Nuk e duan Edi Ramën kryeministër, shoqërohen 18 persona në Elbasan

Në Shqipëri ka shumë qytetarë që janë të pakënaqur me qeverisjen e Edi Ramës, si për varfërinë që u shkaktoi edhe familjet që iu shpërbënë para syve. Por ata që e shprehin paknaqësi, sipas strategjisë së re të Qeverisjes me ministër të Brendshëm Ish-Gjeneral Sandër Lleshajn, “shpërblehen” me burg.

Kështu ndodhi dhe në Elbasan, dhe ndonëse bllokimi i rrugës aty ku do të kalonte Kryeministri u spastrua për pak minuta nga Forcat e Ndërhyrjes së Shpejtë, FNSH, ata që morën guximin të protestojnë kundër Edi Ramës u shoqëruan në polici.

Kryeministri Edi Rama kaloi rreth rrotullimin e Bradasheshit, aty ku po zhvillohej protesta dhe vazhdoi rrugën për në Elbasan për të shitur propagandë me atë që ai i thotë “Bashkia që duam” por la pas një urdhër për dhjetëra të arrestuar.

Kështu, 18 persona u shoqëruan nga policia pasditen e sotme, për siç thuhet nga policia e Ish-Gjeneral Sandër Lleshajt, prishje të rendit publik, mes të cilëve edhe Ish-Deputeti Luçiano Boçi dhe Kryetari i Partisë Demokratike Dega Elbasan, Eugen Isaj.

Dhe derisa Edi Rama vazhdon dhe “shpërblen” me burg ata që shprehin paknaqësinë, radhët e këtyre të fundit sa shkojnë e shtohen,  Kryeministri nuk e ka mendjen tek përmirqësimi i mirëqenies që qytetarëve në vendin që e qeveris por vazhdon dhe akuzon opozitën pse shqiptarët nuk e duan!