Nis punën SPAK, ja kush janë 8 anëtarët që u betuan para Presidentit. …
Anëtarët e Prokurorisë së Posaçme kundër Korrupsionit dhe Krimit të Organizuar, SPAK, u betuan sot para Presidentit të Republikës.
Ceremonia solemne e betimit u zhvillua në Presidencë ku para Presidentit të Republikës, Ilir Meta, u betuan tetë anëtarët e Prokurorisë së Posaçme kundër Korrupsionit dhe Krimit të Organizuar, SPAK.
Pas leximit të vendimeve të Këshillit të Lartë të Prokurorisë, znj. Elida Kaçkini, znj. Enkeleda Millonaj, z. Edvin Kondili, z. Behar Dibra, z. Arben Kraja, z. Klodian Braho, z. Ened Nakuçi dhe z. Altin Dumani u betuar me dorën mbi Kushtetutën e Shqipërisë:
“Betohem solemnisht se gjatë kryerjes së detyrës do t’i qëndroj kurdoherë besnik Kushtetutës së Republikës të Shqipërisë, ligjeve në fuqi dhe do të respektoj rregullat e etikës profesionale!”
Pas betimit, Presidenti i Republikës, Ilir Meta, u uroi suksese dhe punë të mbarë prokurorëve të Prokurorisë së Posaçme kundër Korrupsionit dhe Krimit të Organizuar, SPAK.
