Ngërçi me NATO dhe Perëndimin, koalicioni fitues në Mal të Zi vazhdon lojën me Abazoviçin!

Qeveria e re e Malit të Zi, e cila pritet zyrtarisht të marr formë ditën e diel, nga mediat vendore raportohet se është gati ndërsa i referohen presionit ndërkombëtar por koalicioni fitues sërish fut në lojē “shqiptarin” Dritan Abazoviç.

Kështu, Dritan Abazoviç, që drejton partinë URA dhe ka 4 deputetë që mundësuan krijimin e mazhorancës së re, do të mbajë dikasteret e Sigurisë, Ministrinë e Brendshme, Ministrinë e Mbrojtjes dhe Agjencitë e Shërbimit Sekret.

Këtë opsion e kanë kundërshtuar fuqishëm partitë proserbe, por në fund ka qenë presioni i madh ndërkombëtar që ka ndikuar për tu tërhequr, raportojnë mediat vendore duke shtuar se ende nuk dihet nëse në krye të këtyre dikastereve do të ketë ndonjë shqiptar, dhe deri tani Dritan Abazoviç ka bërë të ditur se do të delegojë ekspertë dhe jo politikanë në postet e reja ministrore.

NATO dhe vendet e Perëndimit janë shprehur kundër emërimit të ndonjë politikani të lidhur me Moskën në krye të Agjencive të Sigurisë por ky mund tē jetē dhe ngërçi kryesor meqē pērveç Abazoviçit, tē gjithē të tjerët nga koalicioni fitues edhe publikisht janē deklaruar prorus.

Marrëveshja përfundimtare mbi programin dhe vendimet e personelit është planifikuar për 30 Tetor.

Zv/Kryeministra janē projektuar krerët e Demokracisë së Re Serbe dhe Partisë Socialiste të Popullit.

Radikalët serbë të Frontit Demokratik pritet të marrin nënkryetarin e Parlamentit por Partia Radikale në koalicionin që drejton kryeministri i ri, Lëvizja për Ndryshime bëri të ditur se lideri i tyre Nebojsha Medojeviç duhet të emërohet për një pozicion në sektorin e sigurisë.

Gjithsesi dihet qē Fronti Demokratik do të drejtojë ministrinë e Arsimit, me serben Branka Boshnjak, kurse Branko Raduloviç do të emërohet ministër i Zhvillimit.