Ngatërroi tabelat, Rama: Kavaja para shumë vitesh ishte vatër e dëshpërimit!
Nuk janë kot socialista, dhe nuk dihet pse u zotuan kur në takimin e parë elektoral vetë kryetari i Partisë Socialiste, Edi Rama, e dëshmoi se për të ecur dinë vetëm mbrapa! Përpara, as që bëhet fjalë!
Në takimin elektoral të radhës, Kryeministri Edi Rama tha se i kujtohet se para shumë vitesh Kavaja ishte vatër e dëshpërimit!
Dhe, si është sot?! Vetëm përpara ngeli në tabelë sepse sot vatër e dëshpërimit është e gjithë Shqipëria.
“Mu kujtua se si ishte hyrja e Kavajës kur morëm detyrën. Dukej realisht në atë kohë si hyrje në një vatër të dëshpërimit, të harresës, rrënimit. ishte e gjithë Kavaja. I kam para syve pamjet e Kavajës dhe e kam parasysh punën, projektet dhe përpjekjet për të nisur ndryshimin e madh. Këtu në Kavajë, ndryshe nga shumicën e bashkive, na ndodh që ky qytet të kthehet në duart e atyre që në 30 vjet që kur ka zgjedhje, s’kanë mundur të krijojnë një shembull të vetëm se dinë të kujdesen për një bashki, apo fshat.
Më kujtohet kur Kavaja u kthye në duar e tyre të vetmet probleme që kishim me Kavajën nuk ishte se si të bënim një kopsht më shumë, apo si të krijojmë diçka të re, por e kishin mendjen te lejet e dhëna në rërë, në kundërshtim me çdo sens të së bukurës, E vetmja gjë që mbaj mend kur e rimorën Kavajën ishte se si ky qytet të vihej në funksion të një grupi që vepronte si një bandë. ” tha njeriu i cili lëviz vetëm nëpër lagje të stërmbushura me patronazhist meqë nuk i ka mbetur asnjë bashki socialiste ku mund të shkel ndonëse vazhdon dhe artikulon ndarjen e klasave në Ne dhe Ata:
“Dua t’u them atyre që votojnë për ata. Po mirë mo keni një minimum ndjeshmërie në mos për vete, por për fëmijët tuaj. Ata kur e kishin Kavajën, e kanë degjeneruar. Le të më dalë njëri dhe të më tregojë një bashki dhe të thotë; jo e ke gabim,” thotë njeriu që ka harruar të dalë nëpër qytete madje edhe në kryeqytet e nëse kërkon njeri që ti thotë se e ka gabim, ja edhe po i themi:
E ke gabim! Lëviz 100 metra mbi Shkollën e Baletit, tek Kopshti 18 që Lali Eri e ka shumë qejf ta vizitoj, dhe është 7 minuta e 50 sekonda nga Kryeministria. Aty nuk është Tiranë por Porta e Krimesë e cila në ditët e para të mandatit të dytë të Lali Erit ishte Kandahar!
A do ta beson këtë Edi Rama?! Patjetër që jo, kur nuk ka turp dhe flet për Shkodrën, që partia e tij kriminale edhe Isë Boletinin e kishte lënë në mes të kazanëve me plehra. Por, ai vazhdon:
“Shihni Shkodrën. Kush e bëri Shkodrën ashtu? Zoti?! Jo! Historia jo. Shkodrën e bëri ashtu, vetëm ata që ecin mbrapsht. Shkoni kthehuni në shtëpi duke ecur mbrapsht. Po të kesh alamet gomari këtu për të ngarkuar dru dhe të kërkosh qenë vërdallë?! Sovrani merr shërbëtor në punë. për këtë në demokraci kush zgjidhet është shërbëtor i atij që zgjedh. Ta dini se sa e rrah këtë unë! Se keni idenë. Ai që të ‘rreh’ të do më shumë. E ‘rrah’ me fjalë kuptohet përmes telefonit,” tha Edi Rama duke ju drejtuar Redjan Kralit para dhjetëra patronazhistëve që Shkodrën nuk e gjejnë dot as në hartë pavarësisht nëse lideri i tyre global vendos të lëviz mbrapa ose vetëm përpara.
S’ka shpëtim, është komunist!
