Noka: Aq shumë ju ka hyrë frika nga shqiptarët, sa do shtyni vetëm dokumentet biometrike të emigrantëve

Sekretari i Përgjithshëm i PD, Flamur Noka, u shprehur në seancën e sotme plenare se kësaj qeverie i ka hyrë frika dhe prandaj kanë zgjedhur sot të sjellin një Akt normativ ku i lejohet shtyrja e afatit të skadimit të pasaportës vetëm diasporës, duke mos i dhënë të drejtën e votës shqiptarëve në vend.

“Akti normativ që keni sjellë është një gjest i deklaruar urrejtje për çdo shqiptarë që jeton në Shqipëri. Po si mund të sjellë që një qeveri të sjellë një akt normativ për shtesa në ligjin që ka të bëjë me pajisjen e shtetasve me pasaportë për jashtë shtetit dhe të thotë që afati do të shtyhet për ata që jetojnë jashtë, po për ata që jetojnë brenda jo thotë akti juaj normativ i juaj.

Një pyetje kam, se nuk besoj që ta bëni nga injoranca, jam i bindur që e bëni nga ligësia. Kur them ju them për këta mbrapa, se të njëjtën gjë e bëtë dhe në Himarë me një të rënë lapsit. 6000 shtetas shqiptarë i përjashtuat nga e drejta e votës, e drejta e votës është e drejtë kushtetuese.

Kush jeni ju, kush janë këta plaçkitësit, banda e plaçkitësve, ku është mister EncroChat. Si mundesh ti thuash që ju, po këta që dua unë do të votojnë dhe këta që nuk dua nuk do të votojnë,” tha Flamur Noka duke i rikujtuar mazhorancës socialiste se shtyrja e afatit për pasaportat ka qenë një udhëtim që çdo qeveri e ka bërë gjithmonë, për ti krijuar shtetasve të votojnë të gjithë sepse është e drejtë kushtetuese, ndërsa përfundoi:

“Unë e kuptoj se çfarë ndodh me ju. Ju ka zënë paniku, të diskriminojmë të drejtat e shqiptarëve sepse kemi marrë rrokopujën. Edhe kjo që po shohim këtu, te ju, janë çoroditje. 50 spitale tha të mrekullueshme ndërkohë sa të dalësh nga kjo sallë shqiptarin e parë që do të takosh do të thotë shëndetësia është kasaphanë. Rrofshin mjekët që punojnë me sakrificë në ato kushte që ju ka lënë kjo qeveri pa pajisje, pa medikamente.”