Një vit nga sulmi terrorist në Banjskë, Hovenier: Autorët të mbahen përgjegjës!
Ambasadori i Shteteve të Bashkuara në Prishtnë, Jeff Hovenier, duke përkujtuar sot një vjetorin e vrasjes së rreshterit të Policisë së Kosovës, Afrim Bunjaku, gjatë sulmit terrorist në Banjskë, tha se SHBA pret që autorët dhe të gjithë ata që u përfshinë në atë krim të tmerrshëm të mbahen përgjegjës.
Pas homazheve, Ambasadori amerikan Hovenier përmes rrjetit social X bëri të ditur se i është bashkuar Qeverisë së Kosovës dhe homologëve të tij në Prishtinë për të nderuar e kujtuar rënien e policit Afrim Bunjaku, në krye të detyrës, në Banjskë të Zveçanit ndërsa përfundon duke përsëritë thirrjen:
“Shtetet e Bashkuara përsërisin thirrjen e tyre, dhe është pritshmëria jonë, që autorët dhe të gjithë ata që u përfshinë në atë krim të tmerrshëm të mbahen plotësisht përgjegjës!”
Ndryshe, një 24 shtatorin e vitit 2023 në Banjskë të Zveçanit, një grup i armatosur terrorist i kryesuar nga krimineli Milan Radoiçiç, sulmoi Policinë e Kosovës ku mbeti i vrarë, rreshteri i Policisë së Kosovës, Afrim Bunjaku.
Milan Radoiçiç pranoi organizimin dhe pjesëmarrjen në këtë sulm terrorist, ai u hetua në Prishtinë ku ndaj tij dhe 44 personave tjerë u ngrit aktakuzë për veprimtari terroriste. Beogradi, aty ku vazhdon strehohet, refuzon t’a dorëzoj ndërkohë shtetit serb e trajton si hero!
