Nuk i ndaloi policisë, humbet 30 mijë eurot që kishte me vete…

Nuk i ndaloi policisë, por ajo që i ndodhi më pas i kushtoi mbi 30 mijë euro. Ngjarja ka ndodhur në Fier ku një 37 vjeçar me inicialet K.B nuk i ka ndaluar policisë,  e cila më pas e ka ndjekur dhe i ka gjetur e sekuestruar në automjet 30450 euro.

“Nga Specialistët për Hetimin e Krimit Ekonomik e Financiar në Drejtorinë Vendore të Policisë Fier, u procedua penalisht shtetasi K.B, 37 vjeç, banues në Fier.

Në datën 21.07.2018, në lagjen “1 Maji” Fier, në vendin e quajtur “Rotondo e Kryqëzimit të Parkut”, duke drejtuar mjetin tip “Benz”, nuk i është bindur urdhërit të punonjësve të policisë në pikë kontrolli dhe mbasi është ndjekur e ndaluar nga shërbimet e policisë, iu gjetën e sekuestruan në cilësinë e provës materiale 30 450 euro, për të cilat nuk dha shpjegim për origjinën e tyre.

Materialet i kaluan Prokurorisë pranë Gjykatës së Shkallës së Parë Fier për veprat penale “Pastrimi i produkteve të veprës penale” dhe “Mosbindja ndaj urdhërit të punonjësit të policisë së rendit publik” parashikuar nga Nenet 287 e 242 të Kodit Penal”, thuhet në një njoftim të policisë.