Nuk ja bëri Berisha, Ilir Meta e kërkon nga Basha…
Atë që nuk e bëri Sali Berisha në kohën kur Ilir Meta ishte Kryeministër, sot Meta President e kërkon nga Kryetari i Partisë Demokratike, Lulzim Basha për largimin e Kryeministrit Edi Rama:
“Nëse opozita në Serbi do të priste që Millosheviçi të dënonte Millosheviçin, apo të garantonte zgjedhje të lira e të ndershme, padyshim që edhe sot e kësaj dite ai mund të ishte në pushtet po të mos i pushonte zemra,” thotë Meta të cilin nga posti i Kryeministrit nuk e shkarkoi lideri i opozitës por pushteti absolut të cilin po e merrte Ilir Meta me ose pa dashje dhe që alarmoi Aelatët perëndimor, në atë kohë më të vëmendshëm në Ballkan, dhe e larguan me kohë.
“Zgjedhjet janë e vetmja zgjidhje për demokraci dhe drejtësi. Çdo gjë tjetër është justifikim, alibi dhe bashkëfajësi!” thotë Presidenti i Republikës duke harruar duke saktësoj se jo vetëm zgjedhjet janë e vetmja zgjidhje.
Në kohën kur Ilir Meta ishte Kryeministër vetëm zgjedhjet nuk ishin zgjidhje, madje ngatërruan edhe më shumë situatën sepse nuk ishin zgjedhje të lira dhe të ndershme.
Por jo gjithçka është e pashpresë edhe kur këshillon Ilir Meta. Sot ai nuk është aktor vendimtar në politikën shqiptare dhe Lulzim Bashës i mjaftojnë 3 parimet e përcaktuara për daljen nga kriza dhe largimin e Edi Ramës edhe pa modelin e Beogradit.
Ja postimi i plotë:
Zgjedhjet janë e vetmja zgjidhje. Vetëm duke qëndruar në anën e ligjshmërisë dhe pjesëmarrjes në institucione, opozita mund të ndihmojë vendin, demokracinë, drejtësinë, por edhe vetveten. Nëse opozita në Serbi do të priste që Millosheviçi të dënonte Millosheviçin, apo të garantonte zgjedhje të lira e të ndershme, padyshim që edhe sot e kësaj dite ai mund të ishte në pushtet po të mos i pushonte zemra.
Por opozita mori vendimin më të drejtë duke u bashkuar, duke u përballur me të dhe duke e mundur. Më pas i vuri prangat dhe e përcolli për në gjykatën e Hagës. Ndaj zgjedhjet janë e vetmja zgjidhje për demokraci dhe drejtësi.
Çdo gjë tjetër është justifikim, alibi dhe bashkëfajësi!
18 tetori po afron!
