Njeriu që shkel Kushtetutën dhe Kombin citon Kanunin, Rama: As hasmit s’i mbyllet dera!

Njeriu që shkel Kushtetutën dhe Kombin Shqiptar në çdo sekondë, pasi poshtëroi Kosovën dhe Qeverinë e saj dhe mori përgjigjen e merituar nga Kryeministri Albin Kurti, për realizimin e takimit me homologun kosovar, sot Edi Rama nga Shkupi thotë se ende nuk i ka humbur shpresat për takimin dhe citon Kanunin:

“Na lini ta trajtojmë mes shqiptarësh në Kosovës kur të shkoj, kam akoma shpresë që Albini nuk e ka harruar Kanunin që dhe hasmit i hapet dera kur të vjen në shtëpi dhe është e ndaluar ta nxjerrësh deri sa ai të barojë fjalën,” tha ky përbuzës i Kombit Shqiptar duke e konfirmuar këtë edhe me përgjigjene pyetjes nëse ishte refuzuar për takim edhe nga kryetari i Komunës së Tetovës.

“Unë nuk i kam kërkuar takim! Ka refuzuar paraprakisht, një refuzim preventiv quhet ky. Kryetarit të Komunës së Tetovës, djalë i mirë, nuk e do e hiqja nga puna e Komunës sot për çështje të NATO-s,” tha Kryeministri Edi Rama që as me këtë rast nuk gjeti përgjigje ndryshe për një kundërshtim të supozuar mediatik.

Ndryshe, pas takimit me Kryeministrinë e Maqedonisë së Veriut në Shkup, Dimitar Kovaçevski, Kryeministri Edi Rama do vazhdoj turin ballkanik drejt Kosovës.