9. Numrin 9! Numrin 9! Numrin 9!

E kështu vëllezër e motra le të kujtohet 25 Prillin si një tjetër bashkim i madh i cili  do të përçojë vite e dekada më vonë një tjetër tregim si ky që ndodhet pas nesh, që para poshtërimit prindërit shqiptarë zgjodhën kurajon, se para largimit rinia lushnjare vendosi të qëndrojë, të luftojë, të arsimohet, të punësohet këtu në Lushnjën e bukur, në Shqipërinë e bekuar nga zoti, tha Kryetari i PD, Lulzim Basha, duke përfunduar:

“Le të rrëfehet, pra, 25 Prilli si dita e fundit e tranzicionit, si dita e parë e Shqipërisë si gjithë Europa. Edhe tre ditë e gjysmë, le të derdhet kjo shpresë, kjo dritë e zemrave tuaja, ky besim, në fitoren e thellë, në ndryshimin e pandalshëm që po vjen në çdo shtëpi të miqve dhe familjarëve tuaj. Derë më derë, zemër më zemër, bashkë për ndryshim! Votoni 9! Votoni 9 për të ardhmen tuaj, votoni 9 për fëmijët tuaj, votoni 9 për ekonominë tuaj, votoni 9 për Shqipërinë si gjithë Europa. Bashkë për Ndryshim! Lushnja Fiton, Shqipëria Fiton!”

Duke përfunduar turin e takimeve për ditën e sotme, Kryetari i Partisë Demokratike, Lulzim Basha, tha në Durrës se fitoren nuk ka korrupsion ta ndal, nuk ka shitblerje votash ta ndal ndërsa sigurioi se PD refuzon dhunën dhe do ta mbrojë demokracinë me çdo çmim.

“Mirë se ju gjejë vëllezër dhe motra, zonja dhe zotërinj, rini e Durrësit, në këtë mbrëmje magjepsëse, me zemrën e zemrës së Ilirisë dhe Shqiptarisë. Edhe 3 ditë e gjysmë e ndan Durrësin nga vota më masive për ndryshim, për çlirim, për bashkim, për fitore. Fitoren më të thellë, më të bukur, fitoren më të pastër e të merituar të këtij qyteti që bën krenarë çdo shqiptare e çdo shqiptar. Ndaj dua ta nis sot duke falenderuar miqtë e veçantë, që na janë bashkuar në këtë manifestim vullneti për këtë demokraci, për shtetin e së drejtës, për liri, për të drejta e njeriut, kryesinë e shoqatës atdhetare shqiptare-amerikano VATRA, për kontributin e saj në shekullin e kaluar nuk ka fjalë të shkruhet, po jam i bindur se me ta, me vëllezërit dhe motrat tona shqiptaro-amerikane, me diasporën e Durrësit dhe të mbarë Shqipërisë në Europë, së bashku do të çelim derën e merituar të anëtarësimit në Bashkimin Europian. Sepse çdo durrsak dhe durrsake e di se ajo është rruga, rruga e vetme drejt mundësive, drejt mirëqenies, drejt lirisë, drejt demokracisë, drejt Durrësit siç e ëndërrojnë durrsakët,” tha Lulzim Basha.

“Buçet nga ky shesh si kurrë më parë, shkëlqen në sytë tuaj dielli që sapo perëndoi, e me këtë rast, më lejoni ti uroj nga zemra gjithë besimtarëve agjërim të lehtë e të pranuar! Por dielli mund të ketë rënë poshtë horizontit të kaltër të Durrësit të mahnitshëm, por nuk i ka lëshuar sytë e nënave durrsake, sytë e rinisë durrsake ndriçojnë këtë shesh, sepse Durrësi e di siç e di gjithë Shqipëria, dita e diel është dita e ndryshimit, është dita e fitores! Fitorja më e bukur dhe më e çmuar sepse nuk do ti takojë një partie as dhe një koalicioni por do ti takojë të gjithë durrsakëve, të gjithë shqiptarëve e të gjithë Shqipërisë, sepse qeveria e ndryshimit që ju do të sillni me votën tuaj për numrin 9 do ti takojë çdo shqiptare e çdo shqiptari. 8 vite të gjata, 8 vite të vështira, plot dështime dhe mashtrime, plot premtime të pa mbajtura dhe 3 ditë e gjysmë për të vendosur,” tha lideri i opozitës se një pyetje do të marrë përgjigje më 25 Prill:

“A do durojë Durrësi edhe 4 vite të tjera pas 8 viteve të njeriut që nuk bëri asgjë, që nuk mbajti asnjë premtim, që qeverisi dhe qeveris Durrësin me banda, që shkel mbi intelektualët, qytetarinë, sipërmarrësit, fermerët, rininë, gratë, motrat, vajzat, nënat tona apo që për 8 vite me radhë ia kyçi portat Shqipërisë duke e ndalur në vendnumëro aspiratën e parë të shqiptarëve, Shqipërinë si gjithë Europa, për të cilën askush nuk mund të shkojë më mirë sesa ky port dhe ju qytetarë e këtij porti zemër bregdetare e kombit tonë edhe 4 vjet të tjera për atë që dështoj 8 vite me radhë, që e varfëroj dhe e bëri Durrësin një nga qytetet me emigracionin më të lartë në Shqipëri, në Ballkan, në Europë e në botë apo ndryshim, ndryshim, bashkë për ndryshim. Kjo është thirrja që ushton e që ka bashkuar në mënyrën më të bukur në një familje të madhe, në një komunitet zemrash që rrahin me një qëllim t’ia kthejmë Durrësin durrsakëve, sepse Durrësi nuk është i një grushti qeveritarësh të korruptuar, sepse Durrësi nuk mund të jetë i oligarkëve, as i bandave, ky është Durrësi juaj dhe me 25 prill durrsakët të djathtë e të majtë, demokratë e socialistë do ta rimarrim Durrësin duke votuar numrin 9. “

Ky është Durrësi juaj, ky është vendi ynë me potenciale të jashtëzakonshme, por të vënë nën vargonj e korrupsionit, babëzisë oligarkisë dhe nën tekat e një njeriu të vetëm i cili pas 8 vitesh dështime e ka kuptuar sic e kanë kuptuar të gjithë shqiptarët se të dielën Rama humb dhe Shqipëria fiton! 9 për ndryshim, 9 për bashkim, 9 për të ardhmen tonë, 9 për ti dhënë fund krimit dhe korrupsionit, bandave, shit blerjes së votës sepse le ta dëgjojë e le ta shohë e gjithë Shqipëria këtë mbrëmje të bekuar nga zoti. Këtë mëngjes e kam nisur në skajin më lindor, në Devoll, në Bilisht e po e mbyll në skajin më perëndimor, në Durrësin e lashtësisë, në Durrësin e vlerave,” tha Basha duke shtuar se kudo buçet një thirrje, një vendim, bashkë për ndryshim, bashkë për ndryshim, bashkë për ndryshim.

“Këtë e di fare mirë edhe ai që për 8 vite ju la në baltë. Është shkaktari kryesor i vuajtjeve të nënave dhe të baballarëve tanë. Ndaj ditët e fundit i është vërsulur me marifetet e vjetra, por  e ka kot. Le ta shohim njëri tjetrin në sy, shikojeni njëri tjetrin në sy, shikoni fuqinë, shikojeni energjinë e pandalshme të ndryshimit që po vjen. Nuk ka forcë ta ndalë, nuk ka banda ta ndalin, nuk ka korrupsion ta ndal, nuk ka shitblerje votash ta ndal. Ne e refuzojmë dhunën, por ne do ta mbrojmë demokracinë me çdo çmim. Fitorja ka zbritur në zemrat tuaja. Do të jetë fitorja më e thellë, me përgjegjësia më e madhe, por tani e 3 ditë e gjysmë përpara, duke nderuar nga thellësia e zemrës si qytetarë, si prind, si shqiptarë, si patriot, të gjithë ata socialist të ndershëm durrsak që kanë dal hapur dhe janë bashkuar me bashkimin tonë për ndryshim!” tha Kryetari i PD, Lulzim Basha duke i bërë thirrje çdo shqiptari e çdo shqiptareje, kështu nga ky barometër i pagabueshëm i demokracisë, nga ky Durrës i bukur, i fortë, trim dhe i gatshëm për t’u bërë lokomotivë e ndryshimit. Ejani, çohuni, mposhteni plogështinë.

“25 prill nuk është dita e asnjë partie politike. 25 prilli është dita juaj nëna që të ndalni lotët për fëmijët e emigruar padrejtësisht. Është dita juaj baballarë që ta ngrëni kokën e të keni punësimin e pagat që meritoni. Është dita juaj o fermerë shqiptarë, të vetmit fermerë të kombit tim që nuk merrni subvencione dhe i shkatërroni produktet tuaja duke u zhytur vit pas viti në borxh, sepse është në dorën tuaj. Ju mund ta bëni ndryshimin realitet duke votuar numrin 9. Për fermerët e Durrësit dhe mbarë Shqipërisë që produktet e tyre të mrekullueshme të gjejnë tregun e duhur brenda dhe jashtë vendit, të ushqejmë fëmijët tanë e të jenë siç janë krenari e djersës së durrsakut, krenari e djersës së shqiptarit. Për rininë e mrekullueshme të Durrësit votoni numrin 9. Ju nëna e baballarë që universitetet tona t’i edukojnë e t’i përgatisin si profesionistët më të aftë me talentin dhe aftësitë e tyre, të ç’kyçin ekonominë e re dhe këtu në Durrës, këtu në Shqipëri të gjejnë punën, të themelojnë familjen dhe t’i kthejnë gëzimin çdo shtëpie dhe çdo vatre të Durrësit. Dhe ju o rini e Durrësit, rini guximtare, rini e pamposhtur, rini e bukur durrsake, ditën e diel votoni për prindërit tuaj, për gjyshet dhe gjyshërit tuaj, për pensionistët e lënë pas dore, votoni për mijëra familje që edhe kur i goditi tërmeti i Zotit nuk i kurseu tërmeti i babëzisë dhe t’i japim fund plagëve të tyre. Rini e Durrësit tre ditë e gjysmë na ndajnë nga fitorja, nga ndryshimi, duke votuar numrin, cilin numër?” tha kryetari i PD, Lulzim Basha para qytetarëve të Durrësit duke përfunduar:

“Kjo portë e bukur e Shqipërisë, kjo vitrinë europiane ku sytë e Europës brenda shpirtit të çdo durrsaku, shohin shpirtin europian, zemra perëndimore që rreh brenda këtij populli, le të shkëlqejë e të rrahë si asnjëherë masivisht drejt kutive të votimit. Mos lini asnjë pa çuar për të votuar sepse fitorja më e madhe, pjesëmarrja më e madhe  do të sjellë ndryshimin që duam dhe meritojmë. Bashkë për ndryshim, votoni numrin 9. Zoti e bekoftë Durrësin, zoti e bekoftë Shqipërinë.”