Nis “Defender Europe 21”, mesazhet e Metës, Ramës dhe Bashës
Në nisje të “Defender Europe 21”, Presidenti i Republikës, Ilir Meta, u shpreh i sigurt se përmes kësaj stërvitje do të tregojmë që jemi të gatshëm të mbrojmë vlerat e demokracisë në Evropë dhe në të gjithë hapësirën Euroatlantike; Ndërsa Kryeministri Edi Rama në fjalën e rastit e cilësoi stërvitje unikale në historinë e marrëdhënieve tona, për t’i dhënë një mesazh shumë të qartë rajonit, dhe përtej saj kushdo që ka nevojë për përgjigje për qëndrimin e Shqipërisë në këtë aleancë në krah të SHBA, dhe vendet e tjera që për lirinë e demokracinë paguajnë çdo çmim.
Ndërkohë lideri i opozitës, Lulzim Basha, duke e konsideruar këtë stërvitje të një rëndësie të veçantë strategjike tha se do t’i tregojë të gjithë rivalëve potencialë të Aleancës së Atlantikut të Veriut se aleanca është e gatshme të përballet me çdo agresion dhe ta zmbraps atë nëse vlerat rreth të cilave në bashkohemi janë të pacenueshme.
“Zoti Kryetari i Kuvendit, zoti Kryeministër, zoti Ministër i Mbrojtjes, zonja Yuri Kim. Të nderuar gjeneral Begaj, ambasadorë dhe ju pjesëmarrës në këtë stërvitje historike. Kjo stërvitje është një pjesë e shumës së madhe të koduar Defender Eurpoe 21. Kjo stërvitje që drejtohet nga komanda e NATO-s në Evropë, është hera e parë që do të zhvillohet në Shqipëri dhe ndihet e nderuar.
NATO është aleanca më e madhe e lirisë në botë, mbështetja ndaj saj është unanime sic është vokacioni. Kjo stërvitje është shumëkombëshe dhe zhvillohet me pjesëmarrje të madhe trupash. Forcat tona të armatosura do të jenë të angazhuara prej 1 mijë trupash. Kjo stërvitje i jep mundësi forcave tona për të rritur nivelin e përgatitjes për përmbushjen Kushtetuese ndaj aleancës. Si President i Republikës, jam i bindur në përmbushjen e detyrimeve të Forcave të Armatosura, përfshirë edhe ato të sëmundjeve, fus këtu COVID-19.
Të gjithë pjesëmarrësit e këtij ushtrimi do të mbeten në përshtypjet mbresëlënëse, sepse shtëpia e shqiptarit, është e mikut dhe e Zotit. Të nderuar SHBA miqësia mes dy kombeve tona është e hershme. Ajo daton edhe përpara sesa poeti i madh amerikan Fellow, të thurte një nga poemat e tij për heroin kombëtar, Gjergj Kastrioti Skënderbeut,” tha Ilir Meta duke përfunduar:
“Një garanci e forcë është garancia jonë në aleancën Euroatlantike, jam i sigurt që përmes kësaj stërvitje do të tregojmë që jemi të gatshëm të mbrojmë vlerat e demokracisë në Evropë dhe në të gjithë hapësirën Euroatlantike.”
Këtë stërvitje, Kryeministri Edi Rama e cilësoi unikale në historinë e marrëdhënieve SHBA-Shqipëri.
‘’I dashur dhe shumë i nderuar gjeneral Walters, është një lumtur ie veçantë që të kemi këtu. Për vlerësimin për përpjekjen e veçantë kundër pandemisë.
Shumë i nderuar që të kemi kaq yje këtu. Kam bindjen se kjo stërvitje është shumë më tepër se sa një moment i rëndësishëm , i punës së përbashkët. Ësthë pikë e rëndësishme në ngjitjen e mëtejshme të marrëdhënieve tona në pikën më të lartë. I vlerësojmë marrëdhëniet e shkëlqyera, fakti është se mund të jenë edhe ëm të shkëlqyera falë një besimi të madh, ndërveprimi reciprok.
Gjenerata jonë u rrit në gjysmën e jetës deri këtu me idenë se ju nuk duheshit lënë të shkelnit në këtë vend. U brumosëm nga propaganda e regjimit të shkuar me bindjen se jeni e keqja më e madhe që mund t’i ndodhë Shqipërisë, por mbarë botës.
Për gjeneratën tonë, është vërtet një mrekulli e madhe që e ka ndarë jetën mes dy botëve, të asaj bote të vogël të errët dhe komplet të izoluar, dhe kësaj ku mund të mirëpresim me krenari e respekt, miqtë e partnerët tanë amerikanë.
Dua shumë të besoj që pas zbarkimit tuaj në Shqipëri edhe ju do ju ndodhë ajo që i ndodh të gjithëve, do doni të riktheheni përsëri. Shqipëria nuk është i këshilluar për të ardhur, për shkak të stereotipeve. Por kush vjen, dëshiron të rikthehet. Kam shumë besim që do të ndodhë edhe me ju. Jo vetëm në kapacitetin tuaj të lartë, por dhe miqve shumë të respektuar.
Besoj që ne të gjithë së bashku duhet të mbajmë parasysh, është t’i përcjellim gjeneratave të tjera këtë amanet për të ardhmen e vendit tonë, dhe botës së madhe që duan të jetojnë në liri e demokraci. Amanetin e kësaj marrëdhënie strategjike për lirinë e demokracinë, duke u investuar që të bëjmë më shumë për brezin e ri, ti japim brezit të ri, këtu, në rajon e kudo mundësinë që të mund të edukohet me vlerat, parimet e standardet e Forcave të Armatosura të NATO-s.
Shumë faleminderit, moment historik për ne, na mbush me krenari e përgjegjësi, do vazhdojmë të qëndrojmë besnikërisht krah jush, si një vend që nga pikëpamja numerike nuk ju ofrojmë shumë, por nga pikëpamja e vlerave që e bëjnë këtë aleancë unikale për botën tonë. Dëshirojmë të jemi gjithmonë e më të denjë, brenda kësaj aleance. Shumë faleminderit,” tha Edi Rama duke përfunduar:
“Suksese në këtë stërvitje unikale në historinë e marrëdhënieve tona, për t’i dhënë një mesazh shumë të qartë rajonit, dhe përtej saj kushdo që ka nevojë për përgjigje pë qëndrimin tonë në këta aleancë në krah të SHBA, dhe vendet e tjera që për lirinë e demokracinë paguajnë çdo çmim.’’
“Së pari, dua të falënderoj nga zemra të gjithë forcat pjesëmarrëse të NATO-s në veçanti forcat e Shteteve të Bashkuara të Amerikës dhe të gjithë vendeve pjesëmarrëse në një ushtrim historik “Defender Europe 21”. Kam krenarinë e veçantë dhe privilegji t’ju uroj mirë se ardhjen këtij ushtrimi të paprecedentë të NATO-s që nga përfundimi i Luftës së Dytë Botërore në bregun lindor të Adriatikut dhe të shpreh krenarinë legjitime që Partia Demokratike, qeverisja jonë dhe unë në rolin tim si Ministër i jashtëm mundësuam atë që dikur dukej si një ëndërr e pamundur anëtarësimin e Shqipërisë në Aleancën më të fuqishme politike, ushtarakë të botës.
Ju uroj mirë se ardhjen të gjithë forcave aleate të kryesuara nga partneri ynë strategjik dhe ju uroj Forcave të Armatosura të Republikës së Shqipërisë ndonëse në kushte shumë të vështira prej neglizhencës 8-vjeçare që ta mbajnë lart standardin, flamurin dhe krenarinë e kombit tonë me pjesëmarrjen në këtë ushtrim të një rëndësie të veçantë strategjike që do t’i tregojë të gjithë rivalëve potencialë të Aleancës së Atlantikut të Veriut se aleanca është e gatshme të përballet me çdo agresion dhe ta zmbraps atë nëse vlerat rreth të cilave në bashkohemi janë të pacenueshme duke filluar me vlerat e lirisë, e demokracisë e duke vazhduar me stabilitetin rajonal ballkanik që fillon me respektimin e kufijve e integritetin territorial të të gjitha shteteve duke përfshirë Republikën e Kosovës,” tha Kryetari i Partisë Demokratike nga selia e PD ndërsa përfundon:
“Le të jetë ky një mesazh i qartë për këdo që ëndërron kthimin e Ballkanit në një fuçi baruti apo në një teatër lojërash territoriale dhe një paralajmërim i qartë për despotët e Ballkanit se kjo aleancë nuk është një aleancë ushtarako-politike , por një aleancë politiko-ushtarake në bazë të së cilës qëndron demokracia,, pra zgjedhjet e lira dhe të ndershme dhe sundimi i ligjit.”
