Nisin punimet në revitalizmin e Urës së Tabakëve dhe Urës së Terzive

Komuna e Gjakovës, Zyra e Bashkimit Evropian dhe Programi i Kombeve të Bashkuara për Zhvillim, UNDP, sot filluan punimet në revitalizimin e Urës së Tabakëve dhe Urës së Terzive.

Punimet në këtë projekt që do të zgjasin tre muaj përfshijnë zbukurimin e vendeve përreth urave, krijimin e shtigjeve të reja, vendosjen e ulëseve, elektrifikimin dhe shënimet historike dhe interpretimin e vendndodhjes.

Ky aktivitet bëhet në bashkëfinancim me Komunën e Gjakovës dhe është pjesë e projektit Dialogu Ndërkomunitar Gjithëpërfshirës për Ruajtjen e Trashëgimisë Kulturore të financuar nga Instrumenti i BE-së për Paqe dhe Stabilitet (IcSP / BE) dhe implementuar nga UNDP.