Duka i la pa bileta për ndeshjen Shqipëri-Serbi, Tifozat Kuq e Zi: Do të jemi aty, në përballje me shkijet

Pasi ngelën pa bileta për ndeshjen Shqipëri-Serbi me vendim të kreut të FSHF, Armand Duka, Grupimi më i madh i tifozëve të Kombëtares Shqiptare, “Tifozat Kuq e Zi”, kanë bërë të ditur se nuk do të jenë në “Arena Kombëtare” në 7 Qershor, por do të mblidhen tek Lulishte Vëllezërit Frashëri përballë Piramidës ku do të ndjekin përballjen me shkijet

“Pavarësisht se nuk do të jemi në stadium më 7 qershor, kur Shqipëria do të përballet me shkijet, ne do të jemi aty pranë.

Prej orës 19:00 mblidhemi tek Lulishte Vëllezërit Frashëri përballë Piramidës për të ndjekur ndeshjen me një ekran të madh të vendosur nga ne,” shprehen Tifozat Kuq e Zi në reagimin përmes rrjetit socia Facebook duke shpresuar që 7 Qershori të kthehet në ditë feste.

Ndryshe, për herë të parë që nga themelimi, tash e 21 vite, Tifozat Kuq e Zi kanë bërë të ditur ditë më parë se nuk do të jenë në stadium për të përkrahur Kombëtaren Shqiptare. Në fakt, kjo është hera e dytë. Herën e parë më 14.10.2014, nuk na lanë shkijet, thonë Tifozat Kuq e Zi, tani më 07.06.2025, nuk po i lejojnë miqtë e shkijeve, FSHF, dhe atë në shtëpinë tonë.

Reagimi:

Tifozat Kuq e Zi nuk ndalen.

Pavarësisht se nuk do të jemi në stadium më 7 qershor, kur Shqipëria do të përballet me shkijet, ne do të jemi aty pranë.

Prej orës 19:00 mblidhemi tek Lulishte Vëllezërit Frashëri përballë Piramidës për të ndjekur ndeshjen me një ekran të madh të vendosur nga ne.

Për ne nuk ka rëndësi prezenca në stadium, por do të jemi aty për Kombin, duke kënduar të gjithë krah njëri-tjetrit, në një ditë që shpresojmë të kthehet në festë.