Nisma e PD në Parlament, Tabaku: Të ulet TVSH për produktet e shportës!

Partia Demokratike ka dorëzuar sot në Parlament nismës për uljen e TVSH-së për produktet e shportës. Pas depozitimit Nënkryetarja e PD-së, Jorida Tabaku, ka sqaruar se nisma parashikon uljen e TVSH-së nga 20% në 6%, ulje e cilas sipas Partisë Demokratike do të ndihmojë shtresat në nevojë.

“Shumë vende të BE kanë ulur TVSH. Propozimi ynë është i thjeshtë. Qeveria thotë se është nismë populiste. Po çfarë do bëjë kjo ulje të TVSH?! Do të bëjë atë që s’ka bërë qeveria, të ndihmojë shtresat në nevojë që të rrisin prodhimet e tyre. Sot shumë vende kanë ulur TVSH për ushqimet, për energjinë. Propozimi ynë është i thjesht dhe shumë konkret,” sqaroi Nënkryetarja e PD, Jorida Tabaku .