Norvegjia sot do të shpall njohjen e shtetit të Palestinës

Qeveria e Norvegjisë sot do të shpall njohjen e shtetit të pavarur të Palestinës, raportuan televizioni publik NRK dhe gazeta e përditshme Aftenposten, duke ju referuar burimeve qeveritare anonime. Ministria e Jashtme e Norvegjisë nuk e kanë komentuar këtë lajm deri në momentin kur ai u raportua në NRK dhe Aftenposten.

Gjithashtu, qeveria irlandeze sot do të shpall njohjen e shtetit Palestinës, tha një burim qeveritar.

Ndryshe, Irlanda, Spanja, Slovenia dhe Malta, shtete anëtare të Bashkimit Evropian, gjatë javëve të kaluara janë deklaruar se do ta pranojnë shtetin e Palestinës, duke theksuar se zgjidhja e dy shteteve është kyçe për paqen afatgjate në rajon.

Ndërkohë Kombet e Bashkuara pezulluan shpërndarjen e ushqimeve në qytetin jugor të Gazës, Rafah, për shkak të mungesës së furnizimeve dhe situatës së paqëndrueshme të sigurisë shkaktuar nga zgjerimi i operacionit ushtarak të Izraelit.