Nga Zubin Potoku, Kurti: Terroristët do të përballen me drejtësinë!
Ndërkohë që ishi arrestuar disa të dyshuar në fshatrat e Zubin-Potokut pas bastisjeve nga Policia e Kosovës, Kryeministri i Kosovës, Albin Kurti, nga vendi i ngjarjes ku nodhi sulmi terrorist në kanalin e sistemit Ibër-Lepenc, në Varage të Zubin Potokut, e bëri të qartë se për shpërthimin nuk janë përgjegjës vetëm një ose dy persona, por një grup i strukturuar i dirigjuar nga Serbia.
“Nga ky sulm terrorist e kriminal që ka dëmtuar strukturën kritike, meqenëse ka dëmtuar rëndë edhe prodhimin e energjisë elektrike edhe furnizimin me ujë. Duke ju falënderuar punën vetëmohuese të policëve, të inxhinierëve të ekspertëve, të punëtorëve kemi arritur që, deri diku, ta sanojmë dëmin, ndonëse jemi diku diç më shumë se çereku i prurjeve normale të ujit nëpërmjet kanalit Ibër-Lepenc, i cili bën edhe ftohjen e termoelektranave në Obiliq edhe furnizimin me ujë të qytetarëve të shumë komunave përfshirë edhe një pjesë të Prishtinës”, tha Albin Kurti nga vendi i ngjarjes ku ishte shoqëruar nga ministri i Brendshëm, Xhelal Sveçla ndërsa bëri të ditur se përveç krehjes së zonës ku ndodhi akti terrosit ka dhe arrestime.
“Policia po i zhvillon hetimet, ka bastisje dhe arrestime, dëshmi e prova materiale dhe të gjithë këta kriminelë e terroristë do të përballen me drejtësinë dhe ligjin e Republikës demokratike të Kosovës.”
Para vajtjes në vendin e ngjarjes dhe menjëherë pas shpërthimit, Kryeministri Albin Kurti, u shpreh se shteti i Kosovës është i vendosur dhe i përgatitur për t’i mbrojtur qytetarët e tij dhe infrastrukturën kritike ndërsa konfirmoi se në kanalin e ujit Ibër-Lepenc në Zubin Potok ku ka ndodhë shpërthimi, po bëhet një punë e jashtëzakonshme dhe përgatitje e lartë e institucioneve kosovare, të cilat në kohë rekord sanuan në masë të madhe dëmin e shkaktuar atje.
Ndryshe, gjatë 72 orëve të fundit në Veir të Kosovës kanë ndodhur tre sulme terrosite duke filluar me sulmin me granatë dore të Komisiarit të Policisë, godinës së Komunës Zveçan, dhe sulmit terrorist ndaj rrjetit të ujësjellësit të Ibër-Lepencit në fshatin Varagë të Zubin-Potokut mbrëmjen e së premtes.
