Një grua e ka vënë re atentatorin, Trump: Gratë janë më të mençura se meshkujt!

Donald Trumo ka falënderuar reagimin e jashtëzakonshëm të një gruaje e cila, tha se e ka ndjekur sulmuesin derisa po largohej pas përpjekjes për atentat. Në daljen e tij të parë pas incidentit të rëndë, të dytin me radhë në këtë fushatë zgjedhore, kandidati republikan tha para të tubuarëve se një grua të cilës nuk ja tha emrin, tek sulmuesi pa diçka të keqe!

Duke ju drejtuar mbështetësve të tij në Flint të Michiganit, Trump tha se të jesh president është një punë e rrezikshme. “Mendoni se drejtimi i makinave në gara është i rrezikshëm? Mendoni se beteja me dema është e frikshme, apo jo? Jo, kjo është një punë e rrezikshme,” tha kandidati republikan për President të SHBA. 

Trump për fat nuk u lëndua ndërsa FBI konfirmoi se i dyshuari Ryan Routh, 58 vjeç, nuk ka gjuajt. “Më duhet të them se shërbimi sekret bëri një punë të madhe, vërtetë e bëri. Njëri prej agjentëve ka ecë disa metra para dhe e ka parë pushkën AK-47,” tha Donald Trump. 

Agjenti ka gjuajtur drejt sulmuesit

Një grua ka vënë re sulmuesin se si po vrapon drejt makinës së tij, që ishte diçka e dyshimtë, dhe e ka përcjellë me makinën e saj dhe ka fotografuar targat e makinës së sulmuesit. Sulmuesi u arrestua në Nissan SUV, pa kaluar as një orë nga momenti kur u largua nga Trump International Golf Club në West Palm Beach në Florida.

Kandidati republikan Donald Trump ishte larg disa qindra metra nga sulmuesi. Agjenti ka gjuajtur në drejtim të sulmuesit, ai gjuajti pushkën dhe iku në fuoristradën e zezë Nissan SUV, raporton BBC.

“A dëshironi të dëgjoni edhe një lloj çudie? Pra, tipi po ikën, dhe makinën e ka në një rrugë shumë larg. Dhe, gruaja, e cila po drejtonte makinën, e pa njeriun në rrugë, me trafik të konsiderueshëm, se si po vrapon. Dhe ajo e ndoqi. U fut në makinë. E vlerësoi se është problematik. Ishte ndryshe nga pamja. E parkoi pas makinës së tij dhe filloi ti fotografoi targat. Seriozisht, kush do ta bënte një gjë të tillë,” tha Trump. 

Në fund, kandidati republikan për President i SHBA, Donald Trump, tha para mbështetësve të tij në Flint, se ragimi i saj ishte vërtetë i jashtëzakonshëm dhe do të dëshironte ta takonte ndërsa konstatoi:

“Gratë janë më të mençura se meshkujt!”