Një biznesmen vjedhë 2 milionë maska dhe i shet në…

Në Spanjë raportohet për 135.032 të prekur dhe 13.169 të vdekur nga koronavirusi, por në këtë kohë krize gjithashtu raportohet se një biznesmen i ka vjedhur 2 milionë maska dhe i ka shitur në Portugali.

Policia spanjolle bënë të ditur se ka arrestuar nëj sipërmarrës në veri të Spanjës, në qytetin Santiago de Compostela, pasi dyshohet se ka vjedhur material mjekësor, ndër të cilës edhe 2 milionë maska mbrojtëse.

Materiali është vjedhur  nga depoja në një poligon industrial, e vlera e saj është 5 milionë euro.

“E gjitha është zhdukur,” tha Zv/Presidenti i qeverisë rajonale të Galicias, Alfonso Prensa, për televizionin spanjoll TVE.

Kompania, nga depoja e së cilës është vjedhur materiali, merret me shitjen e maskave, dorezave kirurgjike, rrobave mbrojtëse dhe lëngjeve alkoolike për dezinfektim.

Hetuesit po mundohen të përcaktojnë ecurinë e vjedhjes ndërsa kamerat e sigurisë  dhe deklaratat e disa dëshmitarëve i kanë çuar në përfundimin se materialin e ka vjedhur një sipërmarrës lokal. Emri i tij nuk është bërë publik. Hetuesit mendojnë se materialin ia ka shitur një kompanie në Portugali.