Një spiune e UDB-së, me tre mesazhe në Tiranë!
Nga Agim Popoci
Kot u krekos Edi Rama me spilën që kishte në xhaketën e tij, yllin të cilin, siç duket, e mbanë edhe në pizhama pas Samitit të Komunitetit Politik Evropian dhe zgjedhjeve të vjedhura të 11 Majit, sepse ish-oficerja e UDB-së dhe Komisionerja aktuale për Zgjerimin e BE, Marta Kos, me spilën në xhaketën e saj në Samitin e liderëve të Ballkani Perëndimor në fundjavën që lamë pas, mbarte me vete mesazhe të qarta për kreun e qeverisë shqiptare që garanton kot anëtarësimin e Shqipërisë në BE, Serbisë dhe Presidentit të saj Aleksandar Vuçiç, dhe, shqiptarëve kudo që janë!
Shqiptarët nuk e kishin mendjen te xhaketa e Marta Kosit e lëre më te një spilë sepse u lemerisën kur nga goja e Komisioneres së BE u tha se zgjedhjet e 11 Majit ishin “të lira dhe të ndershme” pasi, përveç syve të tyre nuk e tha as OSBE-ODIHR në Raportin përfundimtar!
Por, serbët, duke pasur parasysh se po dëgjonin një oficere të UDB-së ishin shumë më të vëmendshëm dhe u lemerisën kur panë spilën në xhaketën e udbashes së tyre me flamur të Malit të Zi dhe Bashkimit Evropian në mes të Tiranës, sepse mesazhi ishte i qartë, as Serbia dhe as Aleksandar Vuçiç nuk e kanë të hapur portën e BE-së!
Për Edi Ramën, natyrisht prezenca e një oficereje të UDB-së nën petkun e një Komisionere të BE në Tiranë që flet për Planin e Rritjes së BE për Ballkanin Perëndimor, jep vetëm siguri se UDB nuk e ka harruar Partinë Socialiste të Shqipërisë që krijoi vetë dhe do të jetë krah saj deri në aktin final në Bruksel, e për lemeri as që bëhet fjalë; Për Aleksandar Vuçiçin mesazhi ishte i qartë, që përveç njerëzve që e kundërshtojnë në rrugë nuk e ka mbështetjen as nga krijuesi, UDB, dhe, mesazhi i tretë dhe më tragjik, ishte për shqiptarët!
Natyrisht, shqiptarët nuk janë të shqetësuar se sa nga 6 miliardë eurot nga Plani i Rritjes së BE-së për Ballkanin Perëndimor do t’ju takojnë, sepse çdo vit Qeveria Rama ju vjedh miliarda euro nga xhepat e tyre dhe nuk çajnë kokën, por, konfirmimi se UDB vazhdon të sundoj në Tiranë u bë shqetësim serioz si për komunistët shqiptarët ashtu dhe shqiptarët normal, duke pasur parasysh dhe rrethanat e krijuara me mbesën e Beqir Ballukut, Belindën, në kohën kur po zhvillohej Samiti në Tiranë!
Kur krimineli Enver Hoxha vizitoi Beogradin në vitin 1946 për takim zyrtar me Titon, besim të pakontestueshëm kishte tek Ambasadori i UDB-së në Tiranë, Safet Filipoviç, besim i cili i mundësoi të zgjidhë të gjitha shqetësimet dhe sugjerimet që i dha Marshalli!
Shqetësimet e Titos për Mehmet Shehun si kriminel që nuk i duhet dhënë post të rëndësishëm, sugjerimin për të zgjedhur Beqir Ballukun si Kryeministër meqë është lehtësisht i manipulueshëm, si dhe pëlqimin që kishte për Koçi Xoxen, diktatori Enver Hoxha nuk i zgjidhi me aq lehtësi siç rrëfehet, me fishekë, por me prezencën e artë dhe këshillat e Ambasadorit të UDB-së në Tiranë duke mos përfillë ato që i tha Tito si për Shehun ashtu dhe Ballukun!
Dhuntinë prej krimineli, diktatori Enver Hoxha ia përdori Mehmet Shehut, ashtu si dhe mendjelehtësinë e Beqir Ballukut, por vështirësitë që u shfaqën me Koçi Xoxen, nuk dëshmuan aftësitë që kishte një teneqexhi por miqësia e shtrenjtë që kishte me shefin e UDB-së, kriminelin Aleksandar Rankoviç!
Kjo miqësi bëri që Ministri i Brendshëm, Koçi Xoxe, të ishte shumë më i dobishëm për Rankoviçin edhe se Ambasadori i Jugosllavisë, Josip Gjergji, por, ishte Ambasador i UDB-së në Tiranë, Safet Filipoviç, si mik i pakontestueshëm i diktatori Enver Hoxha që i hapi dhe siguroi rrugë që të sundoj në Shqipëri, bashkërenduar me veprimtarinë e sigurt kriminale kundër popullit shqiptar!
Sot, kjo strategji e diktatorit Enver Hoxha që po kopjohet me shumë devotshmëri nga Edi Rama duke pas në krah Marta Kos, është rrezik kombëtar që vë në pikëpyetje edhe qenien shqiptare, jo vetëm pse në krye të shtetit shqiptar mund të jetë një shërbëtor serb, por, sepse armikut shekullor i jepet mesazh i qartë nga Tirana, për pasojat që mund të ketë çdo lider serb nëse del nga linja e UDB-së, siç po ndodhë me Aleksandar Vuçiçin!
Por, sot, Marta Kos është rrezik potencial edhe për gjithë Ballkanin Perëndimor! Kjo nuk u zbulua vetëm pasi u shfaq me spilë BE-Mali i Zi në xhaketën e saj në Samitin e Tiranës në krah të Edi Ramës, por, që në ditën kur u emërua Komisionere për Zgjerimin e BE, ditë kur u shqetësua e gjithë Slovenia; Paralajmërimi u dha nga shefja e delegacionit slloven në PPE, Romana Tomc, kur foli për lidhjet e saj me UDB-në!
