Nuk e ndaluan te Ukraina, Vuçiç vazhdon nga Tirana: Taiwani është Kinë!
I kënaqur me zhvillimet në Samitin Ballkani Perëndimor-BE, Presidenti i Serbisë, Aleksandar Vuçiç, vazhdoi me fjalorin e djeshëm kur i tha botës nga Tirana se nuk i vendos sanksione Rusisë për Ukrainën, sot vazhdoi të jap përgjigje për ata që e kritikojnë se pse shprehet që Taiwani është Kinë.
Nuk e qanë kokën nëse do të pësoj Serbia për këtë qëndrim, por u mendua paksa kur u pyet nëse mund të arrihen investimet e huaja të parashikuara prej presë miliardë euro deri në fund të vitit.
“Unë kam thënë se do të përgjigjem në 10 sekonda, e juve do t’ju përgjigjem për dy sekonda, Taiwani është Kinë. Cili është problemi dhe çfarë është e pasaktë. A është kështu në Kombet e Bashkuara, a doni ta rrëzojmë sistemin e OKB. Dëshironi të më thoni nesër se nuk guxoi të flas as për Kosovën dhe rezolutat e OKB.
Kujt i kam bërë dëm? A ka ndonjë politikë tjetër, politika e kujt është ndryshe, ruse, amerikane, kush është ai që mendon se Taiwani nuk është Kinë. Budalliqe,” tha ky megalloman që fatkeqësisht për shqiptarët është në krye të shtetit serb, dhe Taiwanin e krahason me Kosovën, ndërsa nuk sheh pasoja për Serbinë për këtë deklaratë, nuk e quan pasojë mosarritjen e investimeve të huaja prej 5 miliardë euro që u parashikuan për këtë vit!
“Jam i shqetësuar për atë që po ndodhë në botë. Nga biseda që zhvillova me Zelenskyyn dhe të gjithë. Posti më mundëson që të jem në dijeni për shumë gjëra, por që puna dhe situata nuk mi lehtësojnë. Po shkojmë drejt kompleksitetit të situatës në botë.”
Por, ky njeri pavarësisht se nuk po ndalohet as nga SHBA dhe as BE, zyrtarët e të cilëve po qeshin si të babëzitur me marrëzitë e tij, duket se ky njeri që është sot President i Serbisë, situatën komplekse e ka edhe në kokën e tij. Refuzoi të komentoi fjalën e Vladimir Putin që sot iu drejtua kombit me arsyetimin se nuk e kishte dëgjuar, por, nuk ngurroi ta quaj hajdut të kalibrit botëror, shefin e misionit të Asamblesë Parlamentare të Këshillit të Evropës, Stefan Shenah, të cilin gjithashtu nuk e ishte dëgjuar, por një gazetar serb i tha se ka thënë që “është krijuar përshtypja se zgjedhjet në Serbi janë vjedhur.
“Nuk mund të flitet për vjedhje zgjedhore pa dëshmi. Kjo do të ishte ngjashëm sikur unë të thoja për këtë Shenahin, i cili është i njohur për shumë gjëra në Austri, se kam krijuar përshtypjen se fjala është për një hajdut dhe mashtrues të kalibrit botëror, shumë njerëz më kanë thënë, e tani është apo jo e vërtetë vetëm një Zot e di,” tha Aleksandar Vuçiç duke shkaktuar ilaritet ndër gazetarët që kishte në vathë edhe në Tiranë, ashtu siç i ka kudo Kryeministrin Edi Rama dhe Komisionerin për Zgjerim, Oliver Varhelyi.
