Një Krishtlindje Ndryshe te Kalaja e Tiranës, Panair në mbështetje të njerëzve në nevojë!
Një Krishtlindje Ndryshe sot ofron Kalaja e Tiranës Familja Toptani! Kalaja e Tiranës së bashku me Klubin e prindërve të fëmijëve me sindromën e autizmit organizojnë Panair në mbështetje të njerëzve në nevojë.
Sot në Kalanë e Tiranës, Klubi i Nënave të fëmijëve të spektrit të autizmit MOPS, me punime dore të realizuara prej tyre dhe nga fëmijët e spektrit autik, zhvillon këtë aktivitet me moton “ Punojmë për të frymëzuar”!
Nënat që kanë fëmijë të spektrit autik nuk kanë mundësi të shkojnë të punojnë sepse duhet të kujdesen për ta, por këtë kohë që kalojnë me fëmijët e shfrytëzojnë të bëjnë punime dore së bashku me ta, në funksion edhe të terapisë për këta fëmijë.
Të gjitha punimet e tyre, Klubi i Nënave të fëmijëve të spektrit të autizmit MOPS, sot i ofron për vizitorët e Panairit në mbështetje të njerëzve në nevojë.
