“Non Grata në Fier”/ Nën terrorin e FNSH dhe RENEA, Rama: Nuk i dorëzohemi “Petritave të Saliut”…
Nuk shkoi dot në Roskovec dhe Patos as me FNSH dhe RENEA, por nën kujdesin e tyre në Fier, trimi i madh me shokë shumë, Edi Rama, qytetarët që protestojnë për bukën e gojës i quan “100 Petritat e Saliut” te kthesa.
Duke i folur administratës në Fier për “Bashkinë që duam”, u mundua të sfumoj përgjimet e publikuara me votat e blera nga krimi, me Marrëveshjen e majit të vitit 2017 duke përsëritur se nuk kishte kontestime:
“100 Petritat e Saliut atje te kthesa që përfaqësojnë dëshpërimin e madh të Saliut dhe të çetës së tij plakë që tani ka mbetur aty ku i takon, rrugëve, rrugëve. Rrugët e lëna rrugëve ne i morëm trashëgim dhe pak nga pak po i sistemojmë. Siç i la rrugët rrugëve e nxori PD-në rrugëve. Ju them të gjithëve të mos shqetësohen më çojnë sms ‘mos u dorëzo’, kujt t’i dorëzohemi. Atyre atje tek kthesa? Që në kthesë janë e atje do jenë për sa kohë nuk ndahen nga ata që i kanë marrë peng. Peng i ka marrë koka që s’di ku i çon.”
Duke mos pasur ndonjë argument për këtë qytet që e la në terrin social dhe ekonomik, Edi Rama rikujtoi politikën rilindase, jo atë që e la Shqipërinë pa integrim për shkak të bllokimit të Këshillit Bashkiak të Fierit, por atë që i mundësoi të blejë votat me paratë e krimit për zgjedhjet e vitit 2017, ku siç tha ai, PD nuk pati asnjë ankesë për zgjedhjet parlamentare.
“Nëse ju kujtohet shumë mirë para 1 viti e gjysmë, thuajse 2 vjet i kishim në mes të bulevardit, nën dritaren e punës sime e fillonin mëngjesin me himnin kombëtar dhe e mbaronin ditën me birra dhe thoshin nuk dalim më nga çadra po nuk iku ky bashkë me qeverinë. Ne i morëm në qeveri, morën ça deshën por i thashë që kush fiton nuk kontestohet. I bënë zgjedhjet, i humbën në rregull. u lodh Luli nëpër Shqipëri dhe fjeti gjithë verën. Nuk pipëtiu asnjëri. Kolegji Zgjedhor pa punë, asnjë ankesë, nga askush. Zgjedhjet e para në historinë e Shqipërisë, asnjë nuk vuri firmë në ankesë. 7 me 0 të gjitha firmat deri në KQZ.”
Por kryministri i Shqipërisë, ndonëse nuk pushon së gënjyeri se si i dha PD gjithçka që kërkoi, dhe broçkullat me KQZ-në ideale, nuk sqaroi se pse sot kërkon shkarkimin e kryetarit, Klement Zguri kur gjithçka ka qenë 7:0. Apo do ta ndëshkojë për këtë zero.
Dhe tani çfarë ka ndodhur, vazhdon rrëfimin para sovranit komunist Edi Rama, duke u mburrur me krimin tek lumi Gjanica, dhe kanalet vaditëse që mendon se i ka zhbllokuar, kur ato nuk janë në punë fare sepse janë tharë plotësisht:
“Tani çfarë ka ndodhur, prapë nga e para. Tani jo në çadër por rrugëve, prapë nga e para. Kë duan të bëjnë për budallenj këta. Mirë kur duan të vijnë në Tiranë mbyllin bashkinë e Kamzës, Shkodrës, Lezhës, Kukësit, i hipin në autobusë, bashkë me ca të tjerë nga ata që i mbyllën lojërat e fatit dhe çfarë kërkojnë. Kërkojnë dy gjëra, i kërkojnë t’i shmangen qershorit që vjen, se do vijnë këtu në Fier, do kandidojnë këtë Luanin. Ça do thotë Luani, më jepni votën që të kthejmë Gjanicën si ishte. Më jepni votën që t’i bllokojmë prapë kanalet vaditëse. Ne i kemi zhbllokuar 500 km kanale vaditëse. Këta thonë na jepni votën ne, ti bllokojmë prapë. Më jepni votën që të hapim lojërat e fatit prapë, që atë binanë e madhe të Astrit Veliut ta bëjmë UFO, etj etj dhe na jepni votën që biznesi i vogël të paguajë 9%. Kush i tha këto?”, tha Edi Rama duke mos lënë asnjë emër qytetari pa përmendur, që nuk mendon si kryeministri dhe jeton në Fier.
