Nis me përplasje mbledhja te Ligjet/ Paloka: Arta Marku s’ka marrë as votat e mazhorancës, nuk përfaqëson…

Ka nisur me përplasje seanca në Komisionin parlamentar të Ligjeve ku është thirrur për të raportuar Kryeprokurorja e përkohshme, Arta Marku.

Raporti i markut konsiston në gjendjen e kriminalitetit në vend.

Opozita kërkoi në orët e paradites anullimin e mbledhjes së sotme me pretendimin se është në shkelje të rregullores së Kuvendit.

Por me nisjen e mbledhjes deputeti demokrat Edi Paloka tha “Arta Marku nuk përfaqëson një institucion kushtetues, pasi është zgjedhur me 69 vota. As gjithë votat e mazhorances nuk ka marrë”, u shpreh Paloka, duke kërkuar sqarime se “me çfarë tagri e keni thirrur Markun?”.

“Prokuroria e Përgjithshme është organ Kushtetues dhe si i tillë ka një arsye që zgjidhet me 84 vota dhe zonja ka vetëm 69 vota, as votat e maxhorancës nuk i ka në parlament. Megjithatë ajo e ka marrë përsipër këtë detyrë që I ka caktuar partia juaj, do ta çojë deri në fund.

Ne jemi këtu për interesin e Parlamentit edhe të publikut. Kemi ardhur të dëgjojmë edhe raportimin, por sigurisht që jemi më të interesuar t’i bëjmë të qarta si për deputetët edhe për opinion publik, që kur ka ardhur zonja në krye të Prokurorisë nuk kanë marrë as përgjigje as sqarime. Prandaj pas raportimit të zonjës ne do të bëjmë pyetjet, pikërisht për të sqaruar gjithë çeshtjet që deri më sot janë lënë në errësirë dhe që janë të gjitha të lidhura me shkelje kushtetuese, me shkelje të ligjit dhe me akte që në fakt këtë zonjën duhet ta kishin çuar jo këtu ku është sot, por përballë vetvetes”, tha Paloka.

Por Vasilika Hysi, deputete e PS-së, është shprehur se Marku është thirrur për të raportuar, ndërsa kreu i Ligjeve, Ulsi Manja, shtoi se raportimet vjetore futen automatikisht në rend dite