Nis viti i ri shkollor, Presidentja e Kosovës: Qoftë ky një udhëtim me suksese dhe mësime të vlefshme!

Sot në Kosovë nis viti i ri shkollor 2024-2025, ku shumë nxënës do të ulen nëpër banka për herë të parë.

Presidentja Vjosa Osmani duke nxënësit që ky vit i ri shkollor të jetë një udhëtim me suksese dhe mësime të vlefshme, nga mësimdhënësit kërkon që të vazhdojnë të frymëzojnë mendjet e reja me pasion dhe përkushtim.

“Të dashur nxënës, sot nisë një kapitull i ri plot me mundësi për ju. Të nderuar mësimdhënës, vazhdoni t’i frymëzoni mendjet e reja me pasion dhe përkushtim,” shpehjet Presidentja e Kosovës në urimin e saj duke përfunduar:

“Qoftë ky vit një udhëtim me suksese të panumërta dhe mësime të vlefshme që do t’ju udhëheqin gjatë gjithë jetës!”

Në prag të këtij fillimi të mbarë, Ministrja e Arsimit, Shkencës dhe Teknologjisë, Arbërie Nagavci ka bërë të ditur se janë bërë të gjitha përgatitjet e nevojshme për fillimin e vitit të ri shkollor 2024/2025 ndërsa publikoi kalendarin shkollor, përmes të cilit përcaktohet pushimi vjeshtor, dimëror, pranveror e festat.

Por ky vit i ri shkollor do të jetë më ndryshe në pesë shkolla në kryeqytet. Pas shumë premtimeve më në fund do të nisë mësimi tërëditor në pesë shkolla: “Faik Konica”, “Xhemail Mustafa”, “Shkolla e Gjelbër”, “Nazim Gafurri” dhe “Qamil Batalli.

Mësimi nuk do të kufizohet vetëm në libra dhe në teori, por do të ketë aktivitete praktike, lojëra edukative, rekreacion e kulturë e më shumë edukaët fizike.