Nga North Carolina, Trump: Harris, kandidate e të majtës ekstreme!
Kandidati republikan për President të SHBA, Donald Trump, nga qyteti Asheboro në North Carolina ku mbajti dhe takimin e parë të hapur pas atentatit në Butler të shtetit Pennsylvania kishte mesazhe të qarta si për rivalen e tij presidenciale ashtu dhe atë të kandidatit për Guvernator!
Nën masa të rreprta sigurie dhe para një xhami antiplumb, Ish-Presidenti Donald Trump duke e quajtur rivalen e tij si “shoqja Harris” tha se është kandidate e të majtës ekstreme, ndërsa bëri të ditur para ithtarëve të tij në Asheboro se kandidat për Guvernator të North Carolina është Mark Robinson, për të cilin Trump tha se ka rënë në peshë muajt e fundit
Ndërkohë Ish-Presidenti Donald Trump bëri të ditur përmes rrjetit social Trouth se ajo kishte anuluar debatin e parashikuar më 4 shtator.
“Shoqja Kamala Harris sapo na informoi se nuk do të zhvillojë debatin e Fox News më 4 shtator. Ky zhvillim nuk më befason, ajo e di se është shumë e vështirë të mbrohet në rastin më të mirë,” u shpreh Trump përmes rrjetit Truth Social ndërsa bëri të ditur se do të ketë një “Town Hall” të Trump më 4 shtator.
Donald Trump dhe Kamala Harris kanë rënë dakord për një debat më 10 shtator në televizionin ABC dhe përderisa nuk është anuluar ende ai mbetet në fuqi.
Ndryshe, pas atentatit ndaj kandidatit republikan për President të SHBA, Donald Trump, në Butler të shtetit Pennsylvania ku shpëtoi për fat vetëm me plagosjen e veshit, shërbimi sekret kishte rekomanduar që ish-presidenti të mbaj mitingjet në një ambient të mbyllur, mirëpo nga e diela u bë e ditur nga shtabi i kandidatit republikan se në tubimet e hapura do të përdoret xhami antiplumb.
