Nikolla Gruevski kërkon azil politik në Hungari

Ish-kryeministri i Maqedonisë, Nikolla Gruevski bëhet i gjallë dhe thotë se ka kërkuar azil politik në Hungari.

Përmes një postimi në Facebook ai tha se “ditëve të fundit kam marrë një numër të madh kërcënimesh për jetën time. Tani jam në Budapest dhe kërkova azil politik nga autoritetet hungareze”.

Gruevski ka shtuar se “do t’i qëndroj besnik kauzës së Maqedonisë. Asnjëherë nuk do të heq dorë”.

Autoritetet hungareze dhe ato maqedonase ende nuk e kanë konfirmuar vend-ndodhjen e zotit Gruevski.

Ndryshe, para këtij postimi të Nikolla Gruevskit në Facebook, Ministria e Punëve të Brendshme e Maqedonisë tha se ende nuk ka informacione mbi vendndodhjen e ish-kryeministrit, Nikolla Gruevski për kapjen e të cilit dje policia ka lëshuar edhe fletarrestim me kërkesë të Gjykatës Penale të Shkupit