Njeriu i vitit, Donald Trump!
Natyrisht, sot, shumë prej lexuesëve tanë e kanë pritur që njeriu i vitit të shpallet Kryetari i Partisë Demokratike, Sali Berisha, i cili pas betejës 11 mujore juridike me Kryeministrin Edi Rama dhe asqerët e tij në SPAK, më në fund është i lirë dhe po vazhdon betejën e tij politike për shporrjen e komunistëve nga pushteti. Sidoqoftë, Kryetari i Partisë Demokratike ka zgjuar dhe zgjon interes të madh ndër lexuesit tanë, ky ishte dhe qëllimi i misionit tonë pavarësisht se kush është Kryetar i PD! Sa i përket Sali Berishës, ai ka dhe një fron historik që nuk ka Sigurim Shteti që e rrënon pavarësisht përpjekjeve politiko-juridike, dhe pavarësisht ndryshimit në mediat tjera, tek Ne politika editoriale nuk është në shitje;
Sot, ishte shumë normale që lexues të shumtë kanë kërkuar të përsëritet shpallja e Kryeministrit të Kosovës, Albin Kurti, si njeriu i vitit, për shkak të ngadhnjimit të madh në betejën kundër Serbisë, Presidentit të saj Aleksandar Vuçiç, dhe Kryeministrit në detyrë, Edi Rama, vendosjes së sovranitetit në Veri dhe aromës së shtetit të Kosovës! Gjithsesi, askush nuk mund t’i mohoj Albin Kurtit rëndësinë e shtuar që i ka dhënë Kosovës me kujdesin për shqiptarët në Luginën e Preshevës, Maqedoninë e Veriut, Mal të Zi dhe Diasporën në tërësi;
Sot, mund të krenohemi pse ka shumë pak shqiptarë që e besojnë Kryeministrin Edi Rama edhe kur tund statusin e vendit kandidat që ka fituar Shqipëria për anëtarësim në BE, sepse e kanë kuptuar edhe nga raportimet tona se ai nuk i tjetërson dot zhvillimet gjeopolitike, dhe ndikimin që kishin zhvillimet në Ukrainë edhe në integrimin euro-atlantik të Ballkanit Perëndimor;
Sot, Ne jemi krenar që kemi raportuar dhe Ju keni lexuar Pa Frikë, duke kuptuar se rreziku më i madh i Shqipërisë ishte dhe ngelet edhe në këtë situatë të trazuar gjeostratetgjike, Serbia në Tiranë, ndonëse gjatë vitit 2024 u pengua me shumë sukses pazari i tokës shqiptare me Beogradin nga Kryeministri Edi Rama, si nga Kryeministri i Kosovës, Albin Kurti, ashtu dhe lideri i opozitës shqiptare, Sali Berisha!
Por, zhvillimet politiko-juridike në Amerikë që nga viti 2020 kundër Ish-Presidentit, të raportuara në medien tonë si e vetmja medie shqiptare që e ka mbështetur pa kompromis këtë betejë për drejtësinë e zgjedhjeve të vjedhura dhe sulmeve politike, që ka bërë të shndërrohemi në medien e vetme shqipfolëse që raportoi ndryshe nga Revolucioni deri te Prostitucioni i sajuar në gjykata nga Perandoria Soros, sa që të tre atentatet kundër tij u quajtën atentate ndër shqiptarë, vetëm atëherë kur u konfirmuan nga Ne, dhe, pa dyshim, fitorja e tij në zgjedhjet presidenciale, ndikuan dukshëm që Presidenti i zgjedhur i Shteteve të Bashkuara, Donald Trump, të shpallet nga lexuesit e Pa Frikë, njeriu i vitit 2024!
Jemi kritikuar kur kemi mbështetur Kryeministrin e Kosovës, Albin Kurti ndërsa akuzohej nga Kryeministri Edi Rama dhe Bashkimi Evropian se është kundër paqes dhe nuk kishte shenja se do ti hiqen masat e vendosura nga Tirana dhe Brukseli, por detyra jonë ishte të raportonim realitetin dhe jo ato që kishte në mendje Rama dhe Borrell. Për fat, këtë e konfirmuan edhe lexuesit kur e panë se si BE dhe Tirana u kthyen nga Prishtina, dhe Kurti nuk kishte nevojë ti përkulet Ramës dhe Ursula Van der Leyen!
Nuk na erdhi mirë që Kosova nuk u anëtarësua në Këshillin e Evropës dhe Ne e kishim paralajmëruar duke dalë kundër rrymës, por, burime tona të sigurta ishin edhe të qarta se kjo do të pamundësohet përkundër situatës gjeostrategjike dhe kërdinë që po bënë Gjykata Speciale me krerët e UÇK-së!
E natyrshme është që lexuesit tanë në Luginën e Preshevës e mbështesin pa rezervë Albin Kurtin i cili përveç angazhimit politik shtoi dhe buxhetin e ndihmës aq shumë domosdoshme të këtyre shqiptarëve që po zhduken nga faqja e dheut me një asimilim të paparë nga shteti serb, çdo ditë e më shumë, dhe ndërkombëtarët po heshtin!
Nuk na erdhi mirë që Albin Kurti u implikua në fushatën zgjedhore në Maqedoni të Veriut ashtu si dhe Edi Rama dhe i dolëm të dy këtyre shtetarëve shqiptarë kundër që mbanin dhe mbajnë mbi shpatulla shumë përgjegjësi, si dhe u jetësua paralajmërimi jonë për hatanë që mund të shkaktonte gjallesa Artan Grubi në partinë e Ali Ahmetit, Bashkimi Demokratike për Integrim. Prezenca e batonëve, buzhalëve dhe fevzove në BDI paralajmëronte një ogur të zi, që për fat të keq u nxi aq shumë sa e tronditi jo vetëm partinë e çlirimtarëve por dhe skenën politike të shqiptarëve në Maqedoninë e Veriut që vazhdon të mos e merr veten edhe pas kaq muajve që përfunduan zgjedhjet. Dhe, për fat të keq, gjuha shqipe, për të cilën aq shumë po debatohet dhe përdorimi i saj mund të pësoj regres, në këtë klimë politike do jetë gjëja më e vogël që mund ti ndodhë shqiptarëve!
T’a përdhosesh pa arsye për 11 muaj dhe t’a mbyllësh Kryetarin e Partisë Demokratike, Sali Berisha, nga SPAK vetëm pse kështu e dëshiron Edi Rama, nuk është pak! U ballafaquam me shumë lexues pse e mbështesim njeriun të cilin mediat kombëtare nuk e quanin as Kryetar të PD, që duhet pranuar se e dominojnë kontrollin e opinionit publik, e quanin “ai nga dritarja”, por, në çdo rast, edhe në të ardhmen kur Sali Berisha do të jetë i lirë dhe do të gëzoj shëndet dhe pse jo edhe pushtet, Ne do të jemi luftëtarë të lirisë dhe jo terrorit shtetëror!
Për ata që harruan qëndrimin tonë ndaj Ilir Metës edhe kur ishte President i Republikës, dhe na bëjnë moral, e kemi thënë dhe po e përsërisim se ai është e keqja e këtij vendit. Pse nuk mbrojtëm arrestimin jodinjitoz edhe kur ishte rasti me Ilir Metën, mos harroni se ai ishte President i Republikës, dhe, nuk kishte arsye të tërhiqet zvarrë!
E njejta gjë vlenë edhe për Ervin Salianjin! Qëndrimi i tij në burg, edhe sot jemi të bindur se është i paarsyeshëm ndonëse nuk ia harrojmë kurrë dajakun që i dha demokratëve me shkop bejsbolli në selinë e PD më 8 Janar, pavarësisht se çfarë mendon Sali Berisha!
Dhe, ju të tjerët, mund të na kritikoni, por, mos kërkoni nga Ne që të raportojmë mbi dëshmitë e truprojave për zhvillimet politike gjatë diktaturës dhe revolucionit komunist të ’97-së! Po, Ne i konsiderojmë pjesë të errëta të historisë sonë këto dy periudha, por krimet duhet të raportohen me dokumente dhe jo përralla të Sigurimit të Shtetit që na degdisën në këtë gjendje, ndërsa media jonë pa hamendësim nuk harron zotimin e dhënë para Juve: Ne raportojmë, Ju lexoni Pa Frikë!
Kështu, drejt një të nesërme më të mirë, që të jemi të qartë, jo vetëm pse nuk e bëjmë dot pa Amerikën, sot, në ditën e fundit të këtij viti, Ne po shpallim Njeriun e Vitit 2024:
Presidentin e zgjedhur të SHBA, Donald Trump!
