Nis viti i ri shkollor, Basha: Suksese në këtë realitet të ri dhe sfidues!
Duke uruar nxënësit dhe mësuesit që sot nisën vitin e ri shkollor, Kryetari i Partisë Demokratike, Lulzim Basha, një urim të veçantë nga zemra kishte për vogëlushët që sot ulen për herë të parë në bankat e shkollës.
“Askush nuk do donte që dita juaj e parë e rrugëtimit drejt dijes të ishte si kjo e sotmja në mes të pandemisë, shoqëruar me masa të veçanta që e bëjnë të vështirë këtë fillim shkolle,” tha Lulzim Basha në urimin e tij pa harruar dhe gjimnazistët në këtë vit sfidues!
“E di se do ta keni të vështirë të ruani distancën, pasi e tillë është edhe energjia e moshës, por ju lus të silleni me vetëdije, se nga sjellja juaj varen jetë njerëzish.”
I sigurt se normaliteti do rikthehet sërish, dhe nxënësit mund të kapin kohën e humbur me njëri-tjetrin, Kryetari i Partisë Demokratike, Lulzim Basha shprehet se e vetmja gjë që nuk kthehet është jeta ndërsa përfundon:
“Prandaj lutja ime për të gjithë ju është: respektoni masat, ruani veten dhe njëri-tjetrin. Ditë më të mira na presin!”
Urimi:
Të dashur nxënës dhe mësues që sot nisni vitin e ri shkollor, ju uroj nga zemra suksese!
Urime më të mira për mësuesit tanë që këtë vit do të përballen me orare të zgjatura dhe vështirësi më të mëdha se vitet e tjera.
Jam i bindur se me përkushtimin për profesionin dhe kujdesin për nxënësit, do t’ia dilni me sukses për të përballuar këtë realitet të ri dhe sfidues.
Një urim i veçantë nga zemra për vogëlushët që sot ulen për herë të parë në bankat e shkollës.
Askush nuk do donte që dita juaj e parë e rrugëtimit drejt dijes të ishte si kjo e sotmja në mes të pandemisë, shoqëruar me masa të veçanta që e bëjnë të vështirë këtë fillim shkolle.Urime të gjithë gjimnazistëve në këtë vit sfidues!
E di se do ta keni të vështirë të ruani distancën, pasi e tillë është edhe energjia e moshës, por ju lus të silleni me vetëdije, se nga sjellja juaj varen jetë njerëzish.
Normaliteti do rikthehet sërish, e ju mund të kapni kohën e humbur me njëri-tjetrin.
E vetmja gjë që nuk kthehet është jeta. Prandaj lutja ime për të gjithë ju është: respektoni masat, ruani veten dhe njëri-tjetrin.
Ditë më të mira na presin!
