Nuk i shkojnë as 31 demokratë, Lulzim Bash feston 31 vjetorin e themelimit të PD

Ftesës së Kryetarit aktual të PD, Lulzim Basha, për kremtimin e 31 vjetorit të themelimit të Partisë Demokratike nuk iu përgjigjën as 31 demokratë por nuk jo e pengoi atë që të mbajë një fjalë rasti ku iu drejtua të pranishmëve, të zhgënjeyrve që refuzuan ftesën dhe në fund u përurua dhe Memoriali me firmëtarët themelues të dhjetorit 1990.

“Zonja dhe zotërinj, kryetarë dhe kryetare të PD, të grup seksioneve, demokratë, të dashur miq dhe të ftuar, mblidhemi në një ditë kuptimplotë për demokratet. Në një ditë kuptimplotë për të gjithë shqiptarët që kanë në zemër vlerat e demokracisë që nisën 31 vite më parë në një rrugëtim plot me sprova të ushqyer nga ëndrrat më të bukura të studentëve të dhjetorit. Kryengritjen e të cilëve e kujtuam 3 ditë më parë. Nga aspirate që lindi në një hark kohor të pandashëm orësh, të pluralizmit politik të PD që fiton sot 31 vjetorin,” tha Lulzim Basha ndërsa kishte një mesazh për demokratët e zhgënjyer pasi i ofendoi dhe i përdhosi me Sekrtearin e tij për më shumë se një dy muaj:

“Shohim te rinia shpresën të ardhmen, që duhe të kishtë ardhur por u ndal prej regjimit e gavimeve tona. Te rinia, shpirti i saj i pastër, ne PD do të vendosim fatin e Shqipërisë europiane, por ne nuk mund të injorojmë se ndryshe prap do gabojmë c’ka po ndodh me një pjesë të familjes tonë politike.

Ndaj i drejtohem demokratëve të zhgënjyer, e njoh edhe e kam prekur dëshmpërimin tuaj. Kur më keni votëbesuar, jo një karrige po prirjen në betëjën për përmbysjen e një shteti që nuk ka lidhje me demokracinë dhe votën e lirë. Të një beteje ku demokratët do prinë edhe një herë me vlera e parime me motivin e vetëm për të cilën lindëm 31 vjet me parë. Interesat e tyre, janë më të shenjta. Hijet e të kaluarës s’mund t’ju turbullojnë kulti i individit s’mund të ngrihet më në asnjë formë.

Jam në mesin tuaj, jo si njeri që përpiqet të shtojë radhët, ky është përkufizimi bolshevik i udhëheqësit, por përmes parimeve, të mos bëjë atë që po tentojnë të bëjnë sot, aktorët 30 vjecar të tranzicionit sepse po e bëra edhe unë kam vënë një tjetër tullë në murin e tranzicionit. Nuk jam në mesin tuaj për të kërkuar njerëz që më ndjekin vebërisht, por jemi të gjithë udhëheqës që frymëzojnë udhëheqës. Çdo shqiptar të jetë luftëtar i vlerave dhe parimeve,” tha Basha nmdërsa shtoi:

“Çdo përpjekje për të ndaluar në këtë rrugë, për të na tërhequr anash nga përballja frontale me rrezikun që paraqet regjimi grabitqar i lindur nga masakra e 25 prilli, është dhe duhet të jetë e shkuara.”

Ndonëse ishte ceremoni festive, ai kishte rezervuar dhe akuza për liderin historik Sali Berisha pse 11 dhjetori i sotëm është ditëlindje e thyer, dhe duke mos i gjetur gabime vetes tha se kjo ndodhi për shkak të shkelmimit të një vlere.

“Ndaj, kjo ditëlindje na gjen zemër thyer, pasi pa mendueshëm duhet të kalonim dhe një sprovë, pas kaq shumë sprovave. E tillë është rruga drejt vlerave. E tillë ka qenë rruga. E nuk mund të jetë ndryshe dhe rruga jonë. Do e kalojmë këtë sprovë, pasi jemi bashke dhe të bashkuar. Me vlerat me të cilat lindëm, vlerat e lirisë dhe demokracisë. Ne jemi PD, pro amerikane, pro kombëtare, parti e vlerave të perëndimit. Ndaj çdo përpjekje për të nda ndaluar në këtë rrugë, për të na tërhequr anash nga përballja frontale me rrezikun që paraqet regjimi grabitqar i lindur nga masakra e 25 prilli, është dhe duhet të jetë e shkuara.

Sot ne jemi këtu dhe unë jam këtu për të konfirmuar me emrin tuaj dhe të të mjerave demokratëve se e shkuara nuk mund dhe nuk do të na pengojë në misionin tonë për të ardhmen ndaj Shqipërisë. Duke nisur që nga ky moment e deri në realizimin e objektivit tonë parësor për t’i çelur rrugën eupropiane Shqipërisë, që është largimi i Edi Ramës, ne të gjithë bashkë do të vazhdojmë përpara. Kjo ftesë i drejtohet edhe atyre që gabueshëm kanë menduar se kjo parti e ka humbur rrugën e vetë dhe mund të tentojë rrugë të pashkelura nga partitë që i shërbejnë demokracisë. Apo se mund të tentojnë që të thyejnë ADN tonë ku ndërthuren Liria dhe Demokracia. Këto tre vlera të demokratëve, vlerat me të cilat lindëm janë të paprekshme.

Siç është i paprekshëm mendimi i lirë që do të derdhet në dialogun kombëtar në 18 dhjetor të shtunën, në pallatin e Kongreseve. Të mos lejojmë që në veçanti këtë ditë, ditën e lindjes së PD, të forcës që mishëron idealin e demokracisë, që kundërshtarët e demokracisë, që nxënësit e dishepujt e demokracisë, që oligarkia që ka sunduar dhe sundon me ndihmën e tyre që të gëzojnë se demokratët janë përçarë,” tha Lulzim Basha për oligarkët që e mbajnë në jetë për 8 vjet ndërsa shtoi duke akuzuar Berishën:

“Jo! 11 dhjetori i sotëm është ditëlindje e thyer për shkak të shkelmimit të një vlere. Vendosjes së interesit personal mbi atë të PD dhe shqiptarëve dhe Shqipërisë. Por, e dimë që jo çdo ditëlindje shkon ashtu siç e duam. Por ne mësojmë dhe ecim përpara me zemrën e hapur për këdo që ka gabuar dhe që ka motive të pastra, me vendosmërinë për t’i thënë kujto jashtë radhëve tona politike, nga ata që e duan PD të përçarë. S’do ia dilni. Ne jemi të bashkuar, do ia dalim. Fitore Partisë Demokratike, fitore Shqipërisë. Ju uroj demokratëve kudo ku janë, gëzuar 11 dhjetori, ditën e lindës së PD. Zoti bekoftë demokratë dhe Shqipërinë.”

Në fund, ndonëse është e qartë s e nuk e sheh veten në pasqyr, Kryetari aktual Lulzim Basha, tha se misioni i PD, mbetet mision i shenjtë, dalja nga tranzicioni i stërzgjatur. Dhe për të arsyetuar Ftesën e kremtimit përuroi Memoriali me firmëtarët themelues të dhjetorit 1990:

“Së pari dhe ndryshe nga herë të tjera, PD e kujton këtë ditë duke përjetësuar në ambjentet e saj dokumentin themeltar të firmëtarëve të PD. Të emrave të atyre që sot nuk janë mes nesh, të atyre që janë jashtë të atyre që janë kthyer nga SHBA e Kanadaja.

Sot këtë instalacion do e zbulojnë dy vajza të forumit rinor të PD, si simbol i vazhdimit të misionit tonë për shqiptarët me rininë për rininë me të ardhmen. Sprovat tona kanë qenë të panumërta. Disa i kemi mbartur brenda vetes, që nga momentet e para të lindjes.

E një regjimi që vafëroi ndërgjegjen e kombit, duke ndaluar artin që nuk ishte në përputhje me antivlerat e diktaturës. Mbijetesa është një tregues i guximit dhe instiktit të këtij kombi, t’i prish daljes nga kjo greminë, ky tranzicion i stërzgjatur mbetet misioni i shenjtë i PD.”