Një i vdekur dhe disa të plagosur nga shpërthimi i një rafinerie nafte në Bosnje

Një shpërthim i fuqishëm i cili ka ndodhur në një rafineri të zotëruar nga rusët në veri të Bosnje Hercegovinës, ka lënë të vdekur një person dhe disa tjerë të plagosur. Në raportimet paraprake është raportuar se janë plagosur 8 persona gjatë një shpërthim në Bosanski Brod, afër kufirit me Kroacinë.

Shpërthimi ka ndodhur mbrëjen e së martës duke shkaktuar zjarr të madh, i cili më në fund arriti të shuhet sot nga zjarrfikësit. Autoritetet deklaraun se shkaku i shpërthimit është ende duke u hetuar.

Disa shtëpive afër rafinerisë u janë thyer xhamat si pasojë e shpërthimit, i cili është dëgjuar edhe në anën tjetër të kufirit, përtej Lumit Sava në Kroaci.

Rafineria Bord udhëhiqet nga një njësi e Zarubezhneft, kompani e naftës në pronësi të shtetit rus. Ajo mund të përpunojë 1.2 milionë ton naftë në vit.