“Nuk e duan Edi Ramën”, procedohen penalisht protestuesit dhe kryetari i PD Librazhd
Aty ku është kryeministri Edi Rama, sundon dhuna dhe terrori policor. Kjo ndodhi sot edhe aty ku sundon krimi, nga Elbasani në Prrenjas, dhe aty ku qytetarët protestuan kundër Kryeministrit, ata u arrestuan.
Kjo i ndodhi edhe Kryetarit të Partisë Demokratike Dega Librazhd, Bujar Vreto i cili u procedua penalisht nga policia, pas ishte pjesë e një proteste e cila i bllokoi rrugën eskortës së Kryeministrit Edi Rama. Ata nuk u larguan nga rruga edhe pse nuk kishin ndërtuar në mes të asfaltit por u arrestuan. Ky është regjimi i Edi Ramës.
Dhe, përveç Kryetarit të Partisë Demokratike Dega Librazhd, janë proceduar penalisht edhe pesë persona të tjerë: Arben Kurti, Roland Abazi, Xhevdet Balliu, Florant Vreto, Arjanit Leka.
Ky mobilizim i policisë për ti garantuar Kryeministrit Edi Rama rrugëtimin drejtë Librazhdit, pas u tërheq zvarr edhe deputeti i Partisë Demokratike, Luçiano Boçi ngjalli interes tek qytetarët shqiptarë se çfarë do të thotë Edi Rama në spektaklin “Bashkia që Duam” por që rezultoi me përçeshje dhe sharje të Opozitës, spektakël që e kishin parë në çdo takim me veteranët e Pandeli Majkos dhe administratës së Erion Veliajt, meqë të tjerët nuk i shkojnë më.
E policia e Ish-Gjeneral Sandër Lleshajt e cila nuk ia thotë të shkruarit ashtu si dhunës dhe terrorit, ja çfarë thotë në Njoftimin e saj zyrtar:
Njoftimi i policisë:
Librazhd
Specialistët e Hetimit të Krimit në Komisariatin e Policisë Librazhd proceduan
penalisht në gjendje të lirë për veprat penale “Organizimit, pjesëmarrjes në
grumbullime, manifestime të paligjshme”, dhe ‘’Pengimi i qarkullimit të mjeteve
të transportit në bashkëpunim e mbetur në tentative” 6 shtetas.
Procedimi ndaj tyre filloi pasi sot rreth orës 10:30, këta shtetas janë grumbulluar dhe kanë tentuar që të bllokojnë rrugën nacionale Elbasan – Librazhd, në hyrje të qytetit të Elbasanit. Materialet hetimore i kaluan Prokurorisë pranë Gjykatës së Shkallës Parë Elbasan për veprimet e mëtejshme.
