Një ditë më parë iu zbulua dënimi në Itali, nisin hetimet për Admir Thanzën

Prokuroria e Përgjithshme ka nisur sot hetimet për gjyqtari Admir Thanza, anëtar i Gjykatës së Lartë.
Thanza akuzohet për deklarim të rremë në formularin e vetëdeklarimit. Hetimi ka nisur nga Seksioni i Dekriminalizimit në organin e Akuzës.

Anëtari i Gjykatës së Lartë Admir Thanza u përball dje me një seancë të Vettigut ku u zbulua ndër të tjera edhe një dënim që kishte marrë nga drejtësia italiane për vjedhje. Thanza tha se kishte marrë përsipër vjedhjen, jo se e kishte kryer atë, për të shpëtuar nipin.

Trupa e KPK lexoi raportin e ILDKP ku thuhet se Thanza ka kryer deklarim të rremë të pasurisë dhe nuk ka burime financiare të mjaftueshme për të justifikuar pasurinë e tij.