Nga policia e Habilajve tek policia e Geronit…

Të gjithë i kujtojmë pamjet e protestës së opozitës në vitin 2014, që ishte edhe njëra ndër protestat më të mëdha të opozitës, kur në pushtetin policor ende nuk kishte ardhë Geroni, për rendin kujdeseshin policet femra.

Një pamje brilante që nënkuptonte polici të përmasave evropiane, ose siç ka qejf ta quan Edi Rama, policinë që duam; Por në fakt ishte opozita që duam!

Në atë kohë, ashtu sikur se edhe sot, lideri i opozitës Lulzim Basha u akuzua për opozitarizëm të beftë, ndërsa protesta dha mesazhin  e duhur që përkonte me situatën e rëndë të cilën e kishte degraduar qeveria rilindëse, që për pak muaj kështu edhe do të rezultoi  në zgjedhjet lokale.

Pse policet femra për ruajtjen e rendit në një protestë opozitare! Ishte një pyetje që jo pak vetë i shtruan vetes, disa e quajtën provokim e madje edhe përdorim të femrës, këtë krijesë të brishtë që Edi Rama e urren shpirtërisht.

Më vonë u kuptua se qetësia në polici ishte si rrjedhojë e një pakti polici-krim që u sofistikua deri në PTP (lexo: Partneriteti Trafikant Polici) dhe nuk pritej ndonjë befasi edhe në tubimet opozitare ku krimi mund ti përdor; Dhe, Rama e kishte të qartë që në atë kohë, se opozita nuk ishte si ata, nuk e djeg shtetin e vet!

Kështu edhe ndodhi, protesta përfundoi dhe policët që për pak muaj rezultoi se ishin nën kontrollin e Habilajve, ishin të qartë se si duhet të vepronin me opozitën ndërsa preokupim kryesor kishin klanin konkurrent në trafikun e drogës.

Kur u promovua slogani “Bravo çuna” nga Saimir Tahiri nuk ishte e qartë pse ministri nuk përfill policet femra që merreshin me kujdesin e rendit publik të protestave të opozitës, por ata që kujdesen për rendin publik të PTP-s që kishte marr dhen.

Me ndryshimet e reja në qeverinë rilindëse ndryshoi edhe strategjia e sigurisë publike dhe kreu i bordit të PTP-s. Policia tashmë e Geronit ka probleme shumë më komplekse se sa një protestë e opozitës.

Pse ikën femrat nga linja e parë e përballjes me protestues?! Nuk është më ajo opozita që nuk din të djeg, të shkatërroj dhe të marr pushtetin me dhunë apo bëhet fjalë për ndryshime në funksionimin e krimit të organizuar.

Protesta e fundit dëshmoi se opozita demokratike është po ajo që ishte, tërhiqet atëherë kur lideri e sheh të arsyeshme, ashtu siç djegin dhe shkatërrojnë komunistët kur janë në opozitë pavarësisht nëse bëhet fjalë për trafikun e drogës, votën e lirë, çmimin e qepës apo të byrekut.

Pra, gjërat kanë lëvizur në një tjetër terren. Nëse policët janë të armatosur deri në dhëmbë, edhe pse ambasadat perëndimore nuk kanë kurrfarë informacioni se mund të ketë përshkallëzim të dhunës dhe nuk paralajmërojnë qytetarët e tyre, policët nuk kanë ardhur për protestuesit. Policët e Geronit me kupolën e re drejtuese, pas zhvillime të fundit me publikimin e shumë dëshmive nga opozita, telashe kanë me menaxhimin e trafikut të drogës nga i cili nuk kanë hequr dorë as paraardhësit e tyre. Dhe, gjëmën nuk e shohin vetëm në Sazan, Otranto ose Brindizi, ajo u është bërë makth, dhe presin tu dal kudo. Nëse e humbin pushtetin, humbasin të gjitha, jo vetëm lirinë! Aq më shumë kur koncesioni që kanë marrë tashmë nuk është i sigurt edhe pse nuk paguajnë asgjë më pak se paraardhësit.

Nëse policet janë femra, faturën e zhdukjes së një ndërmarrje të fuqishme siç ishte ajo e paraardhësve të Geronit, normalisht që e ka të lehtë ta zbatoj çdo lloj grupi kriminal në një tubim me qindra mijëra vetë. Aq më shumë, kur si kupola aktuale e policisë ashtu edhe ajo paraardhëse vijnë nga e njëjta dorë e krimit komunist, ku mendësia e ardhjes dhe rënies nga pushteti është e ngjashme, me revolucion.

Kjo bëhet edhe më alarmante nga policia e Habilajve tek policia e Geronit tashmë na ndanë një det i tërë me drogë.