Nuk është çmend vetëm Putin, Basha: Nuk kam humbur asnjë garë në jetën time!

Derisa ekspertët të ndryshëm botëror përveç se me vendimet, po merren me pamjen, sjelljen dhe mimikën duke konstatuar se Presidenti i Rusisë, Vladimir Putin është çmend, gjithë kjo sipërmarrje nuk nevojitet për Lulzim Bashën. Njëherë në jetën e tij fitoi në garë për kreun e Bashkisë Tiranë, dhe këtë fitore ia mundësoi Sali Berisha, dhe sot pas dështimit të turpshëm të radhës si 9 vjet me radhë, në zgjedhjet e pjesshme vendore të 6 Marsit ku PD që ai drejton u rendit e treta, deklaron se nuk ka humbur asnjë garë në jetën tij!

Që nuk jep dorëheqje ky nuk është lajm ndonëse e tha, sepse dorëheqje japin njerëz me karakter të fortë ai vetëm sa përsëriti refrenin e tij komik, se “do të vijojë betejën”.

“30%-shi flet qartë, 70% i kanë braktisur. 30% mund të jenë administrata. Koha për konkluzione nuk është sot. Duhet bërë analiza në fillim. Faktet janë kokëforta. 30% është një pjesëmarrje që tregon djerrjen totale të besimit. Dy janë rrugët, reforma zgjedhore dhe vazhdimi i reformës në PD, pa e kthyer kokën pas, në luftën kundër korrupsionit, që është shkaktari kryesor edhe për këto rezultate të trishtueshme,” tha Lulzim Basha pa fije turpi dhe ndonëse nuk i ka dhënë asgjë në jetë si Partisë Demokratike ashtu dhe demokratëve, mendon se është i gatshëm të jap gjithçka për të vazhduar për të udhëhequr reformimin e PD dhe për të mos plotësuar asnjë skenar të regjimit, që PD të mbetet peng i dëshirave dhe interesave personale. Po, pas gjithë këtij zhgënjimi të elektoratit demokrat që denjon të shkoj as deri te kutia e votimit, kështu mendon njeriu që vetëm normal nuk mund të jetë! Pse?! Ja, dëgjoni se çfarë thotë:

“Propagandës dua t’i them se unë nuk kam humbur asnjë garë në jetën time, por jam përballur me masakra zgjedhore. Sot nuk po flasim për mua. Trekëndëshi i Bermudës e ka gjithçka për interesa personale, por lufta ime nuk është për interesa personale. Kushdo që më kërkon të braktis betejën time për reformën zgjedhore dhe reformimin e PD, do të zhgënjehet!”

Dhe jo vetëm kaq! Gazetarët patën guximin ta pyesin këtë njeri të papërgjegjshëm nëse po e mendon dorëheqjen pas rezultatit të turpshëm të zgjedhjeve, por përgjigja ishte si vetë Lulzim Basha, e pacipë:

“Gjithë konstatimet që mund të dëshironi të bëni sot janë e drejta juaj. Faktet janë këto, 30% e shqiptarëve kanë marrë pjesë në votime, administrata shtetërore është detyruar të marrë pjesë. Bandat janë përfshirë po ashtu. PD-së i janë mohuar komisionerët. Të gjitha këto zbehen para mesazhit që jep braktisja e procesit të 6 marsit,” gënjen Basha pa u skuqur edhe pse opinioni publik e ka kuptuar nga KQZ se cila ishte loja e tij me komisionerët dhe atë që dinë mrekullisht ta bëjë mirë prveç se të gënjejë, sot tha se nuk ka ardhur ta bëjë.

“Nuk kam ardhur t’ju flas për procedura. Nuk është koha as për t’i ikur përgjegjësive dhe as për të bërë sikur jetojmë në një planet tjetër. Me një krizë të brendshme, PD është vendosur në një sulm të shumëfishtë, për interesa personale. Kuvendi ka vendosur që edhe ata që nuk janë anëtarë të kenë mundësi të jenë vendimmarrës. Pra t’i ofrojmë njerëzve një vizion për të nxjerrë vendin nga kriza.

Garantoj që asgjë nuk na lëviz nga vendosmëria jonë që PD të jetë në shërbim të qytetarëve. Kemi 8 vite që ofrojmë opozitë ballore dhe pa kompromis. Por ditën e djeshme njerëzit folën me mospjesëmarrje dhe kjo kërkon një reflektim.”

Nuk ka as turp që në Vorë mori më pak vota se sa që kishte njerëz në mitingun që mbajti gjatë fushatës, ama për të akuzuar akuzoi madje tha se PD që ai drejton ka kallëzuar në SPAK tre bashki, Shkodrën, Dibrën dhe Rrogozhinën, si dhe një KZAZ në Vorë, për mospërmbushje të detyrave.

“Nuk ka shqiptar që nuk e kupton që 6 marsi nuk është normalitet, por është anormalitet i një anormaliteti. Asnjë nuk ka ndryshuar nga 25 prilli, madje problemet janë thelluar. Me mospjesëmarrje të madhe, me numër rekord të ulët votuesish, ky është fakt tashmë që qytetarët e braktisën procesin zgjedhor, pasi nuk kishte asnjë garanci shtesë. Madje ikën dhe garancitë formale, ku PD ju mohuan komisionerët.

Aleanca e ‘non gratave’ kërcënoi, bashkë me bandat në Vorë, komisionerët vendas. Ne kemi dërguar në SPAK tre denoncime, për Shkodrën, Dibrën e Rrogozhinën, si dhe kemi kallëzuar KZAZ e Vorës për mospërmbushje të detyrave. Një pjesë e mospjesëmarrjes i takon opozitës, PD, na takon neve. Një reflektim të thellë sa i takon analizës sonë të brendshme, që ka nisur, nevojës për t’u shkëputur totalisht nga e shkuara, nevojës për të dëgjuar njerëzit,” tha Lulzim Basha vetëm që nuk u kuptua pse vazhdon të ketë frikë kur akuzon, që të nxjerrë nga goja dhe fjalën Edi Rama!

Në fund, pasi harroi shumë gjëra, Lulzim Basha konfirmoi pse nuk duhet asnjë lloj eksperti të merret me shëndetin e tij, kur edhe pas një humbje të tillë si ajo e djeshmja, deklaron se PD e drejtuar nga ai mbetet shpresa e shqiptarëve.

“PD është dhe mbetet shpresa e shqiptarëve. Askush që me ndihmën e krimit të organizuar, parave të korrupsionit largon shqiptarët nga procesi i votimit, humb shpresën nuk mund të jetë e ardhmja. Ajo që kam për detyrë unë, PD të lexojmë mirë se çfarë do të thotë pjesëmarrja 30%. Gjithçka që është parafabrikat, paragjykim, nuk çon drejt përmirësimit. Shqiptarët e kanë humbur besimin tek vota, ka kohë që e shprehim këtë shqetësim,” tha Kryetari i shkarkuar i PD, Lulzim Basha, ndërsa mori guximin të deklaroi edhe si do ta mund Edi Ramën.

“Dy drejtime, drejtimi i parë reformë zgjedhorë. Reflektimi i dytë, është një reflektim i brendshëm që PD të jetë hapësira ku shqiptarët të shprehin problemet e tyre. Zgjidhjet t’i kthejë në realitet!”